ମୁମ୍ୱାଇ ୧୭/୦୨: ଭାରତୀୟ କ୍ରିକେଟର ବୀରେନ୍ଦ୍ର ସେହୱାଗ ଏବଂ ୟୁଜଭେନ୍ଦ୍ର ଚହଲଙ୍କ ଛାଡପତ୍ର କାହାଣୀ ମନରୁ ଲିଭିନି । ଗତ କିଛି ଦିନ ଧରି ଭାରତୀୟ କ୍ରିକେଟର ଦୁଇ ବଡ଼ ଖେଳାଳି ଖବରର ଶିରୋନାମାରେ । ଯଦିଓ ସେମାନଙ୍କ ଛାଡପତ୍ର ବିଷୟରେ ଆନୁଷ୍ଠାନିକ ଭାବେ ଘୋଷଣା ହୋଇନି । କିନ୍ତୁ ସାଉଥ ଆଫ୍ରିକାର ଜଣେ ପୂର୍ବତନ କ୍ରିକେଟର କିନ୍ତୁ ନିଜ ବୈବାହିକ ଜୀବନର ଏମିତି ଖବର ସେୟାର କରିଛନ୍ତି । ଯାହାକୁ ଶୁଣି ଫ୍ୟାନ୍ସ ତାଜବୁ ।
ଦକ୍ଷିଣ ଆଫ୍ରିକା ସେହି ଖେଳାଳି ଏବେ ନିଜ ପତ୍ନୀଙ୍କୁ ଦେଇଛନ୍ତି ଛାଡପତ୍ର । କହିବାକୁ ଗଲେ ପୂର୍ବତନ ଖେଳାଳି ଜେପି ଡୁମିନି ତାଙ୍କ ପତ୍ନୀଙ୍କୁ ଛାଡପତ୍ର ଦେଇଛନ୍ତି । ସୋସିଆଲ ମିଡିଆରେ ତାଙ୍କ ପ୍ରଶଂସକଙ୍କ ସହ ଏହି ମେସେଜ ସେୟାର କରିଛନ୍ତି । ଏହା ସହ ଗୋପନୀୟତା ବଜାୟ ରଖିବାକୁ ବି ଦାବି କରିଛନ୍ତି ।
୧୪ ବର୍ଷ ପତ୍ନୀଙ୍କଠାରୁ ଅଲଗା:
ସୋମବାର, ଫେବୃଆରୀ ୧୭ ତାରିଖରେ ଜେପି ଡୁମିନି ସୋସିଆଲ ମିଡିଆରେ ତାଙ୍କ ପ୍ରଶଂସକଙ୍କ ସହ ଏକ ହୃଦୟ ବିଦାରକ ଖବର ସେୟାର କରିଥିଲେ । ଡୁମିନି ୧୪ ବର୍ଷର ବିବାହ ପରେ ତାଙ୍କ ପତ୍ନୀ ସୁ ଡୁମିନିଙ୍କଠାରୁ ଅଲଗା ହୋଇଯାଇଛନ୍ତି । ଡୁମିନି ଏବଂ ସୁ ସୋସିଆଲ ମିଡିଆରେ ଏକ ବିବୃତ୍ତି ଜାରି କରି ସେମାନଙ୍କ ଛାଡପତ୍ରକୁ ନିଶ୍ଚିତ କରିଛନ୍ତି।
ପ୍ରଶଂସକମାନଙ୍କୁ ଡୁମିନିଙ୍କ ସ୍ୱତନ୍ତ୍ର ଅପିଲ୍:
ଡୁମିନି ତାଙ୍କ ଇନଷ୍ଟାଗ୍ରାମ ଆକାଉଣ୍ଟରେ ଏକ ପୋଷ୍ଟ ସେୟାର କରିଛନ୍ତି । ଏଥିରେ ଡୁମିନି ଏବଂ ସୁଙ୍କ ବୟାନ ରହିଛି । ସେଥିରେ ଲେଖାଥିଲା, 'ବହୁତ ବିଚାର ବିମର୍ଶ ପରେ, ସୁ ଏବଂ ମୁଁ ଅଲଗା ହେବାକୁ ନିଷ୍ପତ୍ତି ନେଇଛୁ ।' ଆମେ ଭାଗ୍ୟବାନ ଥିଲୁ ଯେ ଆମ ବିବାହ ସମୟରେ ଅନେକ ସ୍ମରଣୀୟ ମୁହୂର୍ତ୍ତ ଏକାଠି ବିତାଇଥିଲୁ ।
ଭଗବାନଙ୍କ ଆଶୀର୍ବାଦରୁ ଆମର ଦୁଇଟି ସୁନ୍ଦର ସୁନ୍ଦର ଝିଅ ଅଛନ୍ତି । ଏହି ସମୟରେ, ଆମେ ଏହି ପରିବର୍ତ୍ତନକୁ ନେଭିଗେଟ୍ କରିବା ସମୟରେ ଗୋପନୀୟତା ମାଗୁଛୁ । ଯଦିଓ ଆମର ପଥ ଅଲଗା ହୋଇଗଲାଣି, ଆମେ ବନ୍ଧୁ ହୋଇ ରହିବୁ, ଆମର ବିଚ୍ଛେଦ ସୌହାର୍ଦ୍ଦପୂର୍ଣ୍ଣ। ଏହି ସମୟରେ ଆପଣଙ୍କ ବୁଝାମଣା ଏବଂ ସମର୍ଥନ ପାଇଁ ଧନ୍ୟବାଦ। ଜେପି ଏବଂ ସୁ'।
also read..
ସିଲେକ୍ସନ କମିଟି ବୈଠକରେ ହଙ୍ଗାମା, ୩ ଖେଳାଳିଙ୍କୁ ନେଇ ଗମ୍ଭୀର-ଅଗରକରଙ୍କ ମଧ୍ୟରେ ବିବାଦ!
