ଭିଡ଼ ସ୍ଥାନକୁ କରୁଥିଲେ ଟାର୍ଗେଟ୍, ୬ ଜଣିଆ ଲେଡି ଚେନ୍ ସ୍ନାଚର ଗିରଫ

ସମ୍ବଲପୁର ୫।୩: ସ୍ଥାନୀୟ ବେଶଭୁଷାରେ ଭିଡ଼ରେ ରହୁଥିଲେ । ମଉକା ଦେଖି ଚେନ୍ ଛଡ଼ାଇ ନେଉଥିଲେ । ବିଶେଷକରି ଭିଡ଼ ସ୍ଥାନକୁ ବାଛୁଥିଲେ । ଦୀର୍ଘ ବର୍ଷ ଧରି ଚୋରିରେ ସଂପୃକ୍ତ ଥିଲେ । ଏହିଭଳି ୬ ଜଣିଆ ଲେଡି ଚେନ୍ ସ୍ନାଚରଙ୍କୁ ଗିରଫ କରିଛି ସମ୍ବଲପୁର ପୋଲିସ ।

ଏ ଖବର ବି ପଢ଼ନ୍ତୁ:-ସ୍ପେଶାଲ OTET ପ୍ରଶ୍ନପତ୍ର ଲିକ୍ ମାମଲା : ନିହାର ମହାନ୍ତିଙ୍କ ସମେତ ୮ ଅଭିଯୁକ୍ତଙ୍କୁ ସର୍ତ୍ତମୂଳକ ଜାମିନ

ସୂଚନାଯୋଗ୍ୟ ଯେ, ସମ୍ବଲପୁର ପୋଲିସ ଦ୍ୱାରା ୬ ଜଣିଆ ଲେଡି ଚେନ୍ ସ୍ନାଚିଂ ଗ୍ୟାଙ୍ଗ୍ ଗିରଫ । ରାଜ୍ୟ ବାହାରର ୬ ଜଣିଆ ଗ୍ୟାଙ୍ଗକୁ ଗିରଫ କଲା ପୋଲିସ । ସ୍ଥାନୀୟ ବେଶ ଭୁଷାରେ ରହି ଭିଡ଼ ସ୍ଥାନରୁ ଚେନ୍ ଛଡାଇ ନେଉଥିଲେ ଏହି ଗ୍ୟାଙ୍ଗ । ସମଲେଶ୍ୱରୀ ମନ୍ଦିରରୁ ମଧ୍ୟ ଶ୍ରଦ୍ଧାଳୁଙ୍କ ଠାରୁ ଚେନ୍ ଚୋରି କରିଥିଲେ ଏହି ଗ୍ୟାଙ୍ଗ ସଦସ୍ୟ । କଟକ ବାଲିଯାତ୍ରା, ବରଗଡ଼ ଧନୁଯାତ୍ରା, ବେଲପାହାଡ, ଝାରସୁଗୁଡା ସମେତ ବିଭିନ୍ନ ସ୍ଥାନରୁ ଚୋରି କରିଥିଲେ । ଏମାନେ ୧୨ ବର୍ଷ ଧରି ଏହି ଚୋରି କରୁଥିଲେ । ତେବେ ନକଲି ପରିଚୟପତ୍ର ତିଆରି କରି ଏମାନେ ଓଡ଼ିଶାରେ ରହୁଥିବା ସମ୍ବଲପୁର ଏସ୍‌ପି କହିଛନ୍ତି । ଏମାନଙ୍କ ଠାରୁ ପୋଲିସ ୫୦ ଗ୍ରାମ ସୁନା ଜବତ କରିଛି ।