ଭୁବନେଶ୍ୱର ୦୧।୦୨ : ସହିପାରିଲେନି ଲସ୍ । ବ୍ୟାପାରରେ କ୍ଷତି ଋଣ ବୋଝ ଦେଇଥିଲା ମାନସିକ ଚାପ । ଶେଷରେ ବାଧ୍ୟ ହୋଇ ଝୁଲିପଡିଲେ ବିଲ୍ଡର । ଭୁବନେଶ୍ୱର ଚନ୍ଦ୍ରଶେଖରପୁର ଥାନା ଅଞ୍ଚଳରେ ଘଟିଛି ଏଭଳି ଅଭାବନୀୟ ଘଟଣା ।
ଖବର ଅନୁଯାୟୀ, ମୃତ ବିଲ୍ଡର ହେଲେ ବିନାୟକ ଡେଭଲପର ସଂସ୍ଥାର ମାଲିକ ଜିତେନ୍ଦ୍ର ନାୟକ । ଗତ କିଛି ଦିନ ହେବ ଜିତେନ୍ଦ୍ରଙ୍କ ବିଜନେସ୍ ଲସ୍ରେ ଚାଲିଥିଲା । ଏପିରିକି ତାଙ୍କ ମୁଣ୍ଡ ଉପରେ ଋଣ ବୋଝ ମଧ୍ୟ ବଢିବାରେ ଚାଲିଥିଲା । ଜିତେନ୍ଦ୍ର ଗୋଟିଏ ଜମି କିଣିବା ପାଇଁ ବ୍ୟାଙ୍କର ବହୁ ପରିମାଣର ଋଣ ଆଣି ସୁଝିପାରିନଥିଲେ । ଶେଷରେ ଆତ୍ମହତ୍ୟା କରିଥିଲେ ଜିତେନ୍ଦ୍ର । ଚନ୍ଦ୍ରଶେଖପୁର ସ୍ଥିତ ତନିସ୍କ ଶୋ’ ରୁମ୍ ପଛ ପଟେ ଥିବା ଆପାର୍ଟମେଣ୍ଟରୁ ଜିତେନ୍ଦ୍ରଙ୍କ ଝୁଲନ୍ତା ମୃତଦେହ ମିଳିଛି । ଯାହାର ଖବର ପାଇ ସ୍ଥାନୀୟ ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହକୁ ଜବତ କରି ବ୍ୟବଚ୍ଛେଦ ନିମନ୍ତେ ପଠାଇଛି । ଏହାସହ ଆବଶ୍ୟକ ସ୍ଥଳେ ସାଇଣ୍ଟିଫିକ୍ ଟିମ୍ ମଧ୍ୟ ସହଯୋଗ ନେଇପାରେ ବୋଲି ଜଣାପଡିଛି ।
