ମୁମ୍ବାଇ ୧୬।୦୭: ଲିଉଡ୍ର ବାର୍ବିଡଲ୍ ଭାବେ ବେଶ୍ ପରିଚିତ କ୍ୟାଟ୍ରିନା କୈଫ୍ । ସେ ତାଙ୍କ ସୁନ୍ଦରତା, ପରଫେକ୍ଟ ଫିଗର, ଅଭିନୟ ଓ ଚୁଲବୁଲି କଥା ଖୁବ୍ ଲୋକପ୍ରିୟ। କ୍ୟାଟ୍ରିନା ୧୬ ଜୁଲାଇ ୧୯୮୩ରେ ହଂକଂରେ ଜନ୍ମଗ୍ରହଣ କରିଥିଲେ। ମୂଳତଃ ବ୍ରିଟିଶ ମଡେଲ ଏବଂ ଅଭିନେତ୍ରୀ 'ବୁମ୍' ଚଳଚ୍ଚିତ୍ର ସହିତ ହିନ୍ଦୀ ଇଣ୍ଡଷ୍ଟ୍ରିରେ ଡେବ୍ୟୁ କରିଥିଲେ । କ୍ୟାଟ୍ରିନାଙ୍କ ଡିମାଣ୍ଡ ଏତେ ବଢି ଯାଇଥିଲା କି ତାଙ୍କ ପ୍ରଶଂସକଙ୍କ ସହ ବଲିଉଡର ପ୍ରତ୍ୟେକ ପ୍ରସିଦ୍ଧ ନିର୍ଦ୍ଦେଶକ ତାଙ୍କ ସହ କାମ କରିବାକୁ ଚାହାନ୍ତି। ବଲିଉଡର ସର୍ବୋଚ୍ଚ ଅଭିନେତ୍ରୀରେ ସ୍ଥାନ ପାଇଥିବା କ୍ୟାଟ୍ରିନାଙ୍କ ନାଁ ସଲମାନ ଏବଂ ରଣବୀର କପୁରଙ୍କ ଯୋଡି ହୋଇ ରହିଛି। କିନ୍ତୁ କ୍ୟାଟ୍ରିନା ଅଭିନେତା ବିକି କୌଶଲଙ୍କୁ ତାଙ୍କ ଜୀବନ ସାଥୀ ଭାବେ ବାଛି ଖୁସି ଜୀବନ ବିତାଉଛନ୍ତି। ହେଲେ କ୍ୟାଟ୍ରିନା ଆଜି ବିକିଙ୍କ ସହ ମାଲଦ୍ୱୀପରେ ୩୯ ତମ ଜନ୍ମଦିନ ପାଳନ କରୁଛନ୍ତି।
ଯେତେବେଳେ ବଲିଉଡ୍ର ବାର୍ବୀ ଡଲ୍ ପରି ଫିଲ୍ମ ଇଣ୍ଡଷ୍ଟ୍ରିରେ ପାଦ ଦେଇଥିଲେ। ବଲିଉଡର ସଫଳ ଅଭିନେତ୍ରୀ କ୍ୟାଟ୍ରିନା ନିଜର ଚିହ୍ନ ସୃଷ୍ଟି କରିବା ପାଇଁ କଠିନ ପରିଶ୍ରମ କରିଛନ୍ତି। ସାତ ଭାଇଭଉଣୀଙ୍କୁ ନେଇ ଏକ ପରିବାର ଭିତରେ କ୍ୟାଟ୍ରିନା ତାଙ୍କ ମା’ଙ୍କର ଅତି ନିକଟତର। କ୍ୟାଟ୍ରିନା ୧୪ବର୍ଷ ବୟସରେ ପ୍ରଥମ ଥର ପାଇଁ ମଡେଲିଂ କରିଥିଲେ। ମଡେଲିଂ ଦୁନିଆରେ ଧମାଲ ସୃଷ୍ଟି କରିବା ପରେ ଯେତେବେଳେ ସେ ଚଳଚ୍ଚିତ୍ରରେ କାମ କରିବା ଆରମ୍ଭ କଲେ, ତାଙ୍କର ସୌନ୍ଦର୍ଯ୍ୟରେ ହିଁ ନୁହେଁ ତାଙ୍କ ଦକ୍ଷ ଅଭିନୟ ଦ୍ୱାରା ଦର୍ଶକଙ୍କୁ ମଧ୍ୟ ଆକର୍ଷିତ କରିଥିଲେ ।
ସେତେବେଳେ ତାଙ୍କୁ ହିନ୍ଦୀ କହିବାରେ ତାଙ୍କୁ ବହୁତ ଅସୁବିଧା ହୋଇଥିଲା। କିନ୍ତୁ ବଲିଉଡରେ ଦୀର୍ଘ ସମୟ ବିତାଇଥିବା ପରେ କ୍ୟାଟ୍ରିନା ଆଜି ସବୁଠାରୁ ସର୍ବାଧିକ ପାରିଶ୍ରମିକ ପ୍ରାପ୍ତ ଅଭିନେତ୍ରୀ ଅଟନ୍ତି। ଗଣମାଧ୍ୟମର ରିପୋର୍ଟ ଅନୁଯାୟୀ, କ୍ୟାଟ୍ରିନା ଏକ ଚଳଚ୍ଚିତ୍ର ପାଇଁ ୧୦-୧୫ କୋଟି ଟଙ୍କା ଆଦାୟ କରନ୍ତି। ୨୦୨୧ର ରିପୋର୍ଟ ଅନୁଯାୟୀ, କ୍ୟାଟ୍ରିନା ପ୍ରାୟ ୨୨୪ କୋଟି ସମ୍ପତ୍ତିର ମାଲିକ ଅଟନ୍ତି। ଚଳଚ୍ଚିତ୍ର ବ୍ୟତୀତ ଅନେକ ବ୍ରାଣ୍ଡ ମଧ୍ୟ ଏଣ୍ଡୋର୍ସମେଣ୍ଟରୁ ମଧ୍ୟ ରୋଜଗାର କରନ୍ତି ।
କ୍ୟାଟ୍ରିନାଙ୍କ ପ୍ରଥମ ଫିଲ୍ମ 'ବୁମ୍' ଫ୍ଲପ୍ ହୋଇଥିଲା । କିନ୍ତୁ ପରେ ରାମ ଗୋପାଳ ବର୍ମାଙ୍କ ଫିଲ୍ମ'ସାର୍କ'ରେ ଏକ ଛୋଟ ଭୂମିକା ଗ୍ରହଣ କରିଥିଲେ। ଏହି ଭୂମିକାରେ କ୍ୟାଟ୍ରିନାଙ୍କୁ ଦର୍ଶକ ବହୁତ ପସନ୍ଦ କରିଥିଲେ। ତା’ପରେ ସଲମାନଙ୍କ ସହ 'ମେନେ ପ୍ୟାର୍ କ୍ୟୁଁ କିୟା'ରେ କାମ କରିଥିଲେ। ଏଥିରେ ସଫଳତା ପାଇବା ପରେ କ୍ୟାଟ୍ରିନା ବଲିଉଡର ଜଣେ ଆଗଧାଡିର ଲୋକପ୍ରିୟ ଅଭିନେତ୍ରୀ ହୋଇଥିଲେ। ଏହା ବ୍ୟତୀତ କ୍ୟାଟ୍ରିନାଙ୍କ 'ଶୀଲା କି ଜବାନୀ' ଏବଂ 'ଚିକନି ଚମେଲି' ଭଳି ଆଇଟମ୍ ଗୀତ ଗୁଡ଼ିକରେ ଲୋକପ୍ରିୟତା ଆହୁରି ବଢି ଯାଇଥିଲା। ଏହି ଗୀତ ଗୁଡ଼ିକରେ କ୍ୟାଟ୍ରିନା ପରଦାରେ ନିଜେ ନାଚିବା ସହ ଦର୍ଶକଙ୍କୁ ମଧ୍ୟ ନଚାଇଥିଲେ ।
