ନୂଆଦିଲ୍ଲୀ: ବିଜେପି ବୁଧବାର ହରିୟାଣା ବିଧାନସଭା ନିର୍ବାଚନ ପାଇଁ ପ୍ରାର୍ଥୀଙ୍କ ପ୍ରଥମ ଲିଷ୍ଟ ଜାରି କରିଛି । ପ୍ରଥମ ପର୍ଯ୍ୟାରେ ୬୭ ପ୍ରାର୍ଥୀଙ୍କ ନାଁ ଘୋଷଣା କରାଯାଇଛି । ରାଜ୍ୟର ମୁଖ୍ୟମନ୍ତ୍ରୀ ନାୟବ ସିଂହ ସୈନୀଙ୍କୁ ଲାଡୱାରୁ ପ୍ରାର୍ଥୀ କରାଯାଇଛି । ସେହିପରି ବରିଷ୍ଠ ନେତା ଅନିଲ ବିଜ୍ଙ୍କୁ ଅମ୍ୱାଲା ଆସନରୁ ଏବଂ ଅରବିନ୍ଦ ଶର୍ମାଙ୍କୁ ଗୁହାନା ଆସନରୁ ଟିକଟ ଦିଆଯାଇଛି । ପାର୍ଟି ବିଭିନ୍ନ ବିଧାନସଭା କ୍ଷେତ୍ରରୁ ଦଳର ପ୍ରମୁଖ ନେତାଙ୍କୁ ନିର୍ବାଚନୀ ମୈଦାନକୁ ଓହ୍ଲାଇବା ପାଇଁ ନିଷ୍ପତ୍ତି ନେଇଛି ।
ବିଜେପିର ପ୍ରଥମ ପର୍ଯ୍ୟାୟ ପ୍ରାର୍ଥୀ ତାଲିକାରେ ଜେଜେପିର ତିନି ଜଣ ପୂର୍ବତନ ବିଧାୟକଙ୍କୁ ମଧ୍ୟ ଟିକଟ ଦିଆଯାଇଛି । ଦେବେନ୍ଦ୍ର ବବଲିଙ୍କୁ ଟୋହାନା, ରାମକୁମାର ଗୌତମଙ୍କୁ ସଫିଦୋ ଏବଂ ଉକଲାନାଙ୍କୁ ଅନୂପ ଘାନକୁଙ୍କୁ ଟିକଟ ଦିଆଯାଇଛି ।
BJP releases its first list of 67 candidates for the upcoming Haryana Assembly elections.
— ANI (@ANI) September 4, 2024
CM Nayab Singh Saini to contest from Ladwa, Gian Chand Gupta from Panchkula, Anil Vij from Ambala Cantt., Kanwar Pal Gurjar from Jagadhri, Sunita Duggal from Ratia, Bhavya Bishnoi from… pic.twitter.com/iBvdwdabLX
ଉଲ୍ଲେଖଯୋଗ୍ୟ ଯେ ହରିୟାଣା ବିଧାନସଭାର ୯୦ ଆସନ ପାଇଁ ଗୋଟିଏ ପର୍ଯ୍ୟାୟରେ ମତଦାନ ହେବ । ଅକ୍ଟୋବର ୫ରେ ଭୋଟିଂ ଏବଂ ଅକ୍ଟୋବର ୮ରେ ରେଜଲ୍ଟ ଘୋଷଣା କରାଯିବ । ପ୍ରଥମେ ଅକ୍ଟୋବର ୧ରେ ମତଦାନ ହେବାର ଥିଲା କିନ୍ତୁ ପାର୍ବଣ ଏବଂ ଛୁଟି ଯୋଗୁଁ ନିର୍ବାଚନ ତାରିଖରେ ପରିବର୍ତ୍ତନ କରିଥିଲେ ନିର୍ବାଚନ ଆୟୋଗ ।
ହରିୟାଣା ବିଧାନସଭାର କାର୍ଯ୍ୟକାଳ ୨୦୨୪ ନଭେମ୍ୱର ୩ରେ ଶେଷ ହେବ । ଗତ ବିଧାନସଭା ନିର୍ବାଚନ୨୦୧୯ ଅକ୍ଟୋବରରେ ହୋଇଥିଲା । ହରିୟାଣାରେ ୨୦୧୯ ବିଧାନସଭା ନିର୍ବାଚନରେ ବିଜେପିକୁ ୩୬.୭ ପ୍ରତିଶତ ଭୋଟ ମିଳିଥିଲା । ସେତେବେଳେ ବିଜେପି ୪୦ ଆସନ ଜିତି ସବୁଠୁ ବଡ଼ ପାର୍ଟି ହୋଇଥିଲା । ବିଜେପିକୁ ବହୁମତ ମିଳି ନଥିଲା । କଂଗ୍ରେସକୁ ଗତ ନିର୍ବାଚନରେ ୨୮.୨ ପ୍ରତିଶତ ଭୋଟ ମିଳିଥିଲା ଏବଂ ଦଳ ୩୧ ଆସନ ଜିତିବାରେ ସଫଳ ହୋଇଥିଲା । ଦୁଷ୍ୟନ୍ତ ଚୌଟାଲାଙ୍କ ଜେଜେପିକୁ ୧୦ ଆସନ ମିଳିଥିଲା । ବିଜେପି ଏବଂ ଜେଜେପି କିଛି ସ୍ୱାଧୀନ ବିଧାୟକଙ୍କ ସହ ମିଶି ସରକାର ଗଠନ କରିଥିଲେ । କିନ୍ତୁ ଜେଜେପି ଏବେ ବିଜେପିର ମେଣ୍ଟ ସରକାରରେ ସହଯୋଗୀ ନାହିଁ । ୨୦୧୪ ମସିହାରେ ପ୍ରଥମ ଥର ପାଇଁ ବିଜେପି ରାଜ୍ୟରେ ସରକାର ଗଢିବାରେ ସଫଳ ହୋଇଥିଲା । ବିଜେପି ୪୭ ଆସନ ଜିତି ପୂର୍ଣ୍ଣ ବହୁମତ ସହ ସରକାର କରିଥିଲା ।
