କଳାହାଣ୍ଡି ୩୧।୧୦: ଭାରସାମ୍ୟ ହରାଇ ରାସ୍ତା କଡରେ ଥିବା ଗଛରେ ପିଟି ହେଲା କାର୍ l ଏହି ଦୁର୍ଘଟଣାରେ ଜଣେ ଝିଅର ମୃତ୍ୟୁ ହୋଇଥିବା ବେଳେ ଚାଳକ ଗୁରୁତର ଆହତ ହୋଇଛନ୍ତି l ମୃତକ ହେଲେ ରାମପୁର ଜଗନ୍ନାଥ ମନ୍ଦିର ପଡ଼ାର ମାମୁନି ମାଝୀ ଏବଂ ଗୁରୁତର ଡ୍ରାଇଭର ହେଲେ ଗାଡ଼ି ଚାଳକ ସୁବ୍ରତ ଘିଭେଲା ବୋଲି ଜଣାପଡ଼ିଛି l କଳାହାଣ୍ଡି ଜିଲ୍ଲା ରାମପୁର ଥାନା ଅନ୍ତର୍ଗତ ରାମପୁର-ଭବାନୀପାଟଣା ରାସ୍ତା ଗୋବର ବାହାଲୀ ଜୋର ନିକଟରେ ଏଭଳି ଘଟଣା ଘଟିଛି l
ସୂଚନାଯୋଗ୍ୟ ଯେ, କଳାହାଣ୍ଡି ଜିଲ୍ଲା ରାମପୁର ଜଗନ୍ନାଥ ମନ୍ଦିର ପଡ଼ାର ମାମୁନି ମାଝୀ ଓ ଚାଳକ ସୁବ୍ରତ ଘିଭେଲା ଏକ କାର୍ରେ ଭବାନୀପାଟଣା ଦେଇ ଯାଉଥିଲେ l ଏହି ସମୟରେ ଗାଡ଼ି ଡ୍ରାଇଭର ସୁବ୍ରତ ଅତ୍ୟନ୍ତ ଦ୍ରୁତ ଗତିରେ ଗାଡ଼ି ଚଳାଇଥିଲେ l ଫଳରେ ଗାଡ଼ିଟି ଭାରସାମ୍ୟ ହରାଇ ରାସ୍ତା କଡରେ ଥିବା ଏକ ଗଛରେ ପିଟି ହୋଇଯାଇଥିଲା l ଘଟଣାସ୍ଥଳରେ ହିଁ ମାମୁନିଙ୍କର ମୃତ୍ୟୁ ହୋଇଥିବା ବେଳେ ଗାଡ଼ି ଚାଳକ ଗୁରୁତର ହୋଇଥିଲେ l ଏହା ଦେଖି ତୁରନ୍ତ ସ୍ଥାନୀୟଲୋକେ ରାମପୁର ପୋଲିସକୁ ଖବର ଦେବା ସହ ଚାଳକ ଏବଂ ମୃତ ଝିଅଙ୍କୁ ଗାଡ଼ିରୁ ଉଦ୍ଧାର କରିଥିଲେ l ଖବର ପାଇ ଘଟଣାସ୍ଥଳରେ ପୋଲିସ ପହଞ୍ଚି ଗୁରୁତର ଚାଳକକଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରିଛନ୍ତି l ମୃତଦେହକୁ ଜବତ କରି ରାମପୁର ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଶବ ବ୍ୟବଚ୍ଛେଦ ପାଇଁ ପଠାଯାଇଛି l ଶବ ବ୍ୟବଚ୍ଛେଦ ପରେ ପରିବାର ଲୋକଙ୍କୁ ହସ୍ତାନ୍ତର କରାଯିବ ବୋଲି ପୋଲିସ ସୂଚନା ଦେଇଛି l ରାମପୁର ପୋଲିସ ଏକ ମାମଲା ରୁଜୁ କରି ଘଟଣାର ତଦନ୍ତ କରୁଛି l
You Can Read:
ଆଲୋକର ପର୍ବ ଦୀପାବଳିରେ ରାଜ୍ୟବାସୀଙ୍କୁ ଶୁଭେଚ୍ଛା ଜଣାଇଲେ ମୁଖ୍ୟମନ୍ତ୍ରୀ
