ନୂଆଦିଲ୍ଲୀ ୧୮।୦୬:ରହସ୍ୟରେ ଭରା ପୃଥିବୀ । ଏଥିରେ ଅନେକ ଜୀବଜନ୍ତୁ ରୁହନ୍ତି । କିଛି ଜୀବ ଏପରି ଯିଏକି ଲୋପ ପାଇସାରିଲେଣି । ପୃଥିବୀରେ ଏପରି ଏକ ପ୍ରାଣୀ ଥିଲା ଯାହାର ଉଚ୍ଚତା ଜିରାଫ ପରି ଥିଲା । ଆଉ ଏହାର ଡେଣା ୧୫ ଲମ୍ବା ରହିଥିଲା । ଏହା ଉଡୁଥିବା ଏକ ଭୟଙ୍କର ଶିକାରୀ ଥିଲା ।
କହିବାକୁ ଗଲେ ଅଧା ଦୁନିଆ ଉପରେ ଥିଲା ଏହାର ରାଜ୍ । ବର୍ତ୍ତମାନ ଅଷ୍ଟ୍ରେଲିଆର ଦୁର୍ଗମ ଅଞ୍ଚଳରେ ମିଳିଛି ଏହାର ଜୀବାସ୍ମ । ଏହା ଟେରୋସରସ୍ ଅର୍ଥାତ୍ ଡାଇନୋସରର ଏକ ପ୍ରଜାତି ଥିଲା । ତେବେ ନିକଟରେ ସେମାନଙ୍କର ଜୀବାଶ୍ମ ଯଥା ହାଡ ମିଳିଛି । କାର୍ଟିନ୍ ସ୍କୁଲ୍ ଅଫ୍ ଆର୍ଥ ଆଣ୍ଡ ପ୍ଲାନେଟାରୀ ସାଇନ୍ସର ଅନୁସନ୍ଧାନକାରୀ ଏଡେଲ୍ ପେଣ୍ଟଲ୍ୟାଣ୍ଡ କହିଛନ୍ତି ଯେ ୧୦୦ ନିୟୁତ ବର୍ଷ ଧରି ଏହି ଭୟଙ୍କର ଶିକାରୀ ଅଧା ଦୁନିଆ ଉପରେ ରାଜ୍ କରୁଥିଲା ।
ପେଣ୍ଟଲ୍ୟାଣ୍ଡ ଅନୁଯାୟୀ, ଏହି ଉଡ଼ନ୍ତା ଜୀବମାନେ ଯେଉଁ ଅଞ୍ଚଳରେ ରହୁଥିଲେ ସେହି ଅଞ୍ଚଳ ବର୍ତ୍ତମାନ ବ୍ରାଜିଲ, ଇଂଲଣ୍ଡ, ମରୋକୋ, ଚୀନ୍, ସ୍ପେନ୍ ଏବଂ ଆମେରିକା ଭାବରେ ଜଣାଶୁଣା। ଏହି ଜୀବର ହାଡ ଆବିଷ୍କାର କରିବାର ଶ୍ରେୟ ଅଷ୍ଟ୍ରେଲିଆର କେବିନ ପିଟରସନଙ୍କୁ ଯାଇଥାଏ ।
ରିପୋର୍ଟ ଅନୁଯାୟୀ, ଅନ୍ୟ ଏକ ଜୀବାଶ୍ମର ଯାଞ୍ଚ କରିବା ସମୟରେ ଏହି ହାଡଗୁଡ଼ିକ ମିଳିଥିଲା। ଏହି ବିନାଶକାରୀ ଜୀବ ଡାଇନୋସରଙ୍କ ସହିତ ପୃଥିବୀରୁ ବିଲୁପ୍ତ ହୋଇଥିବେ । ବିଜ୍ଞାନ ଅନୁଯାୟୀ ୬୬ ନିୟୁତ ବର୍ଷ ପୂର୍ବେ ପୃଥିବୀର ପ୍ରାୟ ଏକ ଚତୁର୍ଥାଂଶ ପ୍ରାଣୀ ନଷ୍ଟ ହୋଇ ଯାଇଥିଲେ।