ରାୟଗଡା ୧୪।୩: ବୁଲିବାକୁ ଯାଇ ନିଖୋଜ । ନାଗାବଳୀ ନଦୀରେ ଗାଧାଉଥିଲେ ଯୁବକ । ନଦୀର ପ୍ରଖର ସ୍ରୋତରେ ଭାସିଗଲେ । ମିଳୁନି ଯୁବକଙ୍କ ପତ୍ତା । ଉଦ୍ଧାର କାର୍ଯ୍ୟ ଜାରି ରଖିଛି ପୋଲିସ ଓ ଅଗ୍ନିଶମ ବାହିନୀ । 

ସୂଚନାଯୋଗ୍ୟ ଯେ, ରାୟଗଡ଼ା ଜିଲ୍ଲା ମାରିଗୁଡା ସ୍ଥିତ ନାଗାବଳୀ ନଦୀରେ ଭାସି ଯୁବକ ନିଖୋଜ ହୋଇଛନ୍ତି । ଆନ୍ଧ୍ରପ୍ରଦେଶର ବିଜୟଓ୍ବାଡାରୁ ପରିବାର ସହ ମା’ ମଝିଘରିଆଣୀଙ୍କ ମନ୍ଦିରରେ ଦର୍ଶନ ସାରି ନାଗାବଳୀ ନଦୀ ସ୍ଥିତ ଝୁଲା ବ୍ରିଜ୍ ବୁଲିବା ନିମନ୍ତେ ଯାଇଥିଲେ । ସେଠାରେ ଗାଧୋଇବା ସମୟରେ ଯୁବକ ଜଣଙ୍କ ନଦୀର ପ୍ରଖର ସ୍ରୋତରେ ଭାସିଯାଇଥିଲେ । ନିଖୋଜ ଯୁବକ ଜଣଙ୍କ ହେଲେ ୧୮ ବର୍ଷ ବୟସ୍କ ସାଇ କ୍ରୀଷ୍ଣା । ଖବର ପାଇଁ ଘଟଣାସ୍ଥଳରେ ପୋଲିସ ଓ ଅଗ୍ନିଶମ ବାହିନୀ କର୍ମଚାରୀ ପହଞ୍ଚି ଉଦ୍ଧାର କାର୍ଯ୍ୟ ଜାରି ରଖିଛନ୍ତି । ଖବର ଲେଖାହେବା ପର୍ଯ୍ୟନ୍ତ ଯୁବକଙ୍କ କିଛି ପତ୍ତା ମିଳିନଥିଲା ।

You Can Read:

ନିଶାସକ୍ତ ଯୁବତୀଙ୍କ ହାଇଡ୍ରାମା : ନାକେଦମ୍ ହେଲେ ପୋଲିସ ଓ ଡାକ୍ତର, ଲୋକଙ୍କୁ କରେ ଗାଳିଗୁଲଜ