ଇମ୍ରାନ ଖାନଙ୍କ ଭଉଣୀଙ୍କ ବିରୋଧରେ ଜାମିନ ବିହୀନ ୱାରେଣ୍ଟ, ଆତଙ୍କବାଦ ବିରୋଧୀ କୋର୍ଟଙ୍କ ନିଷ୍ପତ୍ତି

ପେଶାଓ୍ୱାର ୨୩/୧୦: ପୂର୍ବତନ ପ୍ରଧାନମନ୍ତ୍ରୀ ଇମ୍ରାନ ଖାନଙ୍କ ଭଉଣୀ ଅଲିମା ଖାନଙ୍କ ବିରୋଧରେ ଜାମିନ ବିହୀନ ଗିରଫ ପରୱାନା । ବୁଧବାର ଦିନ ପାକିସ୍ତାନର ଏକ ଆତଙ୍କବାଦ ବିରୋଧୀ କୋର୍ଟଏହି ଓ୍ୱାରେଣ୍ଟ ଇସ୍ୟୁ ଜାରି କରିଛନ୍ତି । ଗତ ବର୍ଷ ପାକିସ୍ତାନ ତେହେରିକ୍-ଏ-ଇନସାଫ (ପିଟିଆଇ) ଦଳ ଦ୍ୱାରା ଆୟୋଜିତ ପ୍ରତିବାଦ ସହ ଜଡିତ ଏକ ମାମଲାରେ ଖାନ ଅନେକ ଥର କୋର୍ଟରେ ହାଜର ହୋଇନଥିଲେ ।

ଇଂରାଜୀ ଖବରକାଗଜ ଡନ୍ ଅନୁଯାୟୀ, ରାୱଲପିଣ୍ଡିସ୍ଥିତ ଆତଙ୍କବାଦ ବିରୋଧୀ କୋର୍ଟ (ଏଟିସି) ପୁଣି ଥରେ କୋର୍ଟରେ ହାଜର ନହେବା ପାଇଁ ଅଲିମା ଖାନଙ୍କ ବିରୋଧରେ ଏହି ପରୱାନା ଜାରି କରିଛି । ୨୬ ନଭେମ୍ବର, ୨୦୨୩ରେ ପିଟିଆଇ ନେତୃତ୍ୱାଧୀନ ପ୍ରତିବାଦ ସହ ଜଡିତ ମାମଲାରେ କୋର୍ଟ ତାଙ୍କ ବିରୋଧରେ ଚତୁର୍ଥ ଥର ପାଇଁ ଏପରି ନିର୍ଦ୍ଦେଶ ଜାରି କରିଛନ୍ତି।

ବୁଧବାର ଦିନ କାର୍ଯ୍ୟକାଳ ସମୟରେ, ଏଗାର ଅଭିଯୁକ୍ତଙ୍କ ମଧ୍ୟରୁ ଦଶ ଜଣ କୋର୍ଟରେ ହାଜର ହୋଇଥିଲେ, କେବଳ ଆଲିମା ଅନୁପସ୍ଥିତ ଥିଲେ। କୋର୍ଟ ତାଙ୍କର ସମନକୁ ଅବମାନନା କରିବା ଉପରେ ଧ୍ୟାନ ଦେଇଥିଲେ । ପରବର୍ତ୍ତୀ ଶୁଣାଣି ପୂର୍ବରୁ ତାଙ୍କୁ ହାଜର କରିବାକୁ ପୋଲିସକୁ ନିର୍ଦ୍ଦେଶ ଦେଇଥିଲେ। 
ପୂର୍ବ ଶୁଣାଣିରେ, କୋର୍ଟ ପୋଲିସ ଅଧୀକ୍ଷକ (ଏସପି) ସାଦ ଅର୍ଶଦଙ୍କୁ ଆଲିମାଙ୍କୁ ଗିରଫ କରି ଅକ୍ଟୋବର ୨୨ ତାରିଖରେ ଖଣ୍ଡପୀଠ ସମ୍ମୁଖରେ ହାଜର କରିବାକୁ ନିର୍ଦ୍ଦେଶ ଦେଇଥିଲେ।

କୋର୍ଟ ତାଙ୍କ ଜାମିନ ବଣ୍ଡ ଜବତ କରିବା ଓ ତାଙ୍କ ଗ୍ୟାରେଣ୍ଟରଙ୍କ ଦ୍ୱାରା ଦାଖଲ କରାଯାଇଥିବା ସମ୍ପତ୍ତି କାଗଜପତ୍ର ଯାଞ୍ଚ କରିବାକୁ ମଧ୍ୟ ନିର୍ଦ୍ଦେଶ ଦେଇଥିଲେ। ୱାରେଣ୍ଟ ବ୍ୟତୀତ, ATC ପୋଲିସ ଅଧୀକ୍ଷକ (SP) ସାଦ ଅର୍ଶଦ ଏବଂ ପୋଲିସ ଉପ ଅଧୀକ୍ଷକ (DSP) ନଇମଙ୍କୁ "ମିଥ୍ୟା ରିପୋର୍ଟ" ଦାଖଲ କରିବା ପାଇଁ କାରଣ ଦର୍ଶାଅ ନୋଟିସ୍ ଜାରି କରିଛି।

"ଅଦାଲତ ଅବମାନନା" ଅଭିଯୋଗରେ କୋର୍ଟ ଉଭୟ ଅଧିକାରୀଙ୍କୁ ବ୍ୟକ୍ତିଗତ ଭାବରେ ସମନ କରିଛି। କୋର୍ଟଙ୍କ ପର୍ଯ୍ୟବେକ୍ଷଣ ଅନୁସାରେ, ପୋଲିସ ରିପୋର୍ଟରେ ଦାବି କରାଯାଇଛି ଯେ ଆଲିମା ଲୁଚିଯାଇଛନ୍ତି। ତଥାପି, କୋର୍ଟ ଏହା ମଧ୍ୟ ଉଲ୍ଲେଖ କରିଛନ୍ତି ଯେ ତାଙ୍କୁ ଆଦିଆଲା ଜେଲରେ ଦେଖାଯାଇଥିଲା, ଯେଉଁଠାରେ ତାଙ୍କ ଭାଇ ଇମ୍ରାନ ଖାନଙ୍କୁ ଜେଲରେ ରଖାଯାଇଛି, ଏବଂ ସେ ଗତ କିଛି ଦିନ ମଧ୍ୟରେ ଅନେକ ସୋସିଆଲ ମିଡିଆ ପ୍ଲାଟଫର୍ମରେ ମଧ୍ୟ ଦେଖାଦେଇଥିଲେ।