ଯାଜପୁର ୨୭।୦୧ : କ୍ରିକେଟ୍ ଖେଳରୁ ମହାଭାରତ । ଖେଳ ପଡିଆ ପାଲଟିଲା ଯୁଦ୍ଧ କ୍ଷେତ୍ର । ଯାଜପୁର ଜିଲ୍ଲା ବିଞ୍ଝାରପୁର ବ୍ଲକ ଅଳକୁଣ୍ଡ ଥାନା ଆଉଁରୀ ନିକଟ ପଡିଆରେ ଏପରି ଅଘଟଣ ଘଟିଯାଇଛି । ଅଳକୁଣ୍ଡ ଥାନା ପୋଲିସ ଘଟଣାର ତଦନ୍ତ ଆରମ୍ଭ କରିଛି ।
ଜମି ଜବରଦଖଲ ଉଚ୍ଛେଦକୁ ନେଇ ତୁମୁଳ କାଣ୍ଡ, ହଟାହଟା ହେଲେ ପୋଲିସ ଓ ଏସଡିପିଓ
ଖବର ଅନୁଯାୟୀ, ଯାଜପୁର ଜିଲ୍ଲା ଆଉଁରୀ ନିକଟ ପଡିଆରେ ପଞ୍ଚାୟତ ସ୍ତରୀୟ କ୍ରିକେଟ୍ ଟୁର୍ଣ୍ଣାମେଣ୍ଟ ଚାଲିଥିଲା । ଏହି ସମୟରେ କୌଣସି କଥାକୁ ନେଇ ଉଭୟ ଦଳ ମଧ୍ୟରେ ବିବାଦ ଦେଖାଦେଇଥିଲା । ଯାହାଫଳରେ ପିଟାପିଟି ହୋଇଥିଲେ । ଯିଏ ଯାହା ହାତରେ ପାଇଲା, ସେଥିରେ ବାଡେଇଥିଲେ । ଏପିରିକି ଓ୍ୱିକେଟ୍ ଏବଂ ବ୍ୟାଟରେ ଗଣ୍ଡଗୋଳ ହେଉଥିବାର ମଧ୍ୟ ଦେଖିବାକୁ ମିଳିଥିଲା । ପଡିଆରେ ଉଭୟ ଦଳର ପିଲା ଗଣ୍ଡଗୋଲ କରୁଥିବାର ଭିଡିଓ ଏବେ ସୋସିଆଲ୍ ମିଡିଆରେ ଖୁବ ଭାଇରାଲ ହେବାରେ ଲାଗିଛି । ଘଟଣାଟି ଦୁଇ ଦିନ ତଳର ହୋଇଥିବା ବେଳେ ଏବେ ଏହାର ଭିଡିଓ ଭାଇରାଲ ହେବାରେ ଲାଗିଛି । ତେବେ ଖେଳ ମଝିରେ ହଠାତ୍ କାହିଁକି ଗଣ୍ଡଗୋଲ ହେଲା, ସେନେଇ କୌଣସି ସ୍ପଷ୍ଟ ସୂଚନା ମିଳିନାହିଁ । ସେପଟେ ଏହି ଗଣ୍ଡଗୋଳକୁ ନେଇ ଅଳକୁଣ୍ଡା ଥାନାରେ ଉଭୟ ଦଳ ପକ୍ଷରୁ ଲିଖିତ ଅଭିଯୋଗ ହୋଇଛି । ଆଉ ଅଭିଯୋଗ ପରେ ପୋଲିସ ତଦନ୍ତ କରି ଘଟଣାର ସମାଧାନ କରିଥିବା ଜଣାପଡିଛି ।
ତିନି ଦିନ ଯାଏ କୁହୁଡିରୁ ମିଳିବନି ନିସ୍ତାର, ୧୨ ଜିଲ୍ଲାକୁ ପାଣିପାଗ ବିଭାଗର ଆଲର୍ଟ
