ନୂଆଦିଲ୍ଲୀ ୩୧।୦୧; ବର୍ତ୍ତମାନ UPI ମାଧ୍ୟମରେ ପେମେଣ୍ଟ କରିବା ବହୁତ ସାଧାରଣ ହୋଇଗଲାଣି। ଇ-ରିକ୍ସା ଠାରୁ ଆରମ୍ଭ କରି ମେଟ୍ରୋ ଟ୍ରେନ ଏବଂ ପନିପରିବା ଦୋକାନ ପର୍ଯ୍ୟନ୍ତ ସବୁଠି ପେମେଣ୍ଟ ପାଇଁ ୟୁପିଆଇ ବ୍ୟବହାର କରାଯାଉଛି। ହେଲେ ଏବେ ୟୁପିଆଇ ପେମେଣ୍ଟ ସମ୍ପର୍କରେ ଏକ ବଡ ଖବର ଆସିଛି । ଯାହା ଆପଣଙ୍କ ପେମେଣ୍ଟ କରିବାକୁ ବାଧା ଦେଇପାରେ। ଯଦି ଆପଣ ମଧ୍ୟ ୟୁପିଆଇ ମାଧ୍ୟମରେ ପେମେଣ୍ଟ କରନ୍ତି। ତେବେ ଆପଣଙ୍କୁ ଜାଣିବା ଉଚିତ ଯେ NPCI ଫେବୃଆରୀ ୧ ରୁ କିଛି ଟ୍ରାଞ୍ଜାକ୍ସନକୁ ଅବରୋଧ କରିବାକୁ ଯାଉଛି।
ଭାରତୀୟ ଜାତୀୟ ପେମେଣ୍ଟ ନିଗମ ଏ ସମ୍ପର୍କରେ ଏକ ସର୍କୁଲାର ଜାରି କରି ସୂଚନା ଦେଇଛି ଯେ ଫେବୃଆରୀ ୧ ରୁ, ସ୍ୱତନ୍ତ୍ର ଅକ୍ଷର ବିଶିଷ୍ଟ ଆଇଡି ସହିତ ଟ୍ରାଞ୍ଜାକ୍ସନ ଗ୍ରହଣ କରାଯିବ ନାହିଁ। କେବଳ ଆଲଫାନ୍ୟୁମେରିକ୍ ଅକ୍ଷର ବ୍ୟବହାର କରି ସୃଷ୍ଟି ହୋଇଥିବା ୟୁଜର୍ ଆଇଡି ଟ୍ରାଞ୍ଜାକ୍ସନ ଗ୍ରହଣ କରାଯିବ। ଯେଉଁମାନେ ଏହାକୁ ଫଲୋ କରିବେ ନାହିଁ ସେମାନଙ୍କର ଆଇଡି ବ୍ଲକ୍ କରାଯିବ।
NPCIର ନିର୍ଦ୍ଦେଶାବଳୀ କ’ଣ?
NPCIର ଏହି ନିର୍ଦ୍ଦେଶନାମା ୧ ଫେବୃଆରୀ ୨୦୨୫ରୁ ପରିବର୍ତ୍ତନ ହେବାକୁ ଯାଉଛି। NPCI ୟୁପିଆଇ ଅପରେଟରମାନଙ୍କୁ ସ୍ପଷ୍ଟ କରିଛି ଯେ ସେମାନେ ୟୁପିଆଇ ଟ୍ରାଞ୍ଜାକ୍ସନ ID ପାଇଁ ଆଲଫାନ୍ୟୁମେରିକ୍ ଅକ୍ଷର ବ୍ୟବହାର କରିବା ଆରମ୍ଭ କରିବା ଉଚିତ। ନଚେତ୍ କେନ୍ଦ୍ରୀୟ ବ୍ୟବସ୍ଥା ସେହି ଆପ୍ ରୁ କୌଣସି ୟୁପିଆଇ ଟ୍ରାଞ୍ଜାକ୍ସନକୁ ଅନୁମତି ଦେବ ନାହିଁ। ଏହି ନିର୍ଦ୍ଦେଶ ପାଳନ କରିବା ପେମେଣ୍ଟ ଆପ୍ର ଦାୟିତ୍ୱ।
ବିଦେଶରେ ମଧ୍ୟ ୟୁପିଆଇ ଟ୍ରାଞ୍ଜାକ୍ସନ
ଖୁଚୁରା ପେମେଣ୍ଟ ଅପରେଟରମାନେ କାରବାର ପାଇଁ ୟୁପିଆଇ ଅପସନ୍ର ବ୍ୟବହାର ବୃଦ୍ଧି କରିବାକୁ ଲକ୍ଷ୍ୟ ରଖିଥିବା ସମୟରେ NPCI ଏହି ନିଷ୍ପତ୍ତି ନେଇଛି। ୨୦୧୬ରେ ବିମୁଦ୍ରାକରଣ ପରେ ଭାରତରେ ଡିଜିଟାଲ୍ ଟ୍ରାଞ୍ଜାକ୍ସନ ଦ୍ରୁତ ଗତିରେ ଚାଲିଛି। ଏହା ବ୍ୟତୀତ, ବିଦେଶରେ ମଧ୍ୟ ୟୁପିଆଇ ଟ୍ରାଞ୍ଜାକ୍ସନ ହେଉଛି।
NPCI ପୂର୍ବରୁ ମଧ୍ୟ ପରାମର୍ଶ ଦେଇଥିଲା
ଭାରତର ନ୍ୟାସନାଲ ପେମେଣ୍ଟସ୍ ଇଣ୍ଟରଫେସ୍ ପୂର୍ବରୁ ଲୋକଙ୍କୁ UPI ID ପାଇଁ ସ୍ୱତନ୍ତ୍ର ଅକ୍ଷର ବଦଳରେ ଆଲଫାନ୍ୟୁମେରିକ୍ ଅକ୍ଷର ବ୍ୟବହାର କରିବାକୁ ପରାମର୍ଶ ଦେଇଥିଲା। ଯାହା ପରେ ଅନେକ ଲୋକ ଏହାକୁ ବ୍ୟବହାର କରିବା ଆରମ୍ଭ କରିଥିଲେ। କିନ୍ତୁ ଏବେ ବି କିଛି ୟୁଜର୍ସ ଏହାକୁ ଫଲୋ କରୁନାହାଁନ୍ତି। ଏବେ NPCI ଏହାକୁ ଲାଗୁ କରିବା ପାଇଁ କଠୋର ପଦକ୍ଷେପ ନେବାକୁ ଯାଉଛି।
ସମସ୍ତ ବ୍ୟାଙ୍କକୁ ମଧ୍ୟ ନିର୍ଦ୍ଦେଶ ଦିଆଯାଇଥିଲା
ୟୁପିଆଇ ଆଇଡିରେ ସ୍ୱତନ୍ତ୍ର ଅକ୍ଷର ଯୋଡା ଯାଇଥିବା ସମସ୍ତ କାରବାରକୁ ଗ୍ରହଣ ନକରିବାକୁ କେନ୍ଦ୍ରୀୟ ବ୍ୟବସ୍ଥାକୁ କୁହାଯାଇଛି। ଏହା ବ୍ୟତୀତ, NPCI ସମସ୍ତ ବ୍ୟାଙ୍କକୁ ଏହାକୁ କଡ଼ାକଡ଼ି ପାଳନ କରିବାକୁ ପରାମର୍ଶ ଦେଇଛି।
