ଭୁବନେଶ୍ବର୨୪/୭: ଠିକାଦାରଙ୍କ ଟଙ୍କା ଦେଇପାରିଲେନି । ଇଞ୍ଜିନିୟରଙ୍କ ଅଫିସ ସାମଗ୍ରୀ ନିଲାମ ପାଇଁ ପହଞ୍ଚିଥିଲେ କୋର୍ଟ କର୍ମଚାରୀ । ରାଜଧାନୀର BSNL ଅଫିସର ଚିଫ ଇଞ୍ଜିନିୟର ପି.କେ ମଲ୍ଲିକ ଠିକାଦାରଙ୍କ ଟଙ୍କା ଦେଇପାରିନଥିଲେ । ୨୦୦୦ ମସିହାରେ ଠିକା ନେଇ କାମ କରୁଥିଲେ ଠିକାଦାର ସୁବାଷ ଚନ୍ଦ୍ର କାଞ୍ଚନ ।

କଳିଙ୍ଗ ହସ୍‌ପିଟାଲ ପଛ ପାଖରେ ୯ଟି ଟାଇପ-୫ କ୍ବାର୍ଟର ନିର୍ମାଣ କରିଥିଲେ । ୨୦୦୨ରେ କାମ ପାଇଁ ଅନ୍ୟ ଜଣଙ୍କୁ ଟେଣ୍ଡର ଦିଆଯାଇଥିଲା । ସେତେବେଳେ କାମ ବାବଦକୁ ୭୮ ଲକ୍ଷ ଟଙ୍କା ବାକି ପଡିଥିଲା । ବକେୟା ଟଙ୍କା ପାଇବାକୁ କୋର୍ଟଙ୍କ ଦ୍ବାରସ୍ଥ ହୋଇଥିଲେ ଠିକାଦାର ସୁବାଷ ଚନ୍ଦ୍ର କାଞ୍ଚନ। ବାରମ୍ବାର କୋର୍ଟଙ୍କ ନିର୍ଦ୍ଦେଶ ସତ୍ତ୍ବେ ବକେୟା ଅର୍ଥ ଦେଇନଥିଲେ ଚିଫ୍‌ ଇଞ୍ଜିନିୟର । ଏବେ ସୁଦ୍ଧା ୧କୋଟି ୩୩ ଲକ୍ଷର ସ୍ଥାବର ସଂପତ୍ତି ନିଲାମ ପାଇଁ ପହଞ୍ଚିଥିଲେ କୋର୍ଟ କର୍ମଚାରୀ ।