ଟୋଲ୍ ଆଦାୟ ହେଉଛି, ତଥାପି ସରୁନି କାମ.. ଅଂସମ୍ପୂର୍ଣ୍ଣ ରାସ୍ତା ସଂପୂର୍ଣ୍ଣ ଦାବିରେ ଗଣଧାରଣା

Published By : Prameya-News7 Bureau | January 06, 2025 IST

ଆନନ୍ଦପୁର ୦୬।୦୧ : ମରଣଯନ୍ତା ପାଲଟିଛି ରାସ୍ତା । କେନ୍ଦୁଝର ଜିଲ୍ଲା ଆନନ୍ଦପୁର ଦେଇ ଯାଇଥିବା ୨୦ ନମ୍ବର ଜାତୀୟ ରାଜପଥର ଅବସ୍ଥା ଏବେ ଶୋଚନୀୟ । ଅସମ୍ପୂର୍ଣ୍ଣ ରାସ୍ତା ଲାଗି ପ୍ରତିଦିନ ଘଟୁଛି ଅନେକ ଦୁର୍ଘଟଣା । ଆଉ ଅକାରଣରେ ଗଡୁଛି ଅନେକ ମୁଣ୍ଡ ।

ରାସ୍ତା କାମ ସରିଯାଇଥିବା ଦର୍ଶାଇ ଜାତୀୟ ରାଜପଥ କର୍ତ୍ତୃପକ୍ଷ ଦୀର୍ଘ ୧୦ ବର୍ଷ ହେବ ଏହି ରାସ୍ତାରୁ ଟୋଲ୍‌ ଆଦାୟ କରୁଛନ୍ତି । ହେଲେ ଆଜି ଯାଏଁ ସରିନାହିଁ ରାସ୍ତା କାମ । ଟେଣ୍ଡର ମାଧ୍ୟମରେ ବଡ଼ ଠିକା ସଂସ୍ଥା କାମ ହାତେଉଛି । ଏହାପରେ କାମକୁ ଭାଗ ଭାଗ କରି ଛୋଟ ଛୋଟ ଠିକାଦରଙ୍କୁ ଦେଇ ପୁରା ହେଉଛି । ଯାହାଫଳରେ ଏଭଳି ପରିସ୍ଥିତି ଉପୁଜୁଥିବାର ଅଭିଯୋଗ ହୋଇଛି ।  ଜାତୀୟ ରାଜପଥ କର୍ତ୍ତୃପକ୍ଷଙ୍କ ଏହି କାମକୁ ବିରୋଧ କରିଛନ୍ତି ସ୍ଥାନୀୟ ଲୋକେ । ଅସଂପୂର୍ଣ୍ଣ ରାସ୍ତାକୁ ତୁରନ୍ତ ସଂପୂର୍ଣ୍ଣ କରିବା ଦାବି ନେଇ ଧନେଇ ସେବା ସଂଘ ତରଫରୁ ଶାଳପଡ଼ା ଓଭରବ୍ରିଜ୍‌ ତଳେ ଗଣଧାରଣା ହୋଇଛି। ଆଗାମୀ ୭ ଦିନ ମଧ୍ୟରେ ଯଦି ଏହାର ସମାଧାନ ନହୁଏ । ତେବେ ଜାତୀୟ ରାଜପଥକୁ ପୁରା ବନ୍ଦ କରିବାକୁ ସଂଘ ଚେତାବନୀ ଦେଇଛି । 

  • prameyanews7
  • News7 Is Now On WhatsApp Join And Get Latest News Updates Delivered To You Via WhatsApp

    Copyright © 2024 - Summa Real Media Private Limited. All Rights Reserved.