ମୁମ୍ବାଇ ୨୭/୦୩: ବଲିଉଡ ଅଭିନେତା ହ୍ରିତିକ ରୋଶନଙ୍କ ଫ୍ୟାନ୍ସମାନଙ୍କ ପାଇଁ ଏକ ଖୁସି ଖବର । ସୂଚନା ଅନୁଯାୟୀ, ହ୍ରିତିକ ରୋଶନ ଏକ ସାଉଥ ସୁପରହିଟ ଫିଲ୍ମର ହିନ୍ଦୀ ରିମେକକୁ ହଁ କହିଛନ୍ତି ଏବଂ ଏହି ଫିଲ୍ମରେ ହ୍ରିତିକ ରୋଶନଙ୍କୁ ଜଣେ ଭିଲେନ୍ ଭୂମିକାରେ ଦେଖିବାକୁ ମିଳିବ । ବାସ୍ତବରେ, ହ୍ରିତିକ ରୋଶନ ସାଉଥର ସୁପରହିଟ୍ ଫିଲ୍ମ 'ବିକ୍ରମ ବେଧା'କୁ କରିବା ପାଇଁ ରାଜି ହୋଇଛନ୍ତି । ହ୍ରିତିକ ଫିଲ୍ମରେ ହିରୋ ନୁହଁନ୍ତି ବରଂ ଭିଲେନ ଭୂମିକାରେ ନଜର ଆସିବେ । ଏହି ଫିଲ୍ମରେ ହ୍ରିତିକଙ୍କୁ ‘ବେଧା’ ଅର୍ଥାତ୍ ଜଣେ ଗ୍ୟାଙ୍ଗଷ୍ଟର ଭୂମିକାରେ ଦେଖିବାକୁ ମିଳିବ ।

{"width":611,"height":458}

ଫିଲ୍ମ ‘ବିକ୍ରମ ବେଧା’ କୁ ପୁଷ୍କର ଏବଂ ଗାୟତ୍ରୀ ନିର୍ଦ୍ଦେଶନା ଦେଇଥିଲେ । କୁହାଯାଉଛି ହ୍ରିତିକ ରୋଶନ ଏହି ଫିଲ୍ମରେ ଭିଲେନ ହେବା ପାଇଁ ପ୍ରସ୍ତୁତି ଆରମ୍ଭ କରିଛନ୍ତି । କୁହାଯାଉଛି ଫିଲ୍ମର ସୁଟିଂ ଚଳିତ ବର୍ଷ ଆରମ୍ଭ ହେବ । ଗୋଟିଏ ପଟେ ବିକ୍ରମ ବେଧାର ରିମେକରେ ହ୍ରିତିକ ରୋଶନ ଭିଲେନ ଭୂମିକାରେ ଅଭିନୟ କରୁଥିବା ବେଳେ, ଅନ୍ୟ ପଟେ ସୈଫ ଅଲି ଖାନ ଏହି ଫିଲ୍ମରେ ବିକ୍ରମ ଅର୍ଥାତ୍ ପୋଲିସ ଅଫିସର ଭୂମିକାରେ ନଜର ଆସିବେ । ତେଣୁ ଏଥିରେ ହ୍ରିତିକ ଏବଂ ସୈଫଙ୍କୁ ଏକାଠି ଦେଖିବା ଫ୍ୟାନ୍ସମାନଙ୍କ ପାଇଁ କୌଣସି ଟ୍ରିଟ୍ ଠାରୁ କମ୍ ନୁହେଁ ।

{"width":625,"height":351}

ହ୍ରିତିକ ତାଙ୍କ ଆଗାମୀ ଫିଲ୍ମ ଫାଇଟରରେ ଦୀପିକା ପାଦୁକୋନଙ୍କ ସହ ନଜର ଆସିବେ । ଫାଇଟର ବ୍ୟତୀତ ହ୍ରିତିକ ମଧ୍ୟ ମଧୁ ମଣ୍ଟେନାର ରାମାୟଣ ଏବଂ ୱାର୍ ର ସିକ୍ୱେଲକୁ ନେଇ ଚର୍ଚ୍ଚାରେ ରହିଛନ୍ତି ।