ନୂଆଦିଲ୍ଲୀ ୦୪/୦୬: ଡୋନାଲ୍ଡ ଟ୍ରମ୍ପ ଓ ଏଲନ ମସ୍କଙ୍କ ଭିତରେ କିଛି ଠିକ୍ ଠାକ୍ ଚାଲିନି । ଥରେ କି ଦୁଇ ଥର ନୁହେଁ ବାରମ୍ୱାର ଏମିତି ଘଟୁଥିବା ନଜର ଆସୁଛି । କୋଟିପତି ବ୍ୟବସାୟୀ ତଥା ଟେକ୍ନୋଲଜି ଦିଗ୍ଗଜ ଏଲନ ମସ୍କ । ଟ୍ରମ୍ପ ପ୍ରଶାସନର ନୂତନ ଟିକସ ଏବଂ ଖର୍ଚ୍ଚ ବିଲ୍କୁ ନେଇ କ୍ଷୁବ୍ଧ ହୋଇଛନ୍ତି ।
ସୋସିଆଲ ମିଡିଆ ପ୍ଲାଟଫର୍ମ X ରେ, ଏଲୋନ ମସ୍କ ଏହି ବିଲ୍ କୁ 'ଅତି ଘୃଣ୍ୟ' ବୋଲି କହିଛନ୍ତି । ସେ କହିଛନ୍ତି ଯେ ଏହା ନିଅଣ୍ଟକୁ ବୃଦ୍ଧି କରିବ। ଏହା ସହିତ, ମସ୍କ ଲେଖିଛନ୍ତି ଯେ 'କ୍ଷମା କରିବେ, କିନ୍ତୁ ମୁଁ ଏହାକୁ ଆଉ ସହ୍ୟ କରିପାରିବି ନାହିଁ...', ଏହା କଂଗ୍ରେସର ଖର୍ଚ୍ଚ ପୂର୍ଣ୍ଣ, ଅବାନ୍ତର ଓ ଲଜ୍ଜାଜନକ ବିଲ୍। ଯେଉଁମାନେ ଏହାର ସପକ୍ଷରେ ଭୋଟ ଦେଇଛନ୍ତି ସେମାନେ ନିଜକୁ ଲଜ୍ଜିତ ହେବା ଉଚିତ। କାରଣ ସେମାନେ ଜାଣନ୍ତି ଯେ ସେମାନେ ଭୁଲ କରିଛନ୍ତି।
ମସ୍କ ଚେତାବନୀ ଦେଇଛନ୍ତି ଯେ ଏହି ବିଲ୍ ଆମେରିକାର ପୂର୍ବରୁ ଥିବା ବିଶାଳ ବଜେଟ୍ ନିଅଣ୍ଟକୁ ୨.୫ ଟ୍ରିଲିୟନ ଡଲାରକୁ ବୃଦ୍ଧି କରିବ । ଯାହା ଦେଶ ଉପରେ ଅସ୍ଥାୟୀ ଋଣର ବୋଝକୁ ଆହୁରି ଗଭୀର କରିବ। କିଛି ଦିନ ପୂର୍ବରୁ, ଏଲୋନ ମସ୍କ 'ସରକାରୀ ଦକ୍ଷତା ବିଭାଗ' (DOGE) ର ମୁଖ୍ୟ ପଦରୁ ଇସ୍ତଫା ଦେଇଥିଲେ । ଯାହା ସଂଘୀୟ ଖର୍ଚ୍ଚ ହ୍ରାସ କରିବା ପାଇଁ ଦାୟୀ ଥିଲା। ସେ ଏହି ବିବାଦୀୟ ବିଲ୍ ଠାରୁ ସ୍ପଷ୍ଟ ଭାବରେ ନିଜକୁ ଦୂରେଇ ରଖିଛନ୍ତି।
ହ୍ୱାଇଟ୍ ହାଉସ୍ ପ୍ରେସ୍ ସଚିବ କାରୋଲିନ୍ ଲେଭିଟ୍ ଏଲୋନ୍ ମସ୍କଙ୍କ ସମାଲୋଚନାକୁ ହାଲୁକା ଭାବରେ ନେଇଥିଲେ । କହିଥିଲେ ଯେ ରାଷ୍ଟ୍ରପତି ଟ୍ରମ୍ପ୍ ପୂର୍ବରୁ ଜାଣିଥିଲେ ଯେ ଏଲନ୍ ମସ୍କ ଏହି ବିଲ୍ ବିଷୟରେ କ’ଣ ଚିନ୍ତା କରୁଛନ୍ତି । କିନ୍ତୁ ଏଲନ୍ ମସ୍କଙ୍କ ଏହି ପଦକ୍ଷେପ ତାଙ୍କର (ଟ୍ରମ୍ପ୍) ଦୃଷ୍ଟିକୋଣକୁ ପରିବର୍ତ୍ତନ କରିବ ନାହିଁ। ଏହା ଏକ ବଡ଼ ସୁନ୍ଦର ବିଲ୍ ଏବଂ ରାଷ୍ଟ୍ରପତି ଏଥିରେ ସମର୍ଥନ କରନ୍ତି। ଆପଣଙ୍କୁ ଜଣାଇ ଦେଉଛୁ ଯେ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଏହି ବିଲ୍କୁ ତାଙ୍କ ଅର୍ଥନୈତିକ ନୀତିର ମେରୁଦଣ୍ଡ ଭାବରେ ବର୍ଣ୍ଣନା କରିଛନ୍ତି, ଯେତେବେଳେ ମସ୍କ ଏହାକୁ ଅନିୟନ୍ତ୍ରିତ ଖର୍ଚ୍ଚର ପ୍ରତୀକ ବୋଲି ବିବେଚନା କରନ୍ତି।
ଏଲୋନ୍ ମସ୍କ ୨୦୨୪ ମସିହାରେ ଟ୍ରମ୍ପଙ୍କ ନିର୍ବାଚନ ପ୍ରଚାର ପାଇଁ ୨୫୦ ନିୟୁତ ଡଲାରରୁ ଅଧିକ ଦାନ କରିଥିଲେ। ଏହା ପରେ, ସେ 'ଡେଫିସିଟ୍ ଅପ୍ଟିମାଇଜେସନ୍ ଆଣ୍ଡ୍ ଗଭର୍ଣ୍ଣମେଣ୍ଟ୍ ଏଫିସିଏନ୍ସି (DOGE)' ନାମକ ଏକ ପଦକ୍ଷେପର ମଧ୍ୟ ନେତୃତ୍ୱ ନେଇଥିଲେ, କିନ୍ତୁ ବର୍ତ୍ତମାନ ଏହାକୁ ବନ୍ଦ କରିଦିଆଯାଇଛି। ଏହାର ଉଦ୍ଦେଶ୍ୟ ଥିଲା ସରକାରୀ ଅପଚୟକୁ ମୂଳପୋଛ କରିବା।
