Gaganyaan Mission: ଇସ୍ରୋକୁ ବଡ଼ ସଫଳତା, ମୁଖ୍ୟ ପାରାଚୁଟ୍‌ର ଇଣ୍ଟିଗ୍ରେଟେଡ୍ ଏୟାରଡ୍ରପ୍ ଟେଷ୍ଟ ସଫଳ

ନୂଆଦିଲ୍ଲୀ: ଭାରତୀୟ ମହାକାଶ ଅନୁସନ୍ଧାନ ସଂଗଠନ (ଇସ୍ରୋ) ଗଗନଯାନ ମିଶନ ଦିଗରେ ଆଉ ଏକ ଗୁରୁତ୍ୱପୂର୍ଣ୍ଣ ଉପଲବ୍ଧି ହାସଲ କରିଛି । ଇସ୍ରୋ ନଭେମ୍ୱର ୩ରେ ଝାନ୍ସୀର ବାବିନା ଫିଲ୍ଡ ଫାୟରିଂ ରେଞ୍ଜରେ ଇଣ୍ଟିଗ୍ରେଟେଡ୍ ମ୍ୟାନ ପାରାଚୁଟ୍ ଏୟାରଡ୍ରପ୍ ଟେଷ୍ଟ ସଫଳତାର ସହ ପୂରଣ କରିଛି । ଗଗନଯାନ ମିଶନ ପାଇଁ ଏହି ପରୀକ୍ଷଣ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ଥିଲା ।

ଏହି ପରୀକ୍ଷଣର ଉଦ୍ଦେଶ୍ୟ ମହାକାଶ ଅର୍ଥାତ୍ ମୁଖ୍ୟ ପାରାସୁଟ୍ ସିଷ୍ଟମକୁ ଅତ୍ୟଧିକ ଜଟିଳ ପରିସ୍ଥିତିରେ ଯାଞ୍ଚ କରିବା । ଇସ୍ରୋ ଅନୁସାରେ ପରୀକ୍ଷଣ ସମୟରେ ପାରାଚୁଟ୍ ନିର୍ଦ୍ଧାରିତ ମାନଦଣ୍ଡ ଅନୁସାରେ ପ୍ରଦର୍ଶନ କରିଥିଲା ଓ ସମସ୍ତ ସୁରକ୍ଷା ମାନଦଣ୍ଡରେ ସଫଳ ହୋଇଥିଲା । ଏହି ପରୀକ୍ଷଣ ଭାରତୀୟ ବାୟୁ ସେନା ଓ ଏଡିଇ (ଏରୋନଟିକଲ ଡେଭଲପମେଣ୍ଟ ଏଷ୍ଟାବ୍ଲିସମେଣ୍ଟ) ସହଯୋଗରେ କରାଯାଇଛି ।

ISRO successfully conducted a key Integrated Main Parachute Airdrop Test (IMAT) for the Gaganyaan mission at Babina Field Firing Range, Jhansi, on November 3, 2025. The test validated the main parachutes under extreme conditions, says ISRO.

(Source: ISRO) pic.twitter.com/AlNv1D8P6m

— ANI (@ANI) November 11, 2025

ଗଗନୟାନ ମିଶନ ପାଇଁ ଏହି ପରୀକ୍ଷଣକୁ ବହୁତ ଗୁରୁତ୍ୱପୂର୍ଣ୍ଣ ବୋଲି ବିବେଚନା କରାଯାଏ, କାରଣ ପାରାଚୁଟ୍ ସିଷ୍ଟମ୍ ହେଉଛି ମହାକାଶଯାନର ସୁରକ୍ଷିତ ଅବତରଣର ଏକ ପ୍ରମୁଖ ଅଂଶ । ଇସ୍ରୋ ଅନୁଯାୟୀ, ମହାକାଶଚାରୀଙ୍କ ପ୍ରତ୍ୟାବର୍ତ୍ତନ ସମୟରେ ବ୍ୟବହୃତ ଅବତରଣ ସିଷ୍ଟମର ନିର୍ଭରଯୋଗ୍ୟତା ସୁନିଶ୍ଚିତ କରିବା ପାଇଁ ଏହି ପରୀକ୍ଷଣ କରାଯାଇଥିଲା ।

ସଂଗଠନ କହିଛି ଯେ ଆଗାମୀ ମାସଗୁଡ଼ିକରେ ଅଧିକ ପରୀକ୍ଷଣ କରାଯିବ । ଏହା ଦ୍ୱାରା ୨୦୨୬ରେ ପ୍ରସ୍ତାବିତ ମାନବ ଉଡ଼ାଣ ପୂର୍ବରୁ ସମସ୍ତ ବୈଷୟିକ ଦିଗଗୁଡ଼ିକୁ ପରୀକ୍ଷଣ କରାଯାଇପାରିବ । ଇସ୍ରୋ ବୈଜ୍ଞାନିକମାନେ ଏହାକୁ ଏକ "ଗୁରୁତ୍ୱପୂର୍ଣ୍ଣ ମିଶନ ମାଇଲଖୁଣ୍ଟ" ବୋଲି କହିଛନ୍ତି, ଯାହା ଭାରତର ପ୍ରଥମ ମାନବ ମହାକାଶ ମିଶନକୁ ଆହୁରି ମଜବୁତ କରିବ ।