ମୁମ୍ଵାଇ ୦୯।୧୨; 'ଦି ଗ୍ରେଟ୍ ଇଣ୍ଡିଆନ୍ କପିଲ୍ ସୋ' ନେଟଫ୍ଲିକ୍ସରେ ଆରମ୍ଭ ହୋଇଥିଲା। ଏହି ଶୋ’ରେ କପିଲ ଶର୍ମା, ଅର୍ଚ୍ଚନା ପୁରାଣ ସିଂ, କୃଷ୍ଣ ଅଭିଷେକ, କିକୁ ଶାରଦା ଏବଂ ସୁନୀଲ ଗ୍ରୋଭରଙ୍କ ଭଳି ଅଭିନେତା ନଜର ଆସିଛନ୍ତି। ଯାହାର ପ୍ରଥମ ସିଜିନ ଜୁନ୍ ମାସରେ ଶେଷ ହୋଇଥିଲା । ଏହି ସିଜିନ୍ରେ ସମୁଦାୟ ୧୩ ଟି ଏପିସୋଡ୍ ଥିଲା ଏବଂ କାର୍ତ୍ତିକ ଆର୍ଯ୍ୟନ୍ ଏବଂ ତାଙ୍କ ମା ଶେଷ ଏପିସୋଡ୍ରେ ଦେଖିବାକୁ ମିଳିଥିଲା । ଏହା ପରେ, ଶୋ’ର ଦ୍ୱିତୀୟ ସିଜନ୍ ୨୧ ସେପ୍ଟେମ୍ବର ୨୦୨୪ରେ ନେଟଫ୍ଲିକ୍ସରେ ଆରମ୍ଭ ହୋଇଥିଲା।
ଏହି ସିଜିନ୍ରେ କପିଲ ଶର୍ମା, ଅର୍ଚ୍ଚନା ପୁରାଣ ସିଂ, କୃଷ୍ଣ ଅଭିଷେକ, କିକୁ ଶାରଦା ଏବଂ ସୁନୀଲ ଗ୍ରୋଭର ମଧ୍ୟ ନଜର ଆସିଛନ୍ତି। ଏହି ସିଜିନ୍ର ୧୨ଟି ଏପିସୋଡ୍ ଅଛି ଏବଂ ଆସନ୍ତା ସପ୍ତାହ ଶେଷରେ ଶୋ’ର ୧୩ ତମ ଏପିସୋଡ୍ ହେବ, ଯାହା ଶେଷ ଅଟେ। କପିଲ ଶର୍ମା ସୋ ଶେଷ ହେବା ଘୋଷଣା କରିଛନ୍ତି। ଶୋ’ର ଦ୍ୱିତୀୟ ସିଜନରେ, ୧୩ଟି ଏପିସୋଡ୍ ପରେ ଏକ ସ୍ୱଳ୍ପ ବ୍ରେକ୍ ନିଆଯିବ। ଏହି ସିଜିନ୍ର ଶେଷ ପର୍ଯ୍ୟାୟରେ ବରୁଣ ଧାୱନ ଏବଂ 'ବେବି ଜନ୍'ର ଟିମ୍ ଦେଖିବାକୁ ମିଳିବ। ତେବେ ଏହି ଖବର କପିଲ ଶର୍ମାଙ୍କ ପ୍ରଶଂସକଙ୍କୁ ଟିକେ ଦୁଃଖ ଦେଇଛି।
ଏହି ଏପିସୋଡର ଏକ ଟିଜର ଭାଇରାଲ ହେବାରେ ଲାଗିଛି। ଯେଉଁଥିରେ ରେଖା ମଧ୍ୟ ଅନ୍ତର୍ଭୁକ୍ତ । କପିଲ ଘୋଷଣା କରିଛନ୍ତି ଯେ ସେ ସିଜିନ ଫାଇନାଲ ହୋଷ୍ଟ କରୁଛନ୍ତି ଏବଂ ସେଟରେ ବରୁଣ ଧାୱନଙ୍କୁ ସ୍ୱାଗତ କରିଛନ୍ତି। 'ବେବି ଜନ୍' ଅଭିନେତା ବରୁଣ ଧାୱନଙ୍କ ସହ ପ୍ରଡ୍ୟୁସର ଏଟଲି ଏବଂ ନିର୍ଦ୍ଦେଶକ କାଲିସଙ୍କୁ ମଧ୍ୟ ସେଟରେ ଦେଖିବାକୁ ମିଳିଥିଲା। ଏହା ବ୍ୟତୀତ ଭାମିକା ଗାବି ଏବଂ କିର୍ତ୍ତୀ ସୁରେଶ ମଧ୍ୟ ଉପସ୍ଥିତ ରହିବେ।
