ଚଣ୍ଡିଖୋଲ ୧୧।୪: ଭଗବାନ ଯେତେବେଳେ ଦିଅନ୍ତି ଛପର ଫାଡ଼ିକି ଦିଅନ୍ତି । କେତେବେଳେ କାହା ଭାଗ୍ୟ ବଦଳିଯିବ କେହି କହିପାରିବେ ନାହିଁ । ଯାହାକି ଆଜି ପ୍ରମାଣ କରି ଦେଖାଇଛନ୍ତି ଯାଜପୁର ଜିଲ୍ଲା ଧର୍ମଶାଳା ବ୍ଲକ ଅରଖପଦା ଗ୍ରାମର ଅନିଲ ତରାଇ । ଅନିଲ ଅନଲାଇନ୍ ଖେଳ ଖେଳି କୋଟିପତି ହୋଇପାରିଛନ୍ତି ।
ବର୍ତ୍ତମାମାନ ଆଇପିଏଲ୍ ଖେଳ ଚାଲିଥିବା ବେଳେ ଅନଲାଇନ ବେଟିଂ ବଜାର ସକ୍ରିୟ ହୋଇଉଠିଛି । ଏହି ବେଟିଂରେ ଅନେକ ଜିତି କୋଟିପତି ହେବାର ଖବର ମଧ୍ୟ ଆସୁଛି । କିଛି ଦିନ ତଳେ କେନ୍ଦୁଝରର ଜଣେ ଯୁବକ ଅନ୍ଲାଇନ୍ ଗେମ୍ ଖେଳି କୋଟିପତି ହୋଇଥିବା ବେଳେ ଆଜି ଏମିତି ଆଉ ଏକ ଖବର ଶୁଣିବାକୁ ମିଳିଛି । ଅନିଲ ମଧ୍ୟ ଅନଲାଇନ୍ ଗେମ୍ ଖେଳି କୋଟିପତି ହୋଇପାରିଛନ୍ତି । ଅନିଲ My11Circle ଗେମ୍ରେ ୪୯ ଟଙ୍କା ଲଗାଇ ୩ କୋଟି ଟଙ୍କା ଜିତିବା ସହ ଏକ ମହିନ୍ଦ୍ରା ଥାର୍ ଗାଡ଼ି ମଧ୍ୟ ଜିତିଛନ୍ତି ।
ଅନିଲ ଜଣେ ମଧ୍ୟବିତ୍ ପରିବାରର ପିଲା । ସେ ଚାଷ କରିବା ସହ ଫିଟ୍ନେସ ପ୍ରତି ତାଙ୍କର ଆଗ୍ରହ ରହିଛି । ସେ ପ୍ରଥମ ଥର କରି ଏହି ଗେମ୍ ଖେଳି କୋଟିପତି ହୋଇପାରିଛନ୍ତି । ଗୁରୁବାର ଗେମ୍ ଖେଳିସାରିବା ପରେ ତାଙ୍କ ଆକାଉଣ୍ଟକୁ ୩ କୋଟି ଟଙ୍କା ଆସିଛି । ଏହାସହ ସେ ଏକ ଥାର୍ ଗାଡ଼ି ମଧ୍ୟ ଜିତିଛନ୍ତି । ଅନିଲ ଏହି ଟଙ୍କାରେ ଏକ ଜିମ୍ ସେଣ୍ଟର ଖୋଲିବା ପାଇଁ ଲକ୍ଷ୍ୟ ରଖିଛନ୍ତି । ଅନିଲଙ୍କ ଏହି ସଫଳତାରେ ପରିବାର ଲୋକେ ଓ ସ୍ଥାନୀୟ ଲୋକଙ୍କ ମଧ୍ୟରେ ବେଶ୍ ଉତ୍ସାହ ଦେଖିବାକୁ ମିଳିଛି ।
You Can Read:
