ମୁମ୍ଵାଇ ୦୭।୦୫; “ମିଳିଲା ନ୍ୟାୟ, ସମସ୍ତଙ୍କ ମୁହଁରେ ଜୟ ହିନ୍ଦ୍” । ପହଲଗାମ୍ ଆକତଙ୍କବାଦୀ ଆକ୍ରମଣର ପ୍ରତଶୋଧ ନେଲା ଭାରତ । ଭାରତୀୟ ସେନା ପକ୍ଷରୁ ଆରମ୍ଭ ହେଲା ଅପରେସନ ‘ ସିନ୍ଦୂର ‘ । ମଧ୍ୟ ରାତ୍ରୀରେ ବଡ଼ଧରଣର ଏୟାର ଷ୍ଟ୍ରାଇକ କରିଛି ଭାରତ। ପାକିସ୍ତାନରେ ୪ ଓ ପିଓକେରେ ୫ଟି ଆତଙ୍କବାଦୀ ଶିବିର ଉପରେ ଏୟାର ଷ୍ଚ୍ରାଇକ । ବହାବାଲପୂର୍, କୋଟଲି, ମୁରିଦକେ ଓ ମୁଜାଫରାବାଦର ୯ ଟି ଆତଙ୍କବାଦୀ ଆଡ୍ଡା ଉପରେ ଭାରତର ବଡ଼ ଧରଣର ଏୟାର ଷ୍ଟ୍ରାଇକ କରାଯାଇଛି । ମିସାଇଲ ମାଡ଼ରେ ଧ୍ବଂସ ହେଲା ଟେରର କ୍ୟାମ୍ପ ।
'ଅପରେସନ୍ ସିନ୍ଦୂର' ଉପରେ ବଲିଉଡ୍ ସେଲିବ୍ରିଟିଙ୍କ ପ୍ରତିକ୍ରିୟା
ଦେଶବାସୀ 'ଅପରେସନ ସିନ୍ଦୂର'କୁ ସମର୍ଥନ କରିଛନ୍ତି । ଭାରତୀୟ ସେନାର ସାହସିକତାକୁ ସଲାମ କରିଛନ୍ତି। ସେନା ଦ୍ୱାରା କରାଯାଇଥିବା ଏୟାରଷ୍ଟ୍ରାଇକ୍ର ସଫଳତାରେ ଭାରତୀୟ ଚଳଚ୍ଚିତ୍ର ଶିଳ୍ପର ତାରକାମାନେ ମଧ୍ୟ ଖୁସି ପ୍ରକାଶ କରିଛନ୍ତି। ସମସ୍ତେ ଜୟ ହିନ୍ଦ ସ୍ଲୋଗାନ ଦେଇ ଭାରତୀୟ ସେନାକୁ ସଲାମ କରିଥିଲେ। ଆସନ୍ତୁ ଜାଣିବା ସେଲିବ୍ରିଟିମାନେ କ’ଣ କହିଛନ୍ତି...
ବଲିଉଡ ଅଭିନେତା ରିତେଶ ଦେଶମୁଖ X ରେ ପୋଷ୍ଟ କରି ଲେଖିଛନ୍ତି- ଜୟ ହିନ୍ଦ କି ସେନା… ଭାରତ ମାତା କି ଜୟ ।
ଚଳଚ୍ଚିତ୍ର ନିର୍ମାତା ମଧୁର ଭଣ୍ଡାରକରଙ୍କ ପ୍ରତିକ୍ରିୟା ମଧ୍ୟ ସାମ୍ନାକୁ ଆସିଛି। ସେ ଲେଖିଛନ୍ତି- ଆମର ପ୍ରାର୍ଥନା ସେନା ସହିତ ଅଛି। ଗୋଟିଏ ରାଷ୍ଟ୍ର, ଆମେ ଏକାଠି ଛିଡ଼ା ହୋଇଛୁ। ଜୟ ହିନ୍ଦ୍ ବନ୍ଦେ ମାତରମ୍ ।
ଅଭିନେତ୍ରୀ ନିମରତ କୌର ଇନଷ୍ଟାରେ ଅପରେସନ ସିନ୍ଦୂର ଉପରେ ପ୍ରତିକ୍ରିୟା ଦେଇ ଲେଖିଛନ୍ତି- ଆମେ ଆମ ସେନା ସହିତ ଅଛୁ। ଆମ ଦେଶ, ଗୋଟିଏ ମିଶନ, ଜୟ ହିନ୍ଦ। ପରେଶ ରାୱଲ, ଅନୁପମ ଖେର, ବିନୀତ କୁମାର ସିଂହ ଏବଂ ରାହୁଲ ବୈଦ୍ୟଙ୍କ ପ୍ରତିକ୍ରିୟା ମଧ୍ୟ ସାମ୍ନାକୁ ଆସିଛି।
ପହଲଗାମ ଆକ୍ରମଣର ପ୍ରତିଶୋଧ ନେଇଛି ଭାରତ
ଜଣାଶୁଣା ଯେ, ୨୨ ଏପ୍ରିଲରେ ଜମ୍ମୁ-କାଶ୍ମୀରର ପହଲଗାମରେ ଏକ ଆତଙ୍କବାଦୀ ଆକ୍ରମଣ ହୋଇଥିଲା। ଏଥିରେ ପ୍ରାୟ ୨୬ ଜଣ ପର୍ଯ୍ୟଟକଙ୍କ ମୃତ୍ୟୁ ହୋଇଥିଲା। ଆତଙ୍କବାଦୀମାନେ ବୈସାରଣ ଘାଟିକୁ ଟାର୍ଗେଟ କରିଥିଲେ। ଏହି ଆକ୍ରମଣ ଯୋଗୁଁ ସାରା ଦେଶରେ କ୍ରୋଧ ପ୍ରକାଶ ପାଇଥିଲା। ପହଲଗାମ ଆତଙ୍କବାଦୀ ଆକ୍ରମଣର ୧୫ ଦିନ ପରେ, ଭାରତ ଅପରେସନ ସିନ୍ଦୂର ଆରମ୍ଭ କରି ପାକିସ୍ତାନକୁ ଉଚିତ ଜବାବ ଦେଇଛି।
