ଭୁବନେଶ୍ୱର ୧୮।୦୨ : ନେପାଳ ଛାତ୍ରଙ୍କୁ ମାଡ଼ ମାରିବା ଘଟଣାରେ ଆକ୍ସନ । ଦୁଇଜଣ ସିକ୍ୟୁରିଟି ଗାର୍ଡକୁ ଗିରଫ କଲା କମିଶନରେଟ ପୋଲିସ । ଗିରଫ ଦୁଇ ସିକ୍ୟୁରିଟି ଗାର୍ଡ ହେଉଛନ୍ତି ରମାକାନ୍ତ ନାୟକ ଏବଂ ଯୋଗେନ୍ଦ୍ର ବେହେରା । ସମସ୍ତ ଛାତ୍ର ଛାତ୍ରୀଙ୍କୁ ସୁରକ୍ଷା ଯୋଗାଇବା ପାଇଁ ପ୍ରତିଶ୍ରୁତି ଦେବା ସହ କମିଶନରେଟ ପୋଲିସ ପକ୍ଷରୁ ଖୋଲା ଯାଇଛି ୨୪ଘଣ୍ଟିଆ କଣ୍ଟ୍ରୋଲ ରୁମ । କୌଣସି ଅସୁବିଧାରେ ପଡିଲେ 8280338301 ହେଲ୍ପ ଲାଇନ ନମ୍ବରକୁ ଯୋଗାଯୋଗ କରିବାକୁ ଅପିଲ କରିଛି କମିଶନରେଟ୍ ପୋଲିସ ।

ଅନ୍ୟପଟେ  ବିଶ୍ବବିଦ୍ୟାଳୟ କ୍ୟାମ୍ପସରେ ନେପାଳ ଛାତ୍ରୀଙ୍କ ଆତ୍ମହତ୍ୟା ପରେ କ୍ୟାମ୍ପସ ଅଶାନ୍ତ ଦେଖିବାକୁ ମିଳିଛି। ସ୍ଥିତି ଆୟତ କରିବାକୁ ବ୍ୟାପକ ପୋଲିସ ଫୋର୍ସ ମୁତୟନ ହୋଇଛନ୍ତି । କମିଶନରେଟ୍ ପୋଲିସ ଘଟଣାର ତଦନ୍ତ ଆରମ୍ଭ କରିଛି। ଏହାସହିତ ବିଶ୍ୱବିଦ୍ୟାଳୟ କର୍ତ୍ତୃପକ୍ଷ ପ୍ରେସ୍ ରିଲିଜ୍ ଜାରି କରି ଘଟଣା ପାଇଁ ଦୁଃଖ ପ୍ରକାଶ କରିଛନ୍ତି । ପୂରା ଘଟଣା ପାଇଁ କ୍ଷମା ମାଗିଛନ୍ତି ବିଶ୍ୱବିଦ୍ୟାଳୟ କୂଳପତି। ଏହି ଘଟଣାରେ ୨ ଜଣ ସୁରକ୍ଷା କର୍ମୀ ନିଲମ୍ବିତ ହୋଇଛନ୍ତି । ୨ ସିନିୟର ହଷ୍ଟେଲ ଅଧିକାରୀଙ୍କ ଟିପ୍ପଣୀ ଦାୟିତ୍ବହୀନ ବୋଲି କହିବା ସହ ସେମାନଙ୍କୁ ନିଲମ୍ବନ କରାଯାଇଛି । ସେମାନଙ୍କ ମନ୍ତବ୍ୟକୁ ଆମେ ସମର୍ଥନ କରୁନାହୁଁ । ସେମାନଙ୍କୁ କାର୍ଯ୍ୟରୁ ଅନ୍ତର କରାଯାଇଛି । ସେମାନେ ମଧ୍ୟ ଏଭଳି ବ୍ୟବହାର ପାଇଁ ଭୂଲ ମାଗିଛନ୍ତି । ଆମେ ନେପାଳୀ ଛାତ୍ରଛାତ୍ରୀଙ୍କୁ ଭଲ ପାଉ । ଛାତ୍ରଛାତ୍ରୀଙ୍କ ପାଇଁ ବିଶ୍ୱବିଦ୍ୟାଳୟ ପକ୍ଷରୁ କଣ୍ଟ୍ରୋଲ ରୁମ୍ ଖୋଲାଯାଇଛି । ସ୍ଥିତି ସ୍ବାଭାବିକ ହେବାକୁ ବିଶ୍ବବିଦ୍ୟାଳୟ ପକ୍ଷରୁ ପଦକ୍ଷେପ ନିଆଯାଉଥିବା ପ୍ରେସ୍ ରିଲିଜ୍ ମାଧ୍ୟମରେ ବିଶ୍ୱିବଦ୍ୟାଳୟ ସୂଚନା ଦେଇଛି । ଏହାସହ ନେପାଳୀ ଛାତ୍ରଛାତ୍ରୀଙ୍କୁ ପୁଣି ଥରେ କଲେଜ୍ ରେ ଯୋଗ ଦେବା ଲାଗି ଅନୁରୋଧ କରିଛନ୍ତି କୂଳପତି ।