ନୂଆଦିଲ୍ଲୀ ୧୫/୦୧: ଶେଷରେ କ୍ଷମା ମାଗିଲା ମେଟା । ଭାରତ ଉପରେ ମାର୍କ ଜୁକରବର୍ଗଙ୍କ ମନ୍ତବ୍ୟ ପାଇଁ କ୍ଷମା ପ୍ରାର୍ଥନା କରଯାଇଛି । ଏହି ସୂଚନା ସୋସିଆଲ ମିଡିଆ ପ୍ଲାଟଫର୍ମ Xରେ ଆଇଟି ଏବଂ ଯୋଗାଯୋଗ ବ୍ୟାପାର ସଂସଦୀୟ କମିଟିର ଅଧ୍ୟକ୍ଷ ନିଶିକାନ୍ତ ଦୁବେ ଦେଇଛନ୍ତି।

ମଙ୍ଗଳବାର ଦିନ କହିଥିଲେ ଯେ ମାର୍କ ଜୁକରବର୍ଗଙ୍କ ମନ୍ତବ୍ୟ ଉପରେ ଏକ ସଂସଦୀୟ କମିଟି ମେଟାକୁ ସମନ କରିବ ।

ନିଶିକାନ୍ତ ଦୁବେ X ରେ ପୋଷ୍ଟ କରି ଲେଖିଛନ୍ତି, 'ଭାରତୀୟ ସଂସଦ ଏବଂ ସରକାରଙ୍କ ଉପରେ ୧୪୦ କୋଟି ଲୋକଙ୍କ ଆଶୀର୍ବାଦ ଏବଂ ସାର୍ବଜନୀନ ବିଶ୍ୱାସ ରହିଛି ।' ମେଟା ଭାରତୀୟ ଅଧିକାରୀ ଶେଷରେ ତାଙ୍କ ଭୁଲ ପାଇଁ କ୍ଷମା ମାଗିଛନ୍ତି ।

କ୍ଷମା ମାଗିଛି ମେଟା: 

ସେ ଲେଖିଛନ୍ତି, 'ଏହି ବିଜୟ ଭାରତର ସାଧାରଣ ନାଗରିକଙ୍କର । ପ୍ରଧାନମନ୍ତ୍ରୀ ମୋଦିଙ୍କୁ ତୃତୀୟ ଥର ପାଇଁ ପ୍ରଧାନମନ୍ତ୍ରୀ କରି, ଲୋକମାନେ ବିଶ୍ୱକୁ ଦେଶର ସବୁଠାରୁ ଶକ୍ତିଶାଳୀ ନେତୃତ୍ୱ ସହିତ ପରିଚିତ କରାଇଛନ୍ତି ।' ଏବେ ଏହି ପ୍ରସଙ୍ଗରେ ଆମ କମିଟିର ଦାୟିତ୍ୱ ଶେଷ ହେଉଛି । ଆମେ ଭବିଷ୍ୟତରେ ଏହି ସାମାଜିକ ମଞ୍ଚଗୁଡ଼ିକୁ ଅନ୍ୟ ପ୍ରସଙ୍ଗରେ ଡାକିବୁ, କ୍ଷମା ସେହି ସାପକୁ ସୁହାଏ ଯାହା ପାଖରେ ବିଷ ଥାଏ ।

ଘଟଣା କ’ଣ?

ପ୍ରକୃତରେ, କହିବାକୁ ଗଲେ ଫେସବୁକ୍ ପ୍ରତିଷ୍ଠାତା ଏବଂ ମେଟା ସିଇଓ ମାର୍କ ଜୁକରବର୍ଗ ଜୋ ରୋଗାନଙ୍କ ପୋଡକାଷ୍ଟରେ ଭାରତ ବିଷୟରେ କିଛି ଭୁଲ ସୂଚନା ଦେଇଥିଲେ। ସେ କହିଥିଲେ ଯେ ଭାରତ ସମେତ ବିଶ୍ୱର ଅନେକ ସରକାର କୋଭିଡ-୧୯ ପରେ ହୋଇଥିବା ନିର୍ବାଚନରେ ହାରିଯାଇଛନ୍ତି । ମାର୍କ କହିଥିଲେ ଯେ ସରକାରଙ୍କ ପରାଜୟ ଦର୍ଶାଉଛି ଯେ କୋଭିଡ୍ ମହାମାରୀ ପରେ ଲୋକଙ୍କ ବିଶ୍ୱାସ ହ୍ରାସ ପାଇଛି।

As the world’s largest democracy, India conducted the 2024 elections with over 640 million voters. People of India reaffirmed their trust in NDA led by PM @narendramodi Ji’s leadership.

Mr. Zuckerberg’s claim that most incumbent governments, including India in 2024 elections,…

— Ashwini Vaishnaw (@AshwiniVaishnaw) January 13, 2025

ମାର୍କ ଜୁକରବର୍ଗଙ୍କ ଏହି ଦାବି ଥିଲା ଭୁଲ। ୨୦୨୪ ମସିହାରେ ଭାରତରେ ହୋଇଥିବା ନିର୍ବାଚନରେ NDA ପୁଣିଥରେ ବିଜୟୀ ହୋଇଛି। ମାର୍କଙ୍କ ଏହି ବକ୍ତବ୍ୟ ପରେ, ଅନେକ ମନ୍ତ୍ରୀ ତାଙ୍କୁ ସମାଲୋଚନା କରିଥିଲେ। ଆଇଟି ଏବଂ ଯୋଗାଯୋଗ ମନ୍ତ୍ରୀ ଅଶ୍ୱିନୀ ବୈଷ୍ଣବ ମଧ୍ୟ ସୋସିଆଲ ମିଡିଆରେ ତାଙ୍କୁ ଜବାବ ଦେଇଥିଲେ। ସେ ଲେଖିଛନ୍ତି ଯେ ବିଶ୍ୱର ସର୍ବବୃହତ ଗଣତନ୍ତ୍ର ଭାରତରେ ୨୦୨୪ ନିର୍ବାଚନରେ ୬୪ କୋଟି ଲୋକ ଅଂଶଗ୍ରହଣ କରିଥିଲେ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ନେତୃତ୍ୱରେ କାମ କରୁଥିବା ଏନଡିଏ ସରକାରଙ୍କ ଉପରେ ଭାରତର ଲୋକମାନେ ଆସ୍ଥା ପ୍ରକଟ କରିଥିଲେ ।

ସେ ଲେଖିଥିଲେ, 'ମାର୍କ ଜୁକରବର୍ଗଙ୍କ ଦାବି ଯେ ଭାରତ ସମେତ ବିଶ୍ୱର ଅଧିକାଂଶ କ୍ଷମତାସୀନ ସରକାର କୋଭିଡ୍ ପରେ ହୋଇଥିବା ନିର୍ବାଚନରେ ହାରିଯାଇଛନ୍ତି, ତାହା ଭୁଲ।' ଅଶ୍ୱିନୀ ବୈଷ୍ଣବ ତାଙ୍କ ପୋଷ୍ଟରେ Meta on X ଟ୍ୟାଗ୍ କରିଛନ୍ତି। ସେ ମାର୍କ ଜୁକରବର୍ଗଙ୍କ ଭୁଲ ସୂଚନା ଦେବା ଘଟଣାକୁ ଅତ୍ୟନ୍ତ ଦୁର୍ଭାଗ୍ୟଜନକ ବୋଲି ବର୍ଣ୍ଣନା କରିଛନ୍ତି।