ସାଲେପୁର ୧୪।୧୨: କଟକ ସାଲେପୁର ରାସ୍ତାର ନାଳିଆମୁହଁ ଛକ ନିକଟରେ ଏକ ଘରୋଇ ବସ୍ ସହ ବାଇକ ମୁହାଁମୁହିଁ ଧକ୍କା । ବାଇକକୁ ବସଟି ରାସ୍ତାରେ ପାଖାପାଖି ୧୦୦ ମିଟର ଉର୍ଦ୍ଧ୍ବ ବାଟ ଘୋଷାଡି ନେଇଥିବା ଦେଖିବାକୁ ମିଳିଛି । ବାଇକରେ ଥିବା  ଦୁଇଜଣ ଗୁରୁତର । ଗୁରୁତର ଦୁଇ ଜଣ ହେଲେ ସାଲେପୁର ସାହୁକ୍ଷେତର ଗଣେଶ ମହାପାତ୍ର ଓ କୋରୁଆ ବେତେରାର ବିଜୟ କୁମାର ଓଝା ।  ଦୁଇ ଜଣ ଶ୍ରୀରାମ ଫାଇନାନ୍ସରେ କାମ କରନ୍ତି । ଧବଳେଶ୍ବର ନାମକ ଏକ ଘରୋଇ ବସ୍ କଟକରୁ ସାଲେପୁର ଅଭିମୁଖେ ଯାଉଥିଲା ବେଳେ ବିପରୀତ ପଟୁ ଆସୁଥିବା ବାଇକ ସହ  ମୁହାଁମୁହିଁ ଧକ୍କା ହୋଇଥିଲା। ବସଟି ରାସ୍ତାରେ ପାଖାପାଖି ୧୦୦ ମିଟର ଉର୍ଦ୍ଧ୍ବ ବାଇକକୁ ଘୋ।ଷାଡି ନେଇଥିଲା। ବାଇକରେ ଥିବା ଦୁଇ ଜଣଙ୍କୁ ସଙ୍କଟାପନ୍ନ ଅବସ୍ଥାରେ ସ୍ଥାନୀୟ ଲୋକେ ଓ ପୋଲିସ ଉଦ୍ଧାର କରି ୧୦୮ ଆମ୍ବୁଲାନ୍ସ ଯୋଗେ କଟକ ବଡ଼ ମେଡିକାଲକୁ ଚିକିତ୍ସା ପାଇଁ  ପଠାଇ ଦିଆଯାଇ ଥିବା ସୂଚନା ମିଳିଛି । ଘଟଣାସ୍ଥଳରୁ ବାଇକ୍ ଓ ବସକୁ ସାଲେପୁର ପୋଲିସ ଜବତକରି ତଦନ୍ତ ଚଳାଇଥିବା ନେଇ ସୂଚନା ମିଳିଛି।

You Can Read:

ଦେବଭୂମିରେ ଦୁଇ ବାଇକ୍ ମୁହାଁମୁହିଁ ଧକ୍କା : ଜଣେ ମୃତ, ଦୁଇ ଗୁରୁତର