ଭୁବନେଶ୍ବର: ଲକ୍ଷେ ଟଙ୍କା ଲାଞ୍ଚ ନେଇ ଧରାପଡ଼ିଲେ ସହକାରୀ ଯନ୍ତ୍ରୀ। ଠିକାଦାରଙ୍କ ଠାରୁ ବିଲ୍ କ୍ଲିୟର କରାଇଦେବାକୁ ନେଉଥିବା ସମୟରେ ବୁଧବାର ଜନସ୍ବାସ୍ଥ୍ୟ ବିଭାଗ ସହକାରୀ ଯନ୍ତ୍ରୀ ନରେଶ ଦାସଙ୍କୁ ଧରିଛି ଭିଜିଲାନ୍ସ। ବଡ଼ କଥା ହେଲା ସହକାରୀ ଯନ୍ତ୍ରୀ ଜଣକ ଭୁବନେଶ୍ବରସ୍ଥିତ ଅଫିସରେ ନେଉଥିଲେ ଲାଞ୍ଚ।
ସୂଚନା ଅନୁଯାୟୀ, ଜଣ ଠିକାଦାରଙ୍କର ୭ ଲକ୍ଷ ଟଙ୍କା ବିଲ୍ ବାକି ରହିଥିଲା। କାମରେ ଆଗୁଆ ଟଙ୍କା ଖଟାଇ ଠିକାଦାର ହୋଇଥିଲେ ନିରାଶ। ବିଲ୍ ପାଇଁ ଦୌଡ଼ି ଦୌଡ଼ି ନିରାଶ ହୋଇପଡ଼ିଥିଲେ। ହେଲେ ଯନ୍ତ୍ରୀ ବିଲ୍ ପାସ୍ ନକରି ଲାଞ୍ଚ ମାଗିଥିଲେ। ଆଉ ଶେଷରେ ଠିକାଦାର ଜଣକ ଭିଜିଲାନ୍ସର ଦ୍ବାରସ୍ଥ ହୋଇଥିଲେ। ଆଉ ଲାଞ୍ଚ ନେଉଥିବାବେଳେ ସହକାରୀ ଯନ୍ତ୍ରୀଙ୍କୁ ଧରିଥିଲା ଭିଜିଲାନ୍ସ।ଏହି ସମୟରେ ତାଙ୍କ ଠାରୁ ମୋଟ ୨.୨୬ ଲକ୍ଷ ଟଙ୍କା ଜବତ କରିବା ସହ ଯନ୍ତ୍ରୀଙ୍କ ବିଭିନ୍ନ ଠିକଣାରେ ରେଡ୍ କରୁଛି ଭିଜିଲାନ୍ସ।
