ନୂଆଦିଲ୍ଲୀ ୦୨।୦୭: ଆଉ ମାତ୍ର ୩ ବର୍ଷର ଅପେକ୍ଷା । ଶେଷ ହେବ ଦୁର୍ଭିକ୍ଷ । କେହି ବି ରହିବେନି ଭୋକିଲା । ମିଳିବ ପର୍ଯ୍ୟାପ୍ତ ଖାଦ୍ୟ । ୨୦୨୮ରେ ବିଶ୍ୱ ଶକ୍ତି ସଙ୍କଟର ହେବ ଅନ୍ତ । ନୂଆ ଶକ୍ତି ଉତ୍ସର ହେବ ଆବିଷ୍କାର । ଏମିତିକି ୯୦୦ ଦିନ ପରେ ଶୁକ୍ରରେ ଜୀବନ ଖୋଜିବ ମଣିଷ । ୨୦୨୮ ପାଇଁ ଏପରି କିଛି ଭବିଷ୍ୟବାଣୀ କରିଛନ୍ତି ବାବା ଭେଙ୍ଗା ।
ବାବା ଭାଙ୍ଗା ଭବିଷ୍ୟବାଣୀ ଅନୁଯାୟୀ, ୨୦୨୮ରେ ପୃଥିବୀରୁ କ୍ଷୁଧା ସମ୍ପୂର୍ଣ୍ଣ ଭାବରେ ଦୂର ହୋଇଯିବ । ଅର୍ଥାତ୍ ପ୍ରାୟ ୯୦୦ ଦିନ ମଧ୍ୟରେ ବିଶ୍ୱ ଏପରି ଏକ ସ୍ଥିତିରେ ପହଞ୍ଚିବ, ଯେଉଁଠାରେ କାହାକୁ ଭୋକିଲା ରହିବାକୁ ପଡ଼ିବନି । ଏହା ଆଶାର ଏକ ବଡ଼ କିରଣ ହେବ । ବିଶେଷକରି ସେହି ଦେଶମାନଙ୍କ ପାଇଁ ଯେଉଁଠାରେ ଦୁର୍ଭିକ୍ଷ ଏବେ ବି ଏକ ଗମ୍ଭୀର ସମସ୍ୟା ରହିଛି।
ବାବା ଭେଙ୍ଗା ଏହା ମଧ୍ୟ ଦାବି କରିଛନ୍ତି କି ୨୦୨୮ରେ ଏକ ନୂଆ ଶକ୍ତି ଉତ୍ସ ଆବିଷ୍କୃତ ହେବ। ଯାହା ବର୍ତ୍ତମାନର ବିଶ୍ୱ ଶକ୍ତି ସଙ୍କଟକୁ ଅନ୍ତ କରିବ। ବିଶେଷଜ୍ଞମାନେ ବିଶ୍ୱାସ କରନ୍ତି ଯେ ଏଥିରେ ପରମାଣୁ ସଂଲଗ୍ନ, ହାଇଡ୍ରୋଜେନ୍ ଶକ୍ତି କିମ୍ବା କ୍ୱାଣ୍ଟମ୍ ବ୍ୟାଟେରୀ ଭଳି ଟେକ୍ନିକ ସାମିଲ୍ ହୋଇପାରେ ।
୨୦୨୮ ପାଇଁ ବାବା ଭେଙ୍ଗାଙ୍କ ତୃତୀୟ ବଡ଼ ଭବିଷ୍ୟବାଣୀ ହେଉଛି ମାନବଜାତି ଶୁକ୍ରରେ ଜୀବନ ଖୋଜିବା ଆରମ୍ଭ କରିବ । ଅର୍ଥାତ୍ ମହାକାଶ ଗବେଷଣା ଏବଂ ଆନ୍ତଃଗ୍ରହ ମିଶନ ଏକ ନୂଆ ସ୍ତରରେ ପହଞ୍ଚିବ। ତେବେ ଏସବୁ କଥା ଏବେ କଳ୍ପନା ପରି ମନେ ହେଉଛି । କିନ୍ତୁ ବାବା ଭାଙ୍ଗାଙ୍କ ପୁରୁଣା ଭବିଷ୍ୟବାଣୀର ସଠିକତା ଦେଖି ଲୋକମାନେ ଏଥିରେ ବିଶ୍ୱାସ କରିବା ଆରମ୍ଭ କରିଛନ୍ତି।
ବୁଲଗେରିଆର ରହସ୍ୟମୟ ଭବିଷ୍ୟବକ୍ତା ବାବା ଭେଙ୍ଗା ପୂର୍ବରୁ ୯/୧୧ ଆକ୍ରମଣ, କରୋନା ମହାମାରୀ, ରାଜକୁମାରୀ ଡାଏନାଙ୍କ ମୃତ୍ୟୁ, ଆଉ ୨୦୦୪ ସୁନାମିକୁ ନେଇ କରିଥିଲେ ଭବିଷ୍ୟବାଣୀ । ଭବିଷ୍ୟତ ପାଇଁ ବାବା ଭେଙ୍ଗା ଭବିଷ୍ୟବାଣୀର ଲମ୍ବା ତାଲିକା କରିଛନ୍ତି ।
ସେ କହିଛନ୍ତି କି ୨୦୨୫ ୟୁରୋପ ବିଭାଜନ, ୨୦୩୩ରେ ସମୁଦ୍ର ପତ୍ତନ ବୃଦ୍ଧି, ୨୦୪୩ରେ ୟୁରୋପରେ ଇସଲାମିକ ଶାସନ, ୨୦୪୬ରେ କୃତ୍ରିମ ଶରୀର ଅଙ୍ଗ ସୃଷ୍ଟି ଏବଂ ୨୦୬୬ରେ ଆମେରିକା ପରିବେଶ ନଷ୍ଟକାରୀ ଅସ୍ତ୍ର ତିଆରି କରିବ ବୋଲି କରିଛନ୍ତି ଭବିଷ୍ୟବାଣୀ । ତେବେ ଏସବୁ କଥାର କୌଣସି ବୈଜ୍ଞାନିକ ପ୍ରମାଣ ନାହିଁ, କିନ୍ତୁ ବାବା ଭାଙ୍ଗାଙ୍କ ପୂର୍ବ ଭବିଷ୍ୟବାଣୀଗୁଡ଼ିକ ମଧ୍ୟରୁ ଅନେକ ସତ୍ୟ ପ୍ରମାଣିତ ହୋଇଛି, ଯାହା ଫଳରେ ଆଜି ମଧ୍ୟ ଲୋକମାନେ ତାଙ୍କ କଥାକୁ ଗମ୍ଭୀରତାର ସହ ନିଅନ୍ତି।
