ନୂଆଦିଲ୍ଲୀ: ବିଜେପି ମଧ୍ୟ ପ୍ରଦେଶ ଏବଂ ଛତିଶଗଡ଼ ବିଧାନସଭା ନିର୍ବାଚନ ପାଇଁ ନିଜର ପ୍ରସ୍ତୁତିକୁ ଜୋରଦାର କରିଛି । ଏହାସହ ଗୁରୁବାର ଦଳୀୟ ପ୍ରାର୍ଥୀଙ୍କ ପ୍ରଥମ ସୂଚୀ ଜାରି କରିଛି । ଏହି ସୂଚୀରେ ମଧ୍ୟ ପ୍ରଦେଶ ପାଇଁ ୩୯ ଜଣ ପ୍ରାର୍ଥୀଙ୍କ ନାଁ ଘୋଷଣା କରାଯାଇଛି । ଅନ୍ୟପଟେ ଛତିଶଗଡ଼ ପାଇଁ ୨୧ ଜଣ ପ୍ରାର୍ଥୀଙ୍କ ନାଁ ଘୋଷଣା କରାଯାଇଛି । ମଧ୍ୟ ପ୍ରଦେଶ ପାଇଁ ଯେଉଁ ୩୯ ଜଣ ପ୍ରାର୍ଥୀଙ୍କ ନାଁ ଘୋଷଣା କରାଯାଇଛି, ସେଥିରେ ୩ ଜଣ ମହିଳା ପ୍ରାର୍ଥୀ ରହିଛନ୍ତି । ପ୍ରଥମ ସୂଚୀରେ ମଧ୍ୟ ପ୍ରଦେଶ ମୁଖ୍ୟମନ୍ତ୍ରୀ ଶିବରାଜ ସିଂ ଚୌହାନଙ୍କ ନାମ ନାହିଁ ।

ପଢନ୍ତୁ: ସଂସଦୀୟ ପ୍ରତିରକ୍ଷା ସ୍ଥାୟୀ କମିଟିକୁ ମନୋନୀତ ହେଲେ ରାହୁଲ ଗାନ୍ଧୀ

ସନତା ଜିଲ୍ଲାର ଚିତ୍ରକୂଟ ଆସନରୁ ସୁରେନ୍ଦ୍ର ସିଂ ଗହରୱାରାଙ୍କ ନାଁ ଘୋଷଣା କରାଯାଇଛି । ଏହାସହ ଛତର ଆସନରୁ ଲଲିତା ଯାଦବଙ୍କୁ ବିଜେପି ପ୍ରାର୍ଥୀ କହିଛି । ସୁମାବଲୀରୁ ଅଦଲ ସିଂ କଂସାନାକୁ ପିଛୋରରୁ ପ୍ରୀତମ ସିଂ ଲୋଧୀଙ୍କୁ ସୁଯୋଗ ଦିଆଯାଇଛି । ପ୍ରୀତମ ସିଂ ଲୋଧୀ ବରିଷ୍ଠ ନେତ୍ରୀ ଉମା ଭାରତୀଙ୍କ ଘନିଷ୍ଠ ବୋଲି କୁହାଯାଉଛି । ଗୋହଦ ସଂରକ୍ଷିତ ଆସନରୁ ଲାଲ ସିଂ ଆର୍ଯ୍ୟ, ଚାଚୋଡାରୁ ପ୍ରିୟଙ୍କା ମୀଣାଙ୍କୁ ବିଜେପି ପ୍ରାର୍ଥୀ କରିଛି ।

wp:html

भारतीय जनता पार्टी केन्द्रीय चुनाव समिति की बैठक भाजपा राष्ट्रीय अध्यक्ष श्री @JPNadda की अध्यक्षता में कल दिनांक 16.08.2023 को संपन्न हुई।

केन्द्रीय चुनाव समिति ने छत्तीसगढ़ एवं मध्य प्रदेश में होने वाले आगामी विधानसभा चुनाव 2023 के लिए निम्नलिखित नामों पर अपनी स्वीकृति प्रदान… pic.twitter.com/SxDPiWW44d

— BJP (@BJP4India) August 17, 2023

/wp:html

ଅନ୍ୟପଟେ ଛତିଶଗଡ଼ ପାଇଁ ଘୋଷିତ ୨୧ ପ୍ରାର୍ଥୀଙ୍କ ମଧ୍ୟରେ ୫ ଜଣ ମହିଳା ରହିଛନ୍ତି । ଏଠାରେ ଆଦିବାସୀ ସଂରକ୍ଷିତ ଆସନ ବସ୍ତରରୁ ମଣୀରାମ କଶ୍ୟପଙ୍କୁ ବିଜେପି ଟିକେଟ୍ ଦେଇଛି । ସଂରକ୍ଷିତ ଆସନ ମୋହଲା ମାନପୁରରୁ ସଞ୍ଜୀବ ସାହାଙ୍କୁ ଟିକେଟ୍ ମିଳିଛି । ଛତିଶଗଡରେ ମଧ୍ୟ ପୂର୍ବତନ ମୁଖ୍ୟମନ୍ତ୍ରୀ ରମନ ସିଂଙ୍କ ନାଁ ଘୋଷଣା ହୋଇନାହିଁ ।

wp:html

भाजपा केंद्रीय चुनाव समिति ने छत्तीसगढ़ में होने वाले आगामी विधानसभा चुनाव 2023 के लिए निम्नलिखित नामों पर अपनी स्वीकृति प्रदान की है। pic.twitter.com/onH3ZlZu4m

— BJP Chhattisgarh (@BJP4CGState) August 17, 2023

/wp:html

ଉଲ୍ଲେଖଯୋଗ୍ୟ ଯେ ବୁଧବାର ମଧ୍ୟ ପ୍ରଦେଶ ଏବଂ ଛତିଶଗଡ଼ ପାଇଁ ବିଜେପି ନିର୍ବାଚନ କମିଟିର ବୈଠକ ଡାକିଥିଲା । ଏଥିରେ ରାଜ୍ୟ ପ୍ରଭାରୀ, ଗୃହମନ୍ତ୍ରୀ ଅମିତ ଶାହ, ବିଜେପି ଅଧ୍ୟକ୍ଷ ଜେପି ନଡ୍ଡା, ସଂଗଠନ ମହାମନ୍ତ୍ରୀ ବିଏଲ ସନ୍ତୋଷ ମଧ୍ୟ ଉପସ୍ଥିତ ରହିଥିଲେ । ପିଏମ୍ ମୋଦୀଙ୍କ ଅଧ୍ୟକ୍ଷତାରେ ହୋଇଥିବା ଏହି ବୈଠକରେ ପ୍ରାର୍ଥୀଙ୍କ ନାଁ ଉପରେ ବିଚାର ହୋଇଥିଲା । ଏଥିରେ ପ୍ରାର୍ଥୀ ନାଁ ଚୟନ ଶୀଘ୍ର ସାରିବା ଉପରେ ନିଷ୍ପତ୍ତି ହୋଇଥିଲା । ଫଳରେ ପ୍ରଚାର ଏବଂ ନିଜ ଶକ୍ତି ପ୍ରଦର୍ଶନ ପାଇଁ ପର୍ଯ୍ୟାପ୍ତ ସମୟ ମିଳିପାରିବ । ଉଲ୍ଲେଖଯୋଗ୍ୟ ଯେ ଅଧିକାଂଶ ସମୟରେ ଦଳରେ ବିଦ୍ରୋହରୁ ବଞ୍ଚିବା ପାଇଁ ବିଜେପି ଶେଷ ମୁହୂର୍ତ୍ତରେ ପ୍ରାର୍ଥୀଙ୍କ ନାଁ ଘୋଷଣା କରିଥାଏ । କିନ୍ତୁ ବିଜେପି ଏଥର ନିଜର ରଣନୀତିକୁ ବଦଳାଇଛି ।

Also Read: ଦିଲ୍ଲୀରେ ଲୋକସଭା ନିର୍ବାଚନ ନିମନ୍ତେ ପ୍ରସ୍ତୁତି ଆରମ୍ଭ କଲା କଂଗ୍ରେସ୍, ମେଣ୍ଟ ନିଷ୍ପତ୍ତି କରିବେ ହାଇକମାଣ୍ଡ