ଦବଙ୍ଗ ଗର୍ଲ ସୋନାକ୍ଷୀ । ତାଙ୍କ ଲଙ୍ଗ ଟାଇମ୍ ବୟଫ୍ରେଣ୍ଡ ଜହିର। ସାତ ବର୍ଷ ପରସ୍ପରକୁ ଡେଟ କରିବା ପରେ ଏବେ ଉଭୟ ବିବାହ କରିବାକୁ ଯାଉଛନ୍ତି । ରିପୋର୍ଟରେ କୁହାଯାଇଛି ଯେ ସୋନାକ୍ଷୀ-ଜହିରଙ୍କ ବିବାହ ଜୁନ୍ ୨୩ ରେ ଇକବାଲ ରତନସୀଙ୍କ ଘରେ ହେବ। କିନ୍ତୁ ଶତୃଘ୍ନ ସିହ୍ନା କହିଥିଲେ ଯେ ବିବାହ ପରେ ହିଁ ରିସେପ୍ସନ୍ ହେବ।
ଗତକାଲି ଶତୃଘ୍ନ ସିହ୍ନା ମଧ୍ୟ ତାଙ୍କ ଝିଅ ପାଇଁ ଏକ ପୂଜା ଆୟୋଜନ କରିଥିଲେ। ଯେଉଁଥିରେ ତାଙ୍କର ପୁରା ପରିବାର ଅଂଶଗ୍ରହଣ କରିଥିଲେ । ଏହି ସମୟରେ ନୀଳ ସୁଟ ପିନ୍ଧିଥିବା ସୋନାକ୍ଷୀ ସିହ୍ନା ବହୁତ ସୁନ୍ଦର ଦେଖାଯାଉଥିଲେ। ଆସନ୍ତୁ ଆପଣଙ୍କୁ କହିବା ଯେ ବିବାହର କାର୍ଯ୍ୟକ୍ରମ ୨ ଦିନ ହେଲା ଆରମ୍ଭ ହୋଇଥିଲା । ଅତିଥିମାନଙ୍କ ସହିତ ସୋନାକ୍ଷୀଙ୍କ ଘରକୁ କିଛି ବଡ ତାରକାଙ୍କ ଉପହାର ମଧ୍ୟ ଆସିଥିଲା । ଗତକାଲି ରାତିରେ ମଲିକାଜନ ଅର୍ଥାତ୍ ମନୀଷା କୋଇରାଲା ସୋନାକ୍ଷୀ ଏବଂ ଜହିରଙ୍କ ପାଇଁ ଏକ ବଡ ଉପହାର ପଠାଇଥିଲେ।
ଏହା ଦେଖିବାକୁ ମିଳେ ଯେ ଏକ ସୁନ୍ଦର ଫୁଲତୋଡା ଏବଂ ଏକ ବଡ ଉପହାର ମନୀଷା ସୋନାକ୍ଷୀଙ୍କୁ ପଠାଇଛନ୍ତି । କହିବାକୁ ଗଲେ ସଞ୍ଜୟ ଲୀଲା ଭନସାଲୀଙ୍କ ୱେବ୍ ସିରିଜ୍ ହୀରାମଣ୍ଡିରେ ଉଭୟ ନଜର ଆସିଥିଲେ । ଏତିକି ନୁହେଁ ମନୀଷା ମଧ୍ୟ ସୋନାକ୍ଷୀଙ୍କ ପାଇଁ ଶୁଭେଚ୍ଛା ପୂର୍ଣ୍ଣ ଏକ ଚିଠି ପଠାଇଛନ୍ତି। ମନୀଷାଙ୍କ ବ୍ୟତୀତ ଅନେକ ଅତିଥିଙ୍କ ଉପହାର ମଧ୍ୟ କ୍ରମାଗତ ଭାବରେ ଘରକୁ ଆସୁଛି । କେବଳ ପ୍ରଶଂସକମାନେ ସୋନାକ୍ଷୀ ଏବଂ ଜହିରଙ୍କ ବିବାହ ଫଟୋକୁ ଉତ୍ସାହର ସହିତ ଅପେକ୍ଷା କରିଛନ୍ତି ।