ଭଦ୍ରକ ୧୧।୧୨ : ଆରମ୍ଭ ହେଲା ତ୍ୟାଗଭୂମି ମହୋତ୍ସବ । ସାହିତ୍ୟ ଓ ସାଂସ୍କୃତିକ ଅନୁଷ୍ଠାନ ତ୍ୟାଗଭୂମି ସମ୍ମିଳନୀ ପକ୍ଷରୁ ଭୂମି ମହୋତ୍ସବ ଉଦ୍ଘାଟିତ ହୋଇଛି । ଭଦ୍ରକ ସହରର ମଠସାହି ଗୋପାଳଜୀଉ ମଠ ପଡିଆରେ ଏହି ମହୋତ୍ସବ ଆରମ୍ଭ ହୋଇଯାଇଛି ।
ତେବେ ଉଦ୍ଘାଟନ ପୂର୍ବରୁ ଭଦ୍ରକ ଜିଲ୍ଲାର ବିଭିନ୍ନ ବରପୁତ୍ରଙ୍କୁ ପୁଷ୍ପ ମାଲ୍ୟାର୍ପଣ କରାଯାଇଥିଲା । ଡାହାଣୀ ଗଡିଆ ଛକ ସ୍ଥିତ ଗୋପବନ୍ଧୁଙ୍କ ପ୍ରତିମୂର୍ତ୍ତି ସମେତ କାନ୍ତକବି ଲକ୍ଷ୍ମୀକାନ୍ତ ମହାପାତ୍ର, ଉତ୍କଳ କେଶରୀ ଡକ୍ଟର ହରେକୃଷ୍ଣ ମହତାବ, ମହମ୍ମଦ ହନିଫ , ଗୋକୁଳାନନ୍ଦ ମହାନ୍ତିଙ୍କ ମହାପୁରୁଷଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରାଯାଇଥିଲା । ଏହାପରେ ଏକ ମଶାଲ ଶୋଭାଯାତ୍ରା ହୋଇଥିଲେ । ଲୁଣିଆ ଓ ଇରମ ସହିଦ ପୀଠ ସ୍ମୃତି ଉଦ୍ଦେଶ୍ୟରେ ଏହି ଶୋଭାଯାତ୍ରା ସନ୍ଧ୍ୟାରେ ସହରରେ ଏକ ବିରାଟ ପଟୁଆରରେ ବୁଲିଥିଲେ । ଶେଷରେ ଶୋଭାଯାତ୍ରାକାରୀ ଦଳ ମଶାଲ ଧରି ସହର ପରିକ୍ରମା କରି ମଠସାହି ପଡିଆକୁ ଯାଇଥିଲେ । ଏହି ମହୋତ୍ସବ ୧୮ ତାରିଖ ପର୍ଯ୍ୟନ୍ତ ଚାଲିବ । ସାହିତ୍ୟ, ସଂସ୍କୃତି ଓ ଶାସ୍ତ୍ରୀୟ ନୃତ୍ୟ ସଂଗୀତ ଆଦି କାର୍ଯ୍ୟକ୍ରମ ହେବ ବୋଲି ସମ୍ମିଳନୀରେ ସଭାପତି ଅଜୟ ନାୟକ ସୂଚନା ଦେଇଛନ୍ତି ।
