ଢେଙ୍କାନାଳ ୨୧।୫: ସ୍ବରାଷ୍ଟ୍ର ମନ୍ତ୍ରୀ ଅମିତ ଶାହ ଓଡିଶାକୁ ନିର୍ବାଚନୀ ଗସ୍ତରେ ଆସୁଛନ୍ତି । ରାଜ୍ୟର ବିଭିନ୍ନ ସ୍ଥାନରେ ଶାହ ନିର୍ବାଚନୀ ସଭାରେ ଯୋଗଦେଇ ବିଜେପି ଦଳୀୟ ପ୍ରାର୍ଥୀଙ୍କୁ ଭୋଟ୍ ପାଇଁ ନିବେଦନ କରିବେ । 

ଏହି ଅବସରରେ ଅପରାହ୍ନ ସାଢେ ୨ଟା ସମୟରେ ଢେଙ୍କାନାଳ ଜିଲ୍ଲା ପରଜଙ୍ଗ ବିଧାନସଭା ନିର୍ବାଚନ ମଣ୍ଡଳୀ ଅନ୍ତର୍ଗତ ବାଟଗାଁ ହାଇସ୍କୁଲ ପଡ଼ିଆରେ ସାଧାରଣ ସଭାରେ ଯୋଗଦେବେ ଶାହ । ଅମିତ ଶାହଙ୍କ ଏହି ଗସ୍ତ ପାଇଁ ଢେଙ୍କାନାଳର ବାଟଗାଁରେ ବ୍ୟାପକ ପ୍ରସ୍ତୁତି ଚାଲିଛି । ସାଧାରଣ ସଭାରେ ଯୋଗଦେଇ ଦଳୀୟ ବିଜେପି ପ୍ରାର୍ଥୀ ମାନଙ୍କ ପାଇଁ ନିର୍ବାଚନ ପ୍ରଚାର କରିବେ ଶାହ । ଏପରିକି କେନ୍ଦ୍ର ସରକାରଙ୍କର କିଛି ଯୋଜନା ଘୋଷଣା କରିବାର କାର୍ଯ୍ୟକ୍ରମ ରହିଛି । 

ଶାହଙ୍କ ଏହି ଗସ୍ତ ସମୟରେ ତାଙ୍କ ସହିତ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଏବଂ ରାଜ୍ୟର କିଛି ନେତୃବୃନ୍ଦ ମଧ୍ୟ ଉପସ୍ଥିତ ରହିବେ ବୋଲି ବିଜେପିର ପରଜଙ୍ଗ ବିଧାନସଭା ପ୍ରାର୍ଥୀ ସୂଚନା ପ୍ରଦାନ କରିଛନ୍ତି ।

ସେହିଭଳି କେନ୍ଦୁଝର, ସମ୍ବଲପୁର, ନୟାଗଡରେ ଆୟୋଜିତ ନିର୍ବାଚନୀ ସଭାରେ ମଧ୍ୟ ଅମିତ ଶାହ ଯୋଗଦେବେ ।

You Can Read :

ପ୍ରଭୁ ଜଗନ୍ନାଥଙ୍କୁ ନେଇ ସମ୍ୱିତ୍ ପାତ୍ରଙ୍କ ବୟାନକୁ ମୁଖ୍ୟମନ୍ତ୍ରୀଙ୍କ ନିନ୍ଦା, ଦେଲେ ଏମିତି ଜବାବ