ମୁମ୍ଵାଇ ୩୦।୦୬; ଅମ୍ବାନି ପରିବାରରେ ପୁଣି ଥରେ ସେଲିବ୍ରେସନ୍ ଟାଇମ୍ । ନୀତା-ମୁକେଶ ଅମ୍ବାନିଙ୍କ ସାନ ପୁଅ ଅନନ୍ତ ଅମ୍ବାନି ନିଜ ଲେଡି ଲଭ୍ ରାଧିକା ମର୍ଚାଣ୍ଟଙ୍କୁ ବିବାହ କରିବାକୁ ଯାଉଛନ୍ତି । ଆସନ୍ତା ଜୁଲାଇ ୧୨-୧୪ ତାରିଖ ପର୍ଯ୍ୟନ୍ତ ମୁମ୍ବାଇର ଜିଓ ୱର୍ଲଡ୍ ସେଣ୍ଟର୍ରେ ଉଭୟଙ୍କ ବିବାହ ଉତ୍ସବ ଅନୁଷ୍ଠିତ ହେବ । ୧୨ ତାରିଖରେ ବିବାହ, ୧୩ରେ ଶୁଭ ଆଶୀର୍ବାଦ କାର୍ଯ୍ୟକ୍ରମ ଓ ୧୪ରେ ପ୍ରୀତିଭୋଜନ ହେବ । ଏଥିପାଇଁ ପ୍ରସ୍ତୁତି ଆରମ୍ଭ ହୋଇସାରିଛି । ଅମ୍ବାନି ପରିବାର ସଙ୍ଗୀତ ଉତ୍ସବ ଲାଗି ପ୍ରସ୍ତୁତି ଆରମ୍ଭ କରିଦେଇଛି ।
ନ୍ତ-ରାଧିକାଙ୍କ ସଙ୍ଗୀତ ପ୍ରଦର୍ଶନ ଲାଗି ୨ ଭିନ୍ନ ଭିନ୍ନ ବ୍ୟାଚ୍ ପ୍ରସ୍ତୁତ ହୋଇଛି । ଗୋଟିଏ ବ୍ୟାଚ୍ରେ ଅନନ୍ତଙ୍କ ବନ୍ଧୁ ଓ ଅନ୍ୟ ବ୍ୟାଚ୍ରେ ରାଧିକାଙ୍କ ବାନ୍ଧବୀ ରହିବେ । ସଙ୍ଗୀତ ଉତ୍ସବରେ ଉଭୟଙ୍କ ପ୍ରେମ କାହାଣୀ ପ୍ରଦର୍ଶିତ ହେବ । କେବେ, କେଉଁଠି ଓ କେମିତି ଦୁହିଁଙ୍କ ଭେଟ ହୋଇଥିଲା ଏବଂ ପ୍ରେମ କେମିତି ହେଲା, ସବୁକିଛି ସଙ୍ଗୀତ ଜରିଆରେ ପ୍ରଦର୍ଶିତ ହେବ ।
ସଙ୍ଗୀତରେ ବଲିଉଡ୍ ଗୀତ ସାଙ୍ଗକୁ ରାଧିକାଙ୍କ ପ୍ରିୟ ଗାୟିକା କେଟି ପେରୀ, ବ୍ରିଟନୀ ସ୍ପିୟର୍ସ ଓ ରିହାନାଙ୍କ ଗୀତ ଚୟନ କରାଯାଇଛି । ଏ ଅବସରରେ ବଲିଉଡ୍ ସେଲିବ୍ରିଟିଙ୍କ ପ୍ରଦର୍ଶନ ମଧ୍ୟ ଦେଖିବାକୁ ମିଳିବ । ଆସନ୍ତା ଜୁଲାଇ ୨ ତାରିଖରେ ପାଲଘର ସ୍ଥିତ ସ୍ୱାମୀ ବିବେକାନନ୍ଦ ବିଦ୍ୟାମନ୍ଦିରରେ ଅମ୍ବାନି ପରିବାର ଅବହେଳିତ ଯୋଡ଼ିଙ୍କ ସାମୂହିକ ବିବାହ ଆୟୋଜନ କରିବ । ଗତ କିଛି ଦିନରୁ ଅମ୍ବାନି ପରିବାର ଅନନ୍ତ-ରାଧିକାଙ୍କ ବିବାହ କାର୍ଡ ବାଣ୍ଟୁଛି ।