ଭୁବନେଶ୍ଵର: ଧିରେ ଧିରେ ସୁସ୍ଥ ହେଉଛନ୍ତି ବରିଷ୍ଠ ଅଭିନେତା ଉତ୍ତମ ମହାନ୍ତି। ଗୁରୁଗ୍ରାମର ମେଦାନ୍ତ ହସ୍ପିଟାଲରେ ଚିକିତ୍ସିତ ହେଉଥିବା ଉତ୍ତମ ମହାନ୍ତିଙ୍କ ସ୍ବାସ୍ଥ୍ୟବସ୍ଥା ସଂପର୍କରେ ପଚାରି ବୁଝିଛନ୍ତି ବିରୋଧୀ ଦଳ ନେତା ନବୀନ ପଟ୍ଟନାୟକ। ଉତ୍ତମ ମହାନ୍ତିଙ୍କ ପୁଅ ତଥା ଅଭିନେତା ବାବୁସାନ୍ ମହାନ୍ତିଙ୍କ ସହ ଭିଡିଓ କଲ୍‌ରେ କଥା ହୋଇଛନ୍ତି ବିରୋଧୀ ଦଳ ନେତା ନବୀନ ପଟ୍ଟନାୟକ।ଉତ୍ତମ ମହାନ୍ତି ଧିରେ ଧିରେ ସୁସ୍ଥ ହେଉଥିବା ଭିଡିଓ କଲ୍ରେ କହିଛନ୍ତି ବାବୁସାନ୍।ସେପଟେ ମେଦାନ୍ତ ହସ୍ପିଟାଲରେ ପହଞ୍ଚି ଉତ୍ତମ ମହାନ୍ତିଙ୍କ ସ୍ବାସ୍ଥ୍ୟବସ୍ଥା ସଂପର୍କରେ ବୁଝିଛନ୍ତି ଓଲିଉଡ୍ ଅଭିନେତା ତଥା ପୂର୍ବତନ ସାଂସଦ ଅନୁଭବ ମହାନ୍ତି ।

କେମିତି ଅଛି ଭେଟେରାନ୍ ଅଭିନେତା ଉତ୍ତମ ମହାନ୍ତିଙ୍କ ସ୍ବାସ୍ଥ୍ୟବସ୍ଥା ? ଧିରେଧିରେ ସୁସ୍ଥ ହେଉଛନ୍ତି ଉତ୍ତମ ମହାନ୍ତି ।ଭେଣ୍ଟିଲେଟର୍ରେ ଅଛନ୍ତି, କିନ୍ତୁ ତାଙ୍କ ସ୍ବାସ୍ଥ୍ୟବସ୍ଥା ସ୍ଥିର ଅଛି। ଏ ସଂପର୍କରେ ବିରୋଧୀ ଦଳ ନେତା ନବୀନ ପଟ୍ଟନାୟକଙ୍କ ସହ ଭିଡିଓ କଲ୍ରେ କଥା ହେବାବେଳେ କହିଛନ୍ତି ଉତ୍ତମ ମହାନ୍ତିଙ୍କ ପୁଅ ତଥା ଅଭିନେତା ବାବୁସାନ୍ ମହାନ୍ତି ।ଉତ୍ତମ ମହାନ୍ତିଙ୍କ ସ୍ବାସ୍ଥ୍ୟବସ୍ଥା ସଂପର୍କରେ ବାବୁସାନ୍ଙ୍କ ଠାରୁ ଆଜି ଭିଡିଓ କଲ୍ରେ ବୁଝିଛନ୍ତି ବିରୋଧୀ ଦଳ ନେତା ନବୀନ ପଟ୍ଟନାୟକ।ବାବୁସାନ୍ କହିଛନ୍ତି ଯେ ଡାକ୍ତର ସ୍ମୃତି ମିଶ୍ର ଓ ତାଙ୍କ ଟିମ୍ ଦ୍ବାରା ଉତ୍ତମ ଚିକିତ୍ସା ଚାଲିଛି।ସେ ଭେଣ୍ଟିଲେଟରରେ ଅଛନ୍ତି, କିନ୍ତୁ ତାଙ୍କ ସ୍ବାସ୍ଥ୍ୟବସ୍ଥା ସ୍ଥିର ଅଛି । 

Also read: 'ମୁଁ ବାହାହେବି ଖୁବଶୀଘ୍ର, ଝିଅ ବି ଠିକ୍ କରି ସାରିଛି' : ଅନୁଭବ ମହାନ୍ତି

ସେପଟେ ଅଭିନେତା ତଥା ପୂର୍ବତନ ସାଂସଦ ଅନୁଭବ ମହାନ୍ତି ମଧ୍ୟ ଗୁରୁଗ୍ରାମ ସ୍ଥିତ ମେଦାନ୍ତ ହସ୍ପିଟାଲକୁ ଯାଇ ଉତ୍ତମ ମହାନ୍ତିଙ୍କ ସ୍ବାସ୍ଥ୍ୟବସ୍ଥା ସଂପର୍କରେ ବୁଝିଛନ୍ତି ।ବାବୁସାନ୍ ଓ ରବି ମିଶ୍ରଙ୍କ ସହ କଥା ହୋଇଛନ୍ତି ଅନୁଭବ।୨ ଦିନ ପୂର୍ବରୁ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ମଧ୍ୟ ମେଦାନ୍ତ ହସ୍ପିଟାଲକୁ ଯାଇ ଉତ୍ତମ ମହାନ୍ତିଙ୍କ ସ୍ବାସ୍ଥ୍ୟବସ୍ଥା ସଂପର୍କରେ ବୁଝିଥିଲେ। ଉତ୍ତମ ମହାନ୍ତି ଲିଭର ସିରୋସିସ୍ ରୋଗରେ ଆକ୍ରାନ୍ତ ଅଛନ୍ତି । ପ୍ରଥମେ ରାଜଧାନୀର ଏକ ଘରୋଇ ହସ୍ପିଟାଲରେ ଚିକିତ୍ସିତ ହେବାପରେ ଗତ ଶନିବାର ଦିନ ଉତ୍ତମ ମହାନ୍ତିଙ୍କୁ ଗୁରୁଗ୍ରାମର ମେଦାନ୍ତ ହସ୍ପିଟାଲକୁ ଏୟାରଲିଫ୍ଟ କରାଯାଇଥିଲା।