ନୂଆଦିଲ୍ଲୀ ୦୬।୧୨: ସାଉଥ୍ ଅଭିନେତ୍ରୀ କିର୍ତ୍ତୀ ସୁରେଶ । ପ୍ରେମରେ ପଡିବା ପରେ ଏବେ କରିବେ ବିବାହ । ସେ ତାଙ୍କର ଲଙ୍ଗ ଟାଇମ ବୟଫ୍ରେଣ୍ଡ ଆଣ୍ଟୋନି ଥାଟିଲଙ୍କୁ କରିବେ ବିବାହ । ଏନେଇ ନିକଟରେ ଇନଷ୍ଟାଗ୍ରାମରେ ନିଜ ସମ୍ପର୍କକୁ ଅଫିସିଆଲ କରିଥିଲେ । ଅଭିନେତ୍ରୀ କହିଛନ୍ତି ଯେ ସେ ଆଣ୍ଟୋନିଙ୍କ ସହ ଦୀର୍ଘ ୧୫ ବର୍ଷ ଧରି ଅଛନ୍ତି । ଏହାର କିଛି ଦିନ ପରେ କିର୍ତ୍ତୀ ସୁରେଶ ତିରୁପତି ମନ୍ଦିରକୁ ଦର୍ଶନ ପାଇଁ ଯାଉଥିବାର ନଜର ଆସିଥିଲେ। ତେବେ ବର୍ତ୍ତମାନ ଅଭିନେତ୍ରୀଙ୍କ ବିବାହ କାର୍ଡ ଭାଇରାଲ୍ ହେଉଛି ।
ଏହି କାର୍ଡ ଅନୁଯାୟୀ କିର୍ତ୍ତୀ ଏବଂ ଆଣ୍ଟୋନିଙ୍କ ବିବାହ ଡିସେମ୍ବର ୧୨ରେ ହେବ। ଗୋଆରେ ଏକ ଡେଷ୍ଟିନେସନ ଓ୍ବେଡିଂ କରିବେ । ଆଉ ଆରମ୍ଭ ହୋଇ ସାରିଛି ବିବାହ ପ୍ରସ୍ତୁତି । ଦମ୍ପତିଙ୍କ ବିବାହରେ କେବଳ ଘନିଷ୍ଠ ପରିବାର ସଦସ୍ୟ ଯୋଗଦେବେ। ଏହି କାର୍ଡରେ କିର୍ତ୍ତୀଙ୍କ ପିତାମାତା ଜି ସୁରେଶ କୁମାର ଏବଂ ମେନକା ସୁରେଶଙ୍କ ନାଁ ଲେଖାଯାଇଛି। ତେବେ ନଭେମ୍ବର ୨୭ରେ କିର୍ତ୍ତୀ ସୁରେଶ ଆଣ୍ଟୋନି ଥାଟିଲଙ୍କ ସହ ତାଙ୍କର ପ୍ରଥମ ଫଟୋ ସେୟାର କରିଥିଲେ । ଏଥିରେ ଦୁହେଁ ଦୀପାବଳି ପାଳନ କରୁଥିବା ଦେଖିବାକୁ ମିଳିଥିଲା ।
ଅଭିନେତ୍ରୀ ଲେଖିଥିଲେ - ୧୫ବର୍ଷ ବିତିଗଲାଣି ଏବଂ ଆହୁରି ଅନେକ କିଛି ବାକି ଅଛି । ଆଣ୍ଟୋନିଙ୍କ ସହିତ କିର୍ତ୍ତୀ । ତେବେ କିର୍ତ୍ତୀ ସୁରେଶଙ୍କ ଭାବି ସ୍ବାମୀ କିଏ ? କିର୍ତ୍ତୀ ସୁରେଶଙ୍କ ଭାବି ସ୍ୱାମୀ ହେଉଛନ୍ତି ଆଣ୍ଟୋନି ଥାଟିଲ । ସେ କୋଚିର ବାସିନ୍ଦା । ଏହା ବ୍ୟତୀତ ସେ ଜଣେ ଦୁବାଇର କୋଟିପତି ବ୍ୟବସାୟୀ । ତାଙ୍କର ରିସର୍ଟ ଚେନ୍ ରହିଛି ।
ଏହାବ୍ୟତୀତ କୋଚିରେ ତାଙ୍କର ଏକ ରିଟେଲ ଏବଂ କର୍ଟେନର ବ୍ୟବସାୟ ରହିଛି । ସେ ବର୍ତ୍ତମାନ ତାଙ୍କ ଫ୍ୟାମିଲି ବିଜନେସ୍ ଆଗକୁ ନେଉଛନ୍ତି । ତେବେ କିର୍ତ୍ତୀ ସୁରେଶ କ୍ୟାରିୟର ବିଷୟରେ କହିବାକୁ ଗଲେ ସେ ବଲିଉଡ ଡେବ୍ୟୁ କରିବାକୁ ଯାଉଛନ୍ତି । ଅଭିନେତ୍ରୀ ବରୁଣ ଧାୱନଙ୍କ ସହ ଫିଲ୍ମ 'ବେବି ଜନ୍'ରେ ଲିଡ୍ ରୋଲରେ ନଜର ଆସିବେ। ଏହି ଫିଲ୍ମଟି ୨୫ ଡିସେମ୍ବରରେ ମୁକ୍ତିଲାଭ କରିବ ।
