ଆଠଗଡ଼ ୦୪।୦୮ : ଶ୍ରାବଣର ଶେଷ ସୋମବାର । ମହାକାଳ ବେଶରେ ଦର୍ଶନ ଦେଉଛନ୍ତି ବାବା ଧବଳେଶ୍ୱର । ଶେଷ ସୋମବାରରେ ରାତିରୁ ପହଡ଼ ଖୋଲାଯାଇ ସମସ୍ତ ନୀତିକାନ୍ତି ସମାପନ ପରେ ଶ୍ରଦ୍ଧାଳୁମାନେ ଜଳଲାଗି ନିମନ୍ତେ ଛଡ଼ା ଯାଇଥିଲା । ଶାନ୍ତିଶୃଙ୍ଖଳାର ସହ ଦର୍ଶନ ପାଇଁ ପୀଠ ଠାରୁ ଆରମ୍ଭ କରି କଂକ୍ରିଟ ସେତୁ ପର୍ଯ୍ୟନ୍ତ ବ୍ୟାରିକେଟ୍ କରାଯିବ ସହ ବ୍ୟାପକ ଫୋର୍ସ ମୁତୟନ ହୋଇଛନ୍ତି ।
ଭକ୍ତିମୟ ପରିବେଶ ଭିତରେ ଲମ୍ବା ଧାଡ଼ିରେ କାଉଡିଆଙ୍କ ଭିଡ଼ ଲାଗିଛି । ବାବା ଧବଳେଶ୍ୱରଙ୍କୁ ପୀଠ ପୂଜକ ସମିତି ପକ୍ଷରୁ ରାତି ୨ଟାରୁ ପହୁଡ଼ ଖୋଲାଯାଇଥିଲା । ଏହାପରେ ୧୦୮ ସୁବାସିତ ଜଳରେ ବାବାଙ୍କୁ ସ୍ନାନ କରିବା ସ୍ୱତନ୍ତ୍ର ନୀତିକାନ୍ତି ହୋଇଥିଲା । ଏହାପରେ ଦର୍ଶନ ଓ ଜଳଲାଗି ନିମନ୍ତେ ସମସ୍ତ ବ୍ୟବସ୍ଥା କରାଯାଇଥିଲା ।ତେବେ ଭିଡ଼କୁ ଦୃଷ୍ଟିରେ ରଖି ପୀଠକୁ ସଂଯୋଗ କରୁଥିବା କଂକ୍ରିଟ୍ ସେତୁ ଠାରୁ ମନ୍ଦିର ପର୍ଯ୍ୟନ୍ତ ବ୍ୟାରିକେଟ୍ କରାଯାଇଛି ।କେବଳ ଜଳାଭିଷେକ ଲାଗି ଆସୁଥିବା କାଉଡିଆଙ୍କୁ ପୀଠ ମଧ୍ୟକୁ ପ୍ରବେଶ ଲାଗି ଅନୁମତି ରହିଛି । ସୁରକ୍ଷା ଦୃଷ୍ଟିରୁ ବ୍ୟାପକ ପୋଲିସ ଫୋର୍ସ ସହିତ ଅଗ୍ନିଶମ ବିଭାଗ କର୍ମଚାରୀଙ୍କୁ ନିୟୋଜିତ କରାଯାଇଛି ।
