ଆଠଗଡ଼ ୮।୧: ନରସିଂହପୁରରେ ଦନ୍ତା ହାତୀର ମୃତ୍ୟୁ । ଆଠଗଡ଼ ବନଖଣ୍ଡ ନରସିଂହପୁର ପଶ୍ଚିମାଞ୍ଚଳ ରେଞ୍ଜ ବରସିଂହା ସେକ୍ସନ ମିଟିକାପୁର ବିଟ୍ ପୁରୁଣାପାଣି ଖେସେରା ସଂରକ୍ଷିତ ଜଙ୍ଗଲରେ ଦନ୍ତା ହାତୀର ସନ୍ଦେହଜନକ ମୃତ୍ୟୁ ହୋଇଛି । ତେବେ ହାତୀର ମୃତ୍ୟୁ ୧୫ ଦିନ ତଳେ ହୋଇଥିବା ବେଳେ ମଙ୍ଗଳବାର ଘଟଣାସ୍ଥଳରେ ପହଞ୍ଚି ହାତୀର ଗଳିତ ମୃତଦେହ ଠାବ କରିଛି ବନ ବିଭାଗ । ହାତୀଟିର ବୟସ ୨୦-୨୫ ବର୍ଷ ହେବ ବୋଲି ବିଭାଗ ପକ୍ଷରୁ ସୂଚନା ମିଳିଛି । ହାତୀ ମୃତ୍ୟୁ କିପରି ହୋଇଛି ତାହା ସ୍ପଷ୍ଟ ହୋଇନି । କିନ୍ତୁ ଶିକାରୀ ଦାନ୍ତ ଉଦ୍ଦେଶ୍ୟରେ ମାରିଥିବା ସନ୍ଦେହ କରାଯାଉଛି । ଏନେଇ ବନ ବିଭାଗ ପକ୍ଷରୁ ଜଣଙ୍କୁ ଅଟକ ରଖି ପଚରାଉଚରା କରୁଥିବା ଆଠଗଡ଼ ଏସିଏଫ ମନୋଜ କୁମାର ପାତ୍ର କହିଛନ୍ତି ।
You Can Read:
