ନୂଆଦିଲ୍ଲୀ ୨୦/୦୬: ଦଶନ୍ଧି ଦଶନ୍ଧି ଧରି କରୁଛି ରାଜ୍ । ମୋସାଦ୍ ପାଇଁ ‘କ୍ରୀଡ଼ାଭୂଇଁ’ ପାଲଟିଛି ଇରାନ୍ । ବିଶ୍ୱରେ ସବୁଠୁ ପ୍ରଭାବୀ ଗୁଇନ୍ଦା ଏଜେନ୍ସି । ମାନବ ଗୁଇନ୍ଦା, ସାଇବର ଅପରାଧ, ହାଇଟେକ୍ ହତ୍ୟା ଓ ମନସ୍ତତ୍ତ୍ୱିବିତ୍ ୱାରଫେୟାର । ଅନେକ ଘଟଣାରେ ଜଡ଼ିତ ରହି ଇରାନ୍ରେ ଚଳାଇଛି ଛାୟା ଯୁଦ୍ଧ ।
ଏମିତିକି ଫିକା ପଡିଯାଉଛି ଇରାନ୍ର ଆଣବିକ ଉଦ୍ଦେଶ୍ୟ । ଇରାନ୍ରେ ମୋସାଦ୍ର ଉପସ୍ଥିତି ଶତ୍ରୁ ହେଉଛି ଥରହର । ଗତ ୧୦- ୧୫ ବର୍ଷ ହେଲା ଏହାର ପ୍ରଭାବ ଢେର୍ ବଢ଼ିଯାଇଛି । ୨୦୧୦ରେ ଇରାନ୍ ୟୁରାନିୟମ୍ ହାସଲକୁ ଫଳପ୍ରସୂ କରିବା ବେଳକୁ ବେଶ୍ ସକ୍ରିୟ ହୋଇଯାଇଥିଲା ମୋସାଦ୍ । ଇସ୍ରାଏଲ୍ର ନୂଆ ରଣନୀତି ଭାବେ ଇରାନ୍ରେ ଥିବା ସଂଖ୍ୟାଲଘୁ, ବିଚ୍ଛିନ୍ନତାବାଦୀ, ବିଦ୍ରୋହୀଙ୍କୁ କରାଯାଇଥିଲା ଟାର୍ଗେଟ୍ ।
ଇସ୍ରାଏଲ ବିରୋଧରେ ଦେବାକୁ ପଡେ ରକ୍ତର ମୂଲ୍ୟ । ବିଶ୍ୱ ଜାଣିଥିଲା ଏହାର ପ୍ରଚ୍ଚଦପଟ ନାୟକ ଇସ୍ରାଏଲର ଗୁଇନ୍ଦା ସଂସ୍ଥା ମୋସାଦ ।୧୩ ଡିସେମ୍ବର ୧୯୪୯ ରେ ଗଠିତ ହୋଇଥିଲା ମୋସାଦ୍। ଗୁପ୍ତ ଅପରେସନ୍, ଗୁପ୍ତ ସୂଚନା ସଂଗ୍ରହ ଓ ଆତଙ୍କବାଦ ବିରୋଧରେ ଲଢ଼ିବାରେ ଯାହାର ନାହିଁ କୌଣସି ତୁଳନା ।
ବର୍ଷ ବର୍ଷ ଧରି ଏଠାରେ ସ୍ଲିପର୍ସେଲ୍ ଆକ୍ଟିଭ ରହି ଲଜିଷ୍ଟିକ୍ସ, ସର୍ଭେଲାନ୍ସ ନେଟ୍ୱର୍କ ଏବଂ ଯୋଗାଯୋଗ ହବ୍କୁ ଆକ୍ସେସ କରିଥିଲା । କୌଶଳକ୍ରମେ ଇରାନ୍ର ଗୁଇନ୍ଦା ଓ ସାମରିକ ସେବା ବିଭାଗରେ ନିଜ ଅପରେଟିଭ୍ଙ୍କୁ ସାମିଲ କରାଇଥିଲା ମୋସାଦ୍ । ମୋସାଦ ଏତେ ସତର୍କତାର ସହ କାମ କରେ ଯାହାର ଟେର୍ ପାଇବା ବି ଅସମ୍ଭବ ।
୨୦୧୮ରେ, ମୋସାଦ୍ କରିଥିଲା ଗୁରୁତ୍ୱପୂର୍ଣ୍ଣ ଅପରେସନ । ଏଜେଣ୍ଟମାନେ ତେହରାନ୍ସ୍ଥିତ ୱେରହାଉସ୍କୁ ଟାର୍ଗେଟ୍ କରି ଇରାନ୍ର ‘ଏଏମ୍ଏଡି’ ପ୍ରକଳ୍ପ ସଂକ୍ରାନ୍ତ ୧ ଲକ୍ଷ ଦସ୍ତାବିଜ ଚୋରାଇ ନେଇଥିଲେ । ୨୦୨୧ରେ ଇରାନ୍ର ନତାଞ୍ଜ୍ ଆଣବିକ ଘାଟିରେ କରାଯାଇଥିଲା ବିସ୍ଫୋରଣ । କୁହାଯାଏ ମୋସାଦ୍ ଏଠାରେ ଅନେକ ମାସ ଧରି ବିସ୍ଫୋରକ ଡିଭାଇସ୍ ଖଞ୍ଜିଥିଲା ଏବଂ ସେଗୁଡ଼ିକୁ ରିମୋଟ୍ ସହାୟତାରେ ସକ୍ରିୟ କରି ବିସ୍ଫୋରଣ ଘଟାଇଥିଲା । ମୋସାଦ୍ର ଏଭଳି ଶକ୍ତି ବଳରେ ଇସ୍ରାଏଲ୍ ଏବେ ଇରାନ୍ ଉପରେ ଭାରୀ ପଡ଼ିବାରେ ଲାଗିଛି । ମୋସାଦ୍ ହିଁ ଇରାନ୍ର ପରାଜୟର ପ୍ରମୁଖ କାରଣ ସାଜିବ ବୋଲି କୁହାଯାଉଛି ।
୧୯୭୨ରେ ଅଲିମ୍ପିକ୍ ରେ ବି ଦେଖିବାକୁ ମିଳିଥିଲା ମୋସାଦର ଦବ୍ଦବା । ଜର୍ମାନୀର ମ୍ୟୁନିଚ୍ ଅଲିମ୍ପିକ୍ରେ ୧୧ ଇସ୍ରାଏଲୀ ଖେଳାଳିଙ୍କ ମୃତ୍ୟୁ ହୋଇଥିଲା। ଯାହାର ପ୍ରତିଶୋଧ ନେବାକୁ ଇସ୍ରାଏଲ ଆରମ୍ଭ କରିଥିଲା ଅପରେସନ୍ ରାଥ୍ ଅଫ୍ ଗଡ୍ । ବର୍ବର କାଣ୍ଡ ପଛରେ ଥିବା ସମସ୍ତ ଆତଙ୍କବାଦୀଙ୍କୁ ଖୋଜି ଖୋଜି ମାରିଥିଲା ମୋସାଦ ବାହିନୀ ।
ସେହିଭଳି ୧୯୭୬ରେ, ପପୁଲାର ଫ୍ରଣ୍ଟ୍ ଫର୍ ଲିବରେସନ୍ ଅଫ୍ ପାଲେଷ୍ଟାଇନର ସଦସ୍ୟଙ୍କୁ ନେଇ ପ୍ୟାରିସ୍ ଯାଉଥିବା ବିମାନକୁ କରାଯାଇଥିଲା ଅପହରଣ । ଆଉ ଏହାକୁ ଅତି ସହଜରେ ମୁକୁଳାଇଥିଲେ ମୋସାଦ ଇସ୍ରାଏଲୀ କମାଣ୍ଡୋ । ବିମାନବନ୍ଦର ଉପରେ ଆକ୍ରମଣ କରି ୧୦୦ ଜଣ ଇସ୍ରାଏଲୀ ଓ ଯିହୂଦୀ ବନ୍ଧକଙ୍କୁ ରକ୍ଷା କରିଥିଲେ।
ସବୁଠୁ ବହୁତ ସଫଳ ଅପରେସନ ଥିଲା ଗତ ବର୍ଷ ପେଜର ବ୍ଲାଷ୍ଟ । ଲେବାନନର ହିଜବୋଲା ଦ୍ୱାରା ବ୍ୟବହୃତ ହଜାର ହଜାର ୱାକି-ଟକି ଓ ପେଜରଗୁଡ଼ିକୁ ବିସ୍ଫୋରଣ କରି ସାରା ବିଶ୍ୱକୁ ଚକିତ କରିଥିଲା ଇସ୍ରାଏଲ । ୧୭ ସେପ୍ଟେମ୍ବର ୨୦୨୪ରେ ହଜାର ହଜାର ପେଜର ବିସ୍ଫୋରଣ ହୋଇଥିଲା। ଆକ୍ରମଣରେ ଅତି କମରେ ୪୨ ଜଣଙ୍କର ମୃତ୍ୟୁ ହୋଇଥିଲା ଏବଂ ୩୫୦୦ ରୁ ଅଧିକ ଆହତ ହୋଇଥିଲେ।
