ଜଗତସିଂହପୁର ୧୧।୧୦: କଟକ-ପାରାଦୀପ ରାସ୍ତାର ସରଣୀ ଛକ ନିକଟରେ ସ୍କୁଟିକୁ ଧକ୍କା ଦେଲା ଯାତ୍ରୀବାହୀ ବସ୍ । ଦୁର୍ଘଟଣାରେ ସ୍କୁଟି ଆରୋହୀଙ୍କ ମୃତ୍ୟୁ ହୋଇଛି । ମୃତକ ହେଉଛନ୍ତି ତିର୍ତ୍ତୋଲ ଥାନାରେ କାର୍ଯ୍ୟରତ ମହିଳା କନଷ୍ଟେବଲ ସୁରୁଜା ମୁଣ୍ଡା ।
ସୂଚନାଯୋଗ୍ୟ ଯେ, ପାରାଦୀପରୁ କଟକ ଯାଉଥିବା ‘ଆନନ୍ଦ’ ନାମକ ଯାତ୍ରୀବାହୀ ବସ୍ ସରଣୀ ଛକ ନିକଟରେ ସ୍କୁଟି ଆରୋହୀ ମହିଳା କନଷ୍ଟେବଲଙ୍କୁ ପଛ ପଟୁ ଧକ୍କା ଦେଇଥିଲା । ଧକ୍କା ଦେବା ଫଳରେ ମହିଳା କନଷ୍ଟେବଳ ଜଣକ ଗାଡିରୁ ଛିଟିକି ପଡ଼ିଥିଲେ । ଖବର ପାଇ ଅଗ୍ନିଶମ ବିଭାଗ ଘଟଣାସ୍ଥଳରେ ପହଞ୍ଚି ମହିଳା କନଷ୍ଟେବଲ ସୁରୁଜା ମୁଣ୍ଡାଙ୍କୁ ମଣିଜଙ୍ଗା ମେଡିକାଲରେ ଭର୍ତ୍ତି କରିଥିଲା । ଡାକ୍ତର ସେଠାରେ ତାଙ୍କୁ ମୃତ ଘୋଷଣା କରିଛନ୍ତି ।
ଘଟଣାସ୍ଥଳରେ ଚାପା ଉତ୍ତେଜନା ଲାଗି ରହିଥିବା ବେଳେ ତିର୍ତ୍ତୋଲ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି । ଧକ୍କା ଦେଇଥିବା ବସ୍ ଡ୍ରାଇଭର ବସ୍ ନେଇ ଫେରାର ହୋଇଯାଇଥିବା ବେଳେ ପୋଲିସ ବସ୍ର ପିଛା କରି ଜୟପୁର ନିକଟରୁ ଜବତ କରିଛି ।
You Can Read:
ପରମ୍ପରା ଆଗରେ ହାର ମାନିଲା ପ୍ରଶାସନ, ରକ୍ତ ରଞ୍ଜିତ ହେଲା ମାଣିକେଶ୍ବରୀ ପୀଠ
