ଭୁବନେଶ୍ଵର: ମୋହନ ସରକାରଙ୍କ ପ୍ରଥମ ପୂର୍ଣ୍ଣାଙ୍ଗ ବଜେଟ୍ । ୨୦୨୫-୨୬ ଆର୍ଥିକ ବର୍ଷ ପାଇଁ ୨ଲକ୍ଷ ୯୦ ହଜାର କୋଟି ଟଙ୍କାର ରାଜ୍ୟ ବଜେଟ୍ ଉପସ୍ଥାପନ କଲେ ମୁଖ୍ୟମନ୍ତ୍ରୀ ତଥା ଅର୍ଥମନ୍ତ୍ରୀ ମୋହନ ମାଝୀ । ରାଜ୍ୟ ଅଭିବୃଦ୍ଧି ହାର ୭.୨ ପ୍ରତିଶତ ରହିବ ବୋଲି ଆକଳନ କରିଛନ୍ତି ସରକାର । ଉତ୍କର୍ଷ ଓଡ଼ିଶା ଜରିଆରେ ୫୯୩ ପ୍ରକଳ୍ପକୁ ଗ୍ରହଣ କରାଯାଇଛି । ଯେଉଁଥିରେ ମୋଟ ୧୬ଲକ୍ଷ ୭୩ହଜାର କୋଟି ପୁଞ୍ଜି ନିବେଶ ଲକ୍ଷ୍ୟ ରହିଛି । ୧୨ ଲକ୍ଷ ୮୮ହଜାର ନିଯୁକ୍ତି ନେଇ ଆଶାବାଦୀ ଅଛନ୍ତି ସରକାର ।କୃଷି ପାଇଁ ଏଥର ବଜେଟରେ ୩୭ ହଜାର ୮ଶହ କୋଟି ବ୍ୟୟ ବରାଦ କରିଛନ୍ତି ସରକାର । ଯାହା ଗତବର୍ଷ ତୁଳନାରେ ୧୨ ପ୍ରତିଶତ ଅଧିକ ।
ଉତ୍କର୍ଷ ଓଡ଼ିଶା ଜରିଆରେ ୫୯୩ ପ୍ରକଳ୍ପକୁ ଗ୍ରହଣ କରାଯାଇଛି । ଯେଉଁଥିରେ ମୋଟ ୧୬ଲକ୍ଷ ୭୩ହଜାର କୋଟି ପୁଞ୍ଜି ନିବେଶ ଲକ୍ଷ୍ୟ ରହିଛି । ୧୨ଲକ୍ଷ ୮୮ହଜାର ନିଯୁକ୍ତି ନେଇ ଆଶାବାଦୀ ଅଛନ୍ତି ସରକାର ।କୃଷି ପାଇଁ ଏଥର ବଜେଟରେ ୩୭ ହଜାର ୮ଶହ କୋଟି ବ୍ୟୟ ବରାଦ କରିଛନ୍ତି ସରକାର । ଯାହା ଗତବର୍ଷ ତୁଳନାରେ ୧୨ ପ୍ରତିଶତ ଅଧିକ । ସେହିଭଳି ଫସଲ ବିବିଧତାର ପ୍ରସାର ପାଇଁ ୬୯୫ କୋଟି ରଖାଯାଇଛି । ମିଲେଟ୍ ଶ୍ରୀଅନ୍ନ ଯୋଜନା ୧୭୭ବ୍ଲକକୁ ବର୍ଦ୍ଧିତ କରାଯାଇଛି । ମିଲେଟ୍ ପାଇଁ MSP ୪ହଜାର ୨୯୦ ଟଙ୍କା ବାଦ୍ ଅଧିକ ୨ଶହ ଟଙ୍କା ମିଳିବ ।
ମୁଖ୍ୟମନ୍ତ୍ରୀ କାମଧେନୁ ଯୋଜନାରେ ଖର୍ଚ୍ଚ ହେବ ୧୪୬କୋଟି । ଗୋମାତା ଯୋଜନା ପାଇଁ ୪୬କୋଟି ରଖାଯାଇଛି । ମତ୍ସ୍ୟ ଓ ପଶୁପାଳନ ପାଇଁ ୧ ହଜାର ୯୦୯କୋଟି ରଖାଯାଇଛି । ଜଳସମ୍ପଦ ବିଭାଗରେ ମୁହାଣ ଖନନ ପାଇଁ ୩୮୬କୋଟି ବ୍ୟୟ ବରାଦ କରାଯାଇଛି । ସେହିଭଳି ହୀରାକୁଦ ଡ୍ୟାମ ଉନ୍ନତିକରଣ ପାଇଁ ୮୫୦କୋଟି ଟଙ୍କ ବ୍ୟୟ କରାଯିବ । ଆଳୁ ପାଇଁ ଆମେ ଆଉ ଅନ୍ୟ ରାଜ୍ୟ ଉପରେ ନିର୍ଭର କରିବାକୁ ଚାହୁଁନୁ । ଏଥି ପାଇଁ ରବି ଋତୁରେ ଚାଷୀଙ୍କୁ ୧କୋଟି ୬୦ହଜାର ବିହନ ଯୋଗାଇ ଦିଆଯାଇଛି ବୋଲି କହିଛନ୍ତି ମୁଖ୍ୟମନ୍ତ୍ରୀ ।
Also read: State Budget : ପୁଞ୍ଜିଗତ ବ୍ୟୟ ୬୫,୦୧୨ କୋଟି ଟଙ୍କା, ଭିତ୍ତିଭୂମି ଉପରେ ଖର୍ଚ୍ଚ ହେବ ରାଜ୍ୟ ଜିଡିପିର ୬.୧%
ବଜେଟରେ ସୁଭଦ୍ରା ଯୋଜନାକୁ ଗୁରୁତ୍ବ ଦେଇଛନ୍ତି ସରକାର । ଏଥି ପାଇଁ ୧୦ହଜାର ୧୪୫କୋଟି ଟଙ୍କା ବ୍ୟୟବରାଦ କରାଯାଇଛି । ସେହିଭଳି ସୁଭଦ୍ରା ସୁରକ୍ଷା ନୂଆ ଯୋଜନା ପାଇଁ ୧୫୩କୋଟି ଟଙ୍କା ବ୍ୟୟ ବରାଦ କରାଯାଇଛି । ଏଥି ସହ ନୂଆ ଯୋଜନା ହିସାବରେ ଗରିବ ଝିଅଙ୍କ ବିବାହ ପାଇଁ ମୁଖ୍ୟମନ୍ତ୍ରୀ କନ୍ୟା ବିବାହ ଯୋଜନାରେ ୧୨କୋଟି ଟଙ୍କା ବ୍ୟୟ ବରାଦ କରାଯାଇଛି । ଏଥିରେ ଗରିବ ଝିଅଙ୍କ ସାମୁହିକ ବିବାହ କରିବେ ସରକାର । ସମ୍ପୂର୍ଣ୍ଣ ପୃଷ୍ଟି ଯୋଜନା ପାଇଁ ୫୨୬କୋଟି ଟଙ୍କା ବ୍ୟୟ ବରାଦ କରାଯାଇଛି । ଓଡ଼ିଶା ପୁଷ୍ଟି ମିଶନ ପ୍ରତିଷ୍ଠା ପାଇଁ ୧୦୦କୋଟି ଟଙ୍କା ବ୍ୟୟ କରାଯିବ । ମାଳତୀ ଦେବୀ ପ୍ରାକ୍ ବିଦ୍ୟାଳୟ ପରିଧାନ ଯୋଜନା ପାଇଁ ୮୫କୋଟି ବ୍ୟୟବରାଦ କରାଯାଇଛି ।
ଏଣିକି ଅଙ୍ଗନବାଡ଼ି ପିଲାଙ୍କୁ ୟୁନିଫର୍ମ ପ୍ରଦାନ କରିବେ ସରକାର । ବାଲ୍ୟ ବିବାହ ବନ୍ଦ ପାଇଁ ଆଦ୍ବିକା ନାମରେ ନୂଆ ଯୋଜନା ହୋଇଛି । ଆମ କୁନିପିଲା ନାଁରେ ନୂଆ ଯୋଜନା ଆଣିଛନ୍ତି ସରକାର । ଗଙ୍ଗାଧର ମେହେର ଶିକ୍ଷା ମାନକ ବୃଦ୍ଧି ଯୋଜନା ପାଇଁ ୧୯୩କୋଟି ଟଙ୍କା ରଖାଯାଇଛି । ନବମ ଶ୍ରେଣୀ ପିଲାଙ୍କୁ ମିଳିବ ମାଗଣା ସାଇକେଲ । ପ୍ରଥମରୁ ଅଷ୍ଟମ ଶ୍ରେଣୀ ପିଲାଙ୍କୁ ୟୁନିଫର୍ମ ପାଇଁ ୧୯୪କୋଟିର ବ୍ୟୟ ବରାଦ କରାଯାଇଛି । ସମୃଦ୍ଧ ସହର ପାଇଁ ୪୦୮କୋଟି ଟଙ୍କାର ବ୍ୟୟବରାଦ ହୋଇଛି । ରାଜ୍ୟର ସବୁ ରାଜପଥକୁ ୪ଲେନ୍ କରିବାକୁ ଯୋଜନା କରିଛନ୍ତି ସରକାର।
ସେହିଭଳି ପ୍ରଧାନମନ୍ତ୍ରୀ ସୂର୍ଯ୍ୟଘର ଯୋଜନାକୁ କାର୍ଯ୍ୟକାରୀ କରିବାକୁ ଆମ ସରକାର ପ୍ରତିଶ୍ରୁତିବଦ୍ଧ ବୋଲି କହିଛନ୍ତି ମୁଖ୍ୟମନ୍ତ୍ରୀ । ଏଥି ଲାଗି ଚଳି ଆର୍ଥିକ ବର୍ଷରେ ୮୨୦ କୋଟି ଟଙ୍କା ଆବଣ୍ଟନ କରିବାକୁ ପ୍ରସ୍ତାବ ଦିଆଯାଇଛି । ୩କିଲୋ ଓ୍ବାଟ୍ ସୋଲାର ପ୍ରକଳ୍ପ ପାଇଁ ୬୦ହଜାର ଟଙ୍କାର ଅତିରିକ୍ତ ସହାୟତା ଯୋଗାଇ ଦେବେ ସରକାର ।
