ନୂଆଦିଲ୍ଲୀ ୧୫/୦୧: ଜଳଭାଗରେ ବିଶ୍ୱ ପୁଣି ଦେଖିବ ଭାରତର ଶକ୍ତି । ଭାରତର ଶକ୍ତି ଦେଖି, ଶତ୍ରୁ ଛାତିରେ ଛନକା । ଆଜି ୩ ବିଧ୍ୱଂସକ ଯୁଦ୍ଧପୋତକୁ ରାଷ୍ଟ୍ର ଉଦ୍ଦେଶ୍ୟରେ ଲୋକାର୍ପିତ କରିଛନ୍ତି ପ୍ରଧାନମନ୍ତ୍ରୀ ମୋଦୀ । ଆତ୍ମନିଭର୍ର ଭାରତର ବଢିବ ବଳ, ନୌସେନା ହେବ ସୁଦୃଢ । ୩ ଯୁଦ୍ଧ ଜାହାଜ ଲୋକାର୍ପଣ କରିଛନ୍ତି ମୋଦୀ ।
ମୁମ୍ବାଇର ଭାରତୀୟ ନୌସେନା ଡକୟାର୍ଡରେ ତିନୋଟି ନୌସେନା ଯୁଦ୍ଧଜାହାଜ -INS ସୁରତ, INS ନୀଳଗିରି ଏବଂ INS ଭାଗଶୀରକୁ ରାଷ୍ଟ୍ର ଉଦ୍ଦେଶ୍ୟରେ ଉତ୍ସର୍ଗ କରିଥିଲେ। ପ୍ରଧାନମନ୍ତ୍ରୀ ମୋଦୀ କହିଛନ୍ତି, "ନୌସେନାର ଏକ ଗୌରବମୟ ଇତିହାସ ରହିଛି । ଏହି ତିନୋଟି ଯୁଦ୍ଧଜାହାଜ ଭାରତରେ ନିର୍ମିତ, ଯାହା ସୁରକ୍ଷାକୁ ନୂତନ ଶକ୍ତି ଦେବ। ଏହା ସମଗ୍ର ଅଞ୍ଚଳକୁ ଆତଙ୍କବାଦ ଏବଂ ଡ୍ରଗ୍ସ ଚୋରାଚାଲାଣରୁ ରକ୍ଷା କରିବ।" ପ୍ରଧାନମନ୍ତ୍ରୀ କହିଥିଲେ, "ନୌସେନାକୁ ନୂତନ ଶକ୍ତି ମିଳିଛି।
ଆମେ ନୌସେନାକୁ ସୁଦୃଢ଼ କରିବା ପାଇଁ ପଦକ୍ଷେପ ନେଉଛୁ। ଆଜି ଭାରତର ସାମୁଦ୍ରିକ ଐତିହ୍ୟ, ନୌସେନାର ଗୌରବମୟ ଇତିହାସ ଏବଂ ଆତ୍ମନିର୍ଭରଶୀଳ ଭାରତ ଅଭିଯାନ ପାଇଁ ଏକ ବଡ଼ ଦିନ। ଛତ୍ରପତି ଶିବାଜୀ ମହାରାଜ ଶତ୍ରୁ ବିରୁଦ୍ଧରେ ଯୁଦ୍ଧ ଲଢ଼ିବା ପାଇଁ ଶକ୍ତି ପ୍ରଦାନ କଲେ। ସେ ନୂତନ ଶକ୍ତି ଏବଂ ଦୃଷ୍ଟିକୋଣ ପ୍ରଦାନ କଲେ।
ଆଜି, ତାଙ୍କ ପବିତ୍ର ଭୂମିରେ, ଆମେ ୨୧ ଶତାବ୍ଦୀର ନୌସେନାକୁ ସୁଦୃଢ଼ କରିବା ପାଇଁ ଏକ ବଡ଼ ପଦକ୍ଷେପ ନେଇଛୁ । ପ୍ରଧାନମନ୍ତ୍ରୀ ମୋଦୀ କହିଛନ୍ତି, "ଆଜି ଭାରତ ସାରା ବିଶ୍ୱରେ ଏବଂ ବିଶେଷକରି ଗ୍ଲୋବାଲ୍ ସାଉଥ୍ରେ ଏକ ନିର୍ଭରଯୋଗ୍ୟ ଏବଂ ଦାୟିତ୍ୱବାନ ଅଂଶୀଦାର ଭାବରେ ସ୍ୱୀକୃତି ପାଉଛି।
