ଭୁବନେଶ୍ବର ୮।୧: ଖାକିରେ ଲାଗିଲା କଳଙ୍କ । ବର୍ବରତାର ସୀମା ଟପିଲେ ଏଏସ୍ଆଇ । ରକ୍ଷକ ସାଜି ହେଲେ ଭକ୍ଷକ । ପ୍ଲାଟଫର୍ମରେ ଯୁବତୀଙ୍କୁ ଏକା ପାଇ ସାଥିରେ ନେଇଗଲେ ଏଏସ୍ଆଇ । ସୁରକ୍ଷିତ ସ୍ଥାନରେ ଅସୁରକ୍ଷିତ ହୋଇଗଲେ ଯୁବତୀ । ସାହାଯ୍ୟ କରିବ ବାହାନାରେ ଘରେ କବାଟ ଦେଇ ଅସଦାଚରଣ କଲେ ଏଏସ୍ଆଇ । ଅଭିଯୋଗ ପରେ ଗିରଫ ହେଲେ ଏଏସ୍ଆଇ । ଭୁବନେଶ୍ୱର ଆରପିଏଫ୍ ଏଏସ୍ଆଇ ନିରଞ୍ଜନ ଜେନା ଗିରଫ ହୋଇଛନ୍ତି ।
ଦୁଇ ଦିନ ପୂର୍ବରୁ ଟ୍ରେନ୍ ଆସି ଷ୍ଟେସନରେ ଓହ୍ଲାଇଥିଲେ ଜଣେ ଯୁବତୀ । ହଷ୍ଟେଲ ବନ୍ଦ ଥିବାରୁ ଆରପିଏଫ ଥାନାକୁ ଯାଇଥିଲେ । ସେଠାରେ ଏଏସ୍ଆଇ ନିରଞ୍ଜନ ଯୁବତୀଙ୍କୁ ରୁମ୍ରେ ରହିବା ପାଇଁ କହିଥିଲେ । ଯୁବତୀ ରୁମ୍ ଭିତରକୁ ଯିବାପରେ ନିରଞ୍ଜନ କବାଟ ବନ୍ଦ କରିଦେଇଥିଲେ । ବନ୍ଦ ଘର ଭିତରେ ଯୁବତୀଙ୍କୁ ଅସଦାଚରଣ କରିଥିଲେ ଏଏସ୍ଆଇ । ଯୁବତୀ ଭୟଭୀତ ହୋଇ ପିସିଆରକୁ କଲ୍ କରିଥିଲେ । ପିସିଆର ଆସି ଯୁବତୀଙ୍କୁ ଉଦ୍ଧାର କରିଛି । ଜିଆର୍ପି ଥାନାରେ ଅଭିଯୋଗ ପରେ ଏଏସ୍ଆଇ ନିରଞ୍ଜନକୁ ଗିରଫ କରିଛି ପୋଲିସ । ଯୁବତୀଙ୍କ ଘର ଜଗତସିଂପୁରରେ । ସେ ଭୁବନେଶ୍ବରର ଏକ ହଷ୍ଟେଲରେ ରହୁଥିଲେ ।
You Can Read:
ଖଣି ବ୍ୟବସାୟୀଙ୍କ ଘରେ ଇଡି ରେଡ୍, ଏକାସାଙ୍ଗେ ୧୪ଟି ସ୍ଥାନରେ ଚାଲିଛି ଚଢାଉ
