ରେମୁଣା ୨୯।୮: ଇନଷ୍ଟାଗ୍ରାମରୁ ପ୍ରେମ ପରେ ବିବାହର ପ୍ରତିଶ୍ରୁତି । ଆଉ ତାପରେ ଯୁବତୀଙ୍କ ଅନିଚ୍ଛା ସତ୍ତ୍ବେ ରଖିଲେ ଶାରିରୀକ ସମ୍ପର୍କ । ଆଉ ଏବେ ବିବାହ ପାଇଁ ଅରାଜି । ଯୁବତ ଏବେ ଥାନାର ଦ୍ବାରସ୍ଥ । ଏଭଳି ଏକ ଲଭ୍-ସେକ୍ସ-ଧୋକ୍କାର ଅଭିଯୋଗ ଆସିଛି ବାଲେଶ୍ବର ବସ୍ତା ଥାନା ଅଞ୍ଚଳରୁ । ଅଭିଯୋଗ ପରେ ପୋଲିସ ସଂପୃକ୍ତ ଯୁବକକୁ ଗିରଫ କରିଛି ।
ସୂଚନାଯୋଗ୍ୟ ଯେ, ଗତ ୨୩ ତାରିଖରେ ବାଲେଶ୍ବର ଜିଲ୍ଲା ବସ୍ତା ଥାନା ଅଞ୍ଚଳର ଜଣେ ଯୁବତୀଙ୍କୁ ପ୍ରେମ କରିବା ପରେ ବିବାହର ପ୍ରତିଶ୍ରୁତି ଦେଇଥିଲେ ମୟୁରଭଞ୍ଜ ବୈଶିଙ୍ଗା ଥାନା ଅଞ୍ଚଳର ଜଣେ ଯୁବକ । ପରେ ଚାନ୍ଦିପୁରର ଏକ ହୋଟେଲରେ ଶାରିରୀକ ସମ୍ପର୍କ ରଖିଥିଲେ । ମାତ୍ର ପରେ ବିବାହ କରିବାକୁ ମନା କରିଦେଇଥିଲେ ଯୁବକ । ଏହାପରେ ଯୁବତୀ ଜଣଙ୍କ ଏ ନେଇ ବସ୍ତା ଥାନାରେ ଅଭିଯୋଗ କରିଥିଲେ । ଅଭିଯୋଗ ପାଇବା ପରେ ପୋଲିସ ଏହି ଘଟଣାର ତଦନ୍ତ ଆରମ୍ଭ କରିଥିଲା । ଏହାସହ ଅଭିଯୁକ୍ତକୁ ଗିରଫ କରିଥିଲା ।
ପୀଡିତା ଯୁବତୀକୁ ନେଇ ବସ୍ତା ପୋଲିସ ଓ ସାଇଣ୍ଟିଫିକ୍ ଟିମ୍ ସଂପୃକ୍ତ ହୋଟେଲରେ ପହଞ୍ଚିଥିଲେ । ହୋଟେଲର ରୁମ୍ ନମ୍ବର ୨୦୨ରେ ଛାନଭିନ କରିବା ସହ କାଗଜପତ୍ର ଓ ସିସିଟିଭି ଫୁଟେଜ ଯାଞ୍ଚ କରିଥିଲେ । ଅନ୍ୟପଟେ ଏହି ଘଟଣାର ନ୍ୟାୟ ଦାବି କରିଛନ୍ତି ଯୁବତୀ । ସେ କହିଛନ୍ତି ଇନଷ୍ଟାଗ୍ରାମରେ ଅଭିଯୁକ୍ତ ଯୁବତୀଙ୍କୁ ପ୍ରେମ ନିବେଦନ କରିଥିଲେ । ଚାକିରି ସହ ବିବାହ କରିବାକୁ ପ୍ରତିଶ୍ରୁତି ଦେଇଥିଲେ । ମାତ୍ର ଶାରିରୀକ ସମ୍ପର୍କ ରଖିବା ପରେ ତାଙ୍କୁ ଧୋକ୍କା ଦେଇଛନ୍ତି ଅଭିଯୁକ୍ତ । ତେଣୁ ଅଭିଯୁକ୍ତଙ୍କ ବିରୋଧରେ ସେ ଦୃଢ କାର୍ଯ୍ୟାନୁଷ୍ଠାନ ଦାବି କରିଛନ୍ତି ।
You Can Read:
ଆବେଦନକାରୀଙ୍କ ସହିତ ସାଙ୍ଘାତିକ ଖେଳ : ଭେରିଫିକେସନ ଆଗରୁ ଅଫିସ୍ ବାହାରେ ପଡିଲା ଆବେଦନପତ୍ର
