ଭୁବନେଶ୍ବର ୩।୪: ଆଗାମୀ ଦିନରେ ନିଆରା ପ୍ରତିବାଦ କରିବ କଂଗ୍ରେସ । ନାରୀ ନିର୍ଯାତନା ପ୍ରସଙ୍ଗରେ ଯଦି ସରକାର ଗୃହ କମିଟି ନକଲେ ଆଗାମୀ ଦିନରେ ଗାଁ ଗାଁ ବୁଲିବ କଂଗ୍ରେସ । ରାଜ୍ୟବ୍ୟାପୀ ଆନ୍ଦୋଳନ ନେଇ ପିସିସି ସଭାପତି ଭକ୍ତ ଚରଣ ଦାସ ଆହ୍ବାନ ଦେଇଛନ୍ତି ।
ନାରୀ ସୁରକ୍ଷା ନେଇ ଗାଁ ଗାଁରେ ସନ୍ଧ୍ୟାରେ କ୍ୟାଣ୍ଡେଲ ରାଲି କରିବ କଂଗ୍ରେସ ।
ଏପ୍ରିଲ ୧୫ ତାରିଖରୁ ରାଜ୍ୟର ସମସ୍ତ ୩୧୪ ବ୍ଲକରେ ଶାନ୍ତି ଭାବରେ ମଶାଲ ରାଲି କରିବ କଂଗ୍ରେସ । ପ୍ରତ୍ୟେକ ନେତା ସବୁ ଜିଲ୍ଲାରେ ଜଗିବେ । ୨୧ ତାରିଖରେ ଜିଲ୍ଲା ହେଡକ୍ବାର୍ଟରରେ ହେବ କ୍ୟାଣ୍ଡେଲ ରାଲି । ପ୍ରତ୍ୟେକ ଜିଲ୍ଲାରେ କଂଗ୍ରେସ ସମ୍ମିଳନୀ, ପଦଯାତ୍ରା ବି କରିବ ।ସମସ୍ତ ସମସ୍ୟା ଉପରେ ଆଲୋଚନା କରିବେ । ଜିଲ୍ଲା ଦାୟିତ୍ବରେ ଥିବା ନେତା ସକ୍ରିୟ ନେତାଙ୍କ ଉପରେ ରିପୋର୍ଟ ଦେବା ପରେ ଜିଲ୍ଲା ସଭାପତି ଚୟନ ହେବ ।
ସେପଟେ ତାରା ପ୍ରସାଦ ବାହିନୀପତି କହିଛନ୍ତି, ଗୁରୁବାର ସକାଳ ୭ଟା ପର୍ଯ୍ୟନ୍ତ ବିଧାନସଭା ଚାଲିଲା । ଷଡ଼ଯନ୍ତ୍ର କରି ଆମକୁ ନିଲମ୍ବନ କରିଥିଲେ । ବିଜେଡି ଉପରେ ବର୍ଷିଲେ ତାରା । ରାତିରେ ବିଲ୍ ପାସ୍ କରିବା ପାଇଁ ସମ୍ପୂର୍ଣ୍ଣ ସହଯୋଗ କଲେ । ମିଛରେ କହୁଛନ୍ତି ଆମେ ବିଜେପି ସହ ନାହୁଁ ବୋଲି । ବୁଧବାର ବିଧାନସଭାରେ ବିଲ୍ ପାସ୍ ବେଳେ ବିଜେଡିର ସମର୍ଥନ ସ୍ପଷ୍ଟ କରିଛି । ବିଜେଡି-ବିଜେପି ଏକ ବୋଲି କହିଛନ୍ତି ତାରା ବାହିନୀପତି ।
You Can Read:
ସ୍କୁଲ ହଷ୍ଟେଲରେ ରାଗିଂ ଅଭିଯୋଗ : ଷଷ୍ଠ ଶ୍ରେଣୀ ଛାତ୍ରଙ୍କୁ ନିର୍ଯାତନା ଦେଲେ ନବମ ଶ୍ରେଣୀ ଛାତ୍ର !
