ରାୟଗଡ଼ା ୯।୧: ରାୟଗଡ଼ା ସହର ଉପକଣ୍ଠରେ ଥିବା ନାଗାବଳୀ ନଦୀରେ ବୁଡି ଦୁଇ ଛାତ୍ରଙ୍କ ମୃତ୍ୟୁ ହୋଇଛି । ଖବର ପାଇ ଦମକଳ ବାହିନୀ ଦୁଇ ଛାତ୍ରଙ୍କୁ ଉଦ୍ଧାର କରିଛନ୍ତି । ମୃତକ ଦୁଇ ଜଣ ହେଲେ ଶ୍ରୀନୁ କୁମାର ଯାଦବ ଏବଂ ଭାର୍ଗବ ଚରଣ । ଏହି ଦୁଇ ଜଣ ଏକ ଘରୋଇ ସ୍କୁଲର ୬ଷ୍ଠ ଶ୍ରେଣୀରେ ପାଠ ପଢୁଥିଲେ । 

ତେବେ ଘରେ କାହାକୁ କିଛି ନକହି ଛାତ୍ର ମାନେ ଝୁଲା ପୋଲକୁ ବୁଲିବାକୁ ଆସିଥିଲେ । ବଲ୍ ଖେଳୁଥିବା ବେଳେ ପାଣିରେ ବଲ୍ ପଡିଯାଇଥିଲା । ଜଣେ ବଲ୍ ଆଣିବାକୁ ଯାଇ ବୁଡିଯିବା ପରେ ଉଦ୍ଧାର କରିବାକୁ ଯାଇ ଅନ୍ୟ ଜଣଙ୍କର ମୃତ୍ୟୁ ହୋଇଛି । ଝୁଲା ପୋଲ ନିକଟରେ ଏଭଳି ଘଟଣା ନିୟମିତ ହୋଇଗଲାଣି । ଘଟଣା ଘଟିବା ପରେ ଟାଉନ୍ ଥାନା ପୋଲିସ ତଦନ୍ତ ଜାରି ରଖିଛି । ସେହିପରି ଉକ୍ତ ବିଦ୍ୟାଳୟର କର୍ତ୍ତୃପକ୍ଷ ମଧ୍ୟ ଘଟଣାସ୍ଥଳରେ ପହଞ୍ଚିଛନ୍ତି ।

You Can Read:

CISF ଯବାନଙ୍କ ଆତ୍ମହତ୍ୟା, ନିଜ ବନ୍ଧୁକରୁ ନିଜକୁ ମାରିଲେ ଗୁଳି