କେନ୍ଦୁଝରରେ ୫୨ତମ ରାଜ୍ୟସ୍ତରୀୟ ବାଲ୍ ବୈଜ୍ଞାନିକ ପ୍ରଦର୍ଶନୀ ଉଦଘାଟନ କଲେ ମୁଖ୍ୟମନ୍ତ୍ରୀ, କହିଲେ- ଆଜିର ଛାତ୍ରଛାତ୍ରୀ ମାନେ ହିଁ ବୈଜ୍ଞାନିକ ହୋଇ ଦେଶକୁ ଆତ୍ମନିର୍ଭର କରିବେ

କେନ୍ଦୁଝର ୨୭।୧୨: ମୁଖ୍ୟମନ୍ତ୍ରୀ ମୋହନ ଚରଣ ମାଝିଙ୍କ କେନ୍ଦୁଝର ଗସ୍ତର ଦ୍ଵିତୀୟ ଦିନରେ ପ୍ରଥମେ ଧନୁର୍ଜୟ ନାରାୟଣ ଉଚ୍ଚ ବିଦ୍ୟାଳୟ ପରିସରରେ ପହଞ୍ଚି ୫୨ତମ ରାଜ୍ୟସ୍ତରୀୟ ବାଲ୍ ବୈଜ୍ଞାନିକ ପ୍ରଦର୍ଶନୀକୁ ଉଦଘାଟନ କରିଥିଲେ । ପ୍ରଦର୍ଶନୀକୁ ଫିତା କାଟି ଜଗନ୍ନାଥ ଓ ମା' ତାରିଣୀଙ୍କ ନିକଟରେ ପ୍ରଦୀପ ପ୍ରଜ୍ଜ୍ଵଳିତ କରି ଉଦଘାଟନ କରିଥିଲେ । ଏହି ୫୨ତମ ରାଜ୍ୟସ୍ତରୀୟ ବାଲ୍ ବୈଜ୍ଞାନିକ ପ୍ରଦର୍ଶନୀରେ ସମଗ୍ର ରାଜ୍ୟର ୩୦ଟି ଜିଲ୍ଲାରୁ ୨୧୦ଟି ପ୍ରକଳ୍ପ ପ୍ରଦର୍ଶିତ ହୋଇଛି । ଏହି ପ୍ରଦର୍ଶନୀରୁ ୨୮ଟି ପ୍ରକଳ୍ପ ମନୋନୀତ ହୋଇ କଲିକତା ଠାରେ ଆୟୋଜିତ ହେବାକୁ ଥିବା ରାଜ୍ୟ ସ୍ତରୀୟ ପ୍ରଦର୍ଶନୀକୁ ଯିବେ । ସେଠାରୁ ମନୋନୀତ ହୋଇ ଜାତୀୟ ସ୍ତରର ପ୍ରତିଯୋଗିତାକୁ ଯିବେ I ସମଗ୍ର ରାଜ୍ୟରୁ ଜାତୀୟ ସ୍ତରର ଯାଇ ନିଜର ପ୍ରତିଭା ପ୍ରଦର୍ଶନ କରିଥିବା ୧୦ ଜଣ ପ୍ରତିଯୋଗୀଙ୍କୁ ଏଠାରେ ସମ୍ବର୍ଦ୍ଧିତ କରାଯିବ । ଏଠାରେ କିପରି ଉନ୍ନତ ମାନର ଚାଷ, ସଇବର ଠକେଇରୁ ରକ୍ଷା ପାଇବେ, ଦେଶ ସୁରକ୍ଷା ପାଇଁ ଅତ୍ୟାଧୁନିକ ଜ୍ଞାନ କୌଣସ ଆଦି ପ୍ରକଳ୍ପ ଏଠାରେ ପ୍ରଦର୍ଶିତ କରିଛନ୍ତି ଛାତ୍ରଛାତ୍ରୀ ମାନେ । 

ମୁଖ୍ୟମନ୍ତ୍ରୀ ବିଭିନ୍ନ ପ୍ରକଳ୍ପ ବୁଲି ଦେଖିବା ସହ କୁନି ବୈଜ୍ଞାନିକ ମାନଙ୍କୁ ଉତ୍ସାହିତ କରିଥିଲେ । ଶିଶୁ ହସିଲେ ଦେଶ ହସିବ କହିଥିବା ବେଳେ ସେମାନଙ୍କ ପ୍ରତିଭାର ବିକାଶ ପାଇଁ ସରକାର ସମସ୍ତ ସୁବିଧା କରାଯିବ ବୋଲି କହିବା ସହ ବିଜ୍ଞାନର ଉନ୍ନତି ପାଇଁ ସ୍ବତନ୍ତ୍ର ବ୍ୟବସ୍ଥା କରାଯିବ । ଏହି ଅବସରରେ ସେ କେନ୍ଦୁଝରର ରେଡ଼ିଓ ମ୍ୟାନ ନିର୍ମଳ ମହାନ୍ତଙ୍କ ଉଦାହରଣ ଦେଇ ଛାତ୍ରଛାତ୍ରୀଙ୍କୁ ପ୍ରେରଣା ଦେଇ କହିଥିଲେ ନିର୍ମଳ ମହାନ୍ତ ଏହି ଡିଏନ ହାଇସ୍କୁଲର ଛାତ୍ର ସେ ସାଇକେଲ ନେଇ ଏହି ସ୍କୁଲକୁ ପଢ଼ିବାକୁ ଆସୁଥିଲେ । ସେହି ସାଇକେଲରେ ଲାଗିଥିବା ଡାଇନାମରୁ ସେ ଉଦ୍ଭାବନ କରିଥିଲେ ଆକାଶ ବାଣୀ ଚେମଣା । କଟକ ସେଣ୍ଟର ବନ୍ଦ ହୋଇ ସବୁ ରେଡିଓରେ ବାଜି ଉଠିଥିଲା ଆକାଶବାଣୀ ଚେମଣା I

​​​​​​​

ସେହିପରି ଘଟଗାଁ ଅଞ୍ଚଳର ଜଣେ ଅଣ୍ଡରମେଟ୍ରିକ ମୁସଲମାନ ମୋଟର ସାଇକେଲ ମେକାନିକ ଏକ ମୋଟରସାଇକେଲରେ ଉଡ଼ାଯାହାଜ କରି ଉଡାଇଥିବା ମଧ୍ୟ କହିଥିଲେ । ଶିକ୍ଷାର ଭିତ୍ତିଭୂମି ସ୍ତରରେ ଓଡିଶା ବହୁ ପଛରେ ଥିବାବେଳେ ବହୁ ପ୍ରାଥମିକ ବିଦ୍ୟାଳୟରେ ଗୃହ ନଥିବା ବେଳେ ପର୍ଯ୍ୟାପ୍ତ ଶିକ୍ଷକ ନଥିବା କହିବା ସହ ଏହାର ନିରାକରଣ ପାଇଁ ସରକାର ଚେଷ୍ଟା ଜାରି ରଖିଥିବା ମୁଖ୍ୟମନ୍ତ୍ରୀ କହିଥିଲେ । ବିଜ୍ଞାନର ଉନ୍ନତି ପାଇଁ ଆମ ରାଜ୍ୟ ସ୍ୱତନ୍ତ୍ର AI policy ଆଣିଥିବା ବେଳେ ଏହା ଦେଶର ପ୍ରଥମ ବୋଲି କହିଥିଲେ ମୁଖ୍ୟମନ୍ତ୍ରୀ । 

ମୁଖ୍ୟମନ୍ତ୍ରୀ କହିଛନ୍ତି ଶିକ୍ଷା କ୍ଷେତ୍ରରେ ବୈଜ୍ଞାନିକ ଚିନ୍ତାଧାରା ମାନସିକ ସ୍ତରରେ ଛାତ୍ର ଛାତ୍ରୀ ମାନଙ୍କୁ ବହୁତ ଆଗକୁ ନେଇଯିବ । ପିଲାମାନଙ୍କୁ ଏଥିରେ ଅଗ୍ରସର ହେବା ପାଇଁ ଭିତିଭୂମିର ଅଭାବ ଥିଲା । କିନ୍ତୁ ପ୍ରଧାନମନ୍ତ୍ରୀ ଏହାକୁ ଗୁରୁତ୍ୱ ଦେଇ ପ୍ରତି ଶିକ୍ଷାନୁଷ୍ଠାନରେ ଗବେଷଣା କେନ୍ଦ୍ର ପ୍ରତିଷ୍ଠା କରାଯିବା ପାଇଁ ଏକ ଲକ୍ଷ କୋଟି ଟଙ୍କା ଘୋଷଣା କରିଛନ୍ତି ଯାହାକି ରିସର୍ଚ୍ଚ ଡେଭଲପମେଣ୍ଟ ଆଣ୍ଡ୍ ଇନୋଭେସନ ନାମକ ଏକ ଫଣ୍ଡ୍ କରିଛନ୍ତି ଯାହାକି ଆତ୍ମନିର୍ଭରଶିଳ ପାଇଁ ବ୍ୟବହାର କରାଯବ । ଆଗାମୀ ଦିନରେ ଭାରତ ବିଶ୍ଵଗୁରୁ ହୋଇପାରିବ । IT ଓ ସେମିକକଣ୍ଡକ୍ଟର ସେକ୍ଟର ଭାରତ ବହୁତ ଆଗକୁ ଯାଇପାରିବ । ୧୦୦ ବର୍ଷ ରୁ ଉର୍ଦ୍ଧ୍ବ ବିଦ୍ୟାଳୟକୁ ଗୁରୁତ୍ୱ ଦେଇ ଭିତ୍ତିଭୂମିର ବିକାଶ କରାଯିବ । ପ୍ରତି ପଞ୍ଚାୟତରେ ଗୋଦାବରିଷ ମିଶ୍ର ଆଦର୍ଶ ପ୍ରାଥମିକ ବିଦ୍ୟାଳୟ ପଞ୍ଚାୟତସ୍ତରରେ କରିବା ପାଇଁ ୧୨୦୦୦କୋଟି ଟଙ୍କାର ଆର୍ଥିକ ବ୍ୟବସ୍ଥା ବଜେଟରେ ପ୍ରାବଧାନ କରାଯାଇଛି ।