ମୁମ୍ଵାଇ ୨୩।୦୬; ଷ୍ଟାରପ୍ଲସ୍‌ରର ଲୋକପ୍ରିୟ ସିରିଏଲ୍‌ 'ଅନୁପମା'। ଏବେ ଏହି ସେଟରେ ଭୟଙ୍କର ଅଗ୍ନିକାଣ୍ଡ ହୋଇଛି। ନିଆଁ ଏତେ ଭୟଙ୍କର ଥିଲା ଯେ ଲିଭାଇବା ପାଇଁ ପାଞ୍ଚଟି ଅଗ୍ନିଶମ ବାହିନୀ ଗାଡ଼ି ଘଟଣାସ୍ଥଳରେ ପହଞ୍ଚିଥିଲା। ମିଳିଥିବା ସୂଚନା ଅନୁଯାୟୀ, ଏହି ଦୁର୍ଘଟଣାରେ କେହି ଆହତ ହୋଇ ନାହାଁନ୍ତି।

୨୩ ଜୁନ୍ ସୋମବାର ସକାଳେ ଗୋରେଗାଓଁ ଫିଲ୍ମ ସିଟିରେ ଥିବା  'ଅନୁପମା' ସେଟରେ ହଠାତ୍ ଅଗ୍ନିକାଣ୍ଡ ଘଟିଥିଲା। ନିଆଁ ସେଟର୍‌ ସମଗ୍ରକୁ ବ୍ୟାପିଯାଇଥିଲା । ଅଗ୍ନିକାଣ୍ଡ ପରେ, ସେଟରେ ଉପସ୍ଥିତ କିଛି ଲୋକଙ୍କୁ ତୁରନ୍ତ ବାହାର କରାଯାଇଥିଲା ଏବଂ ଅଗ୍ନିଶମ ବାହିନୀକୁ ଡକାଯାଇଥିଲା। ମୁମ୍ବାଇ ମ୍ୟୁନିସିପାଲ କର୍ପୋରେସନ (BMC) ଏହି ସୂଚନା ଦେଇଛି। 

କୁହାଯାଉଛି ଯେ ସକାଳ ପ୍ରାୟ ୬ଟା ସମୟରେ ଏହି ଅଗ୍ନିକାଣ୍ଡ ଘଟିଥିଲା। ସୁରକ୍ଷା କର୍ମୀ ଏବଂ କିଛି ଲୋକଙ୍କ ବ୍ୟତୀତ ସେଟରେ କୌଣସି କଳାକାର ଏବଂ କର୍ମଚାରୀ ଉପସ୍ଥିତ ନଥିଲେ। ଏହି କାରଣରୁ ଏହି ଅଗ୍ନିକାଣ୍ଡରେ କେହି ଆହତ ହୋଇ ନାହାଁନ୍ତି। କିନ୍ତୁ ଏହି ଅଗ୍ନିକାଣ୍ଡ ଯୋଗୁଁ ସେଟରେ ବହୁତ କ୍ଷତି ହୋଇଛି। ଲକ୍ଷ ଲକ୍ଷ ଟଙ୍କାର ଜିନିଷପତ୍ର ପୋଡ଼ି ପାଉଁଶ ହୋଇଯାଇଥିବା ଅନୁମାନ କରାଯାଉଛି। ଅଗ୍ନିକାଣ୍ଡର କାରଣ ଏପର୍ଯ୍ୟନ୍ତ ଜଣାପଡିନାହିଁ।  ଘଟଣା ସ୍ଥଳରେ ଅଗ୍ନିଶମ ବାହିନୀ ପହଞ୍ଚି ନିଆଁକୁ ଆୟତ୍ତ କରିଥିଲେ। ତେବେ ପ୍ରାଥମିକ ତଦନ୍ତରୁ ସର୍ଟସର୍କିଟ ଯୋଗୁଁ ଅଗ୍ନିକାଣ୍ଡ ଘଟିଥିବା କୁହାଯାଉଛି। କିନ୍ତୁ ଏପର୍ଯ୍ୟନ୍ତ କୌଣସି ମୃତାହତର ସୂଚନା ନାହିଁ ।