ଭୁବନେଶ୍ବର ୩।୪: ଆସନ୍ତା ୨୪ ଘଣ୍ଟାରେ କାଳବୈଶାଖୀ ବର୍ଷା । ବିଜୁଳି ଘଡ଼ଘଡ଼ି ସହ ବର୍ଷା ସମ୍ଭାବନା । ୟେଲୋ ଓ୍ବାର୍ଣ୍ଣିଂ ଜାରି କଲା ପାଣିପାଗ ବିଭାଗ । ପବନର ବେଗ ଘଣ୍ଟା ପ୍ରତି ୪୦-୫୦ କିଲୋମିଟର ରହିବ । ଏନେଇ ୨୦ ଜିଲ୍ଲାକୁ ସତର୍କତା ଜାରି କରାଯାଇଛି । ଜିଲ୍ଲା ଗୁଡ଼ିକ ହେଲା ସୁନ୍ଦରଗଡ଼, ଝାରସୁଗୁଡ଼ା, ବରଗଡ଼, ସମ୍ବଲପୁର, ଦେବଗଡ଼, ଅନୁଗୁଳ ଢେଙ୍କାନାଳ, କେନ୍ଦୁଝର, ମୟୂରଭଞ୍ଜ, ସୋନପୁର, ବୌଦ୍ଧ, ନୂଆପଡ଼ା, କଳାହାଣ୍ଡି, ବଲାଙ୍ଗୀର, କନ୍ଧମାଳ, ନବରଙ୍ଗପୁର, ରାୟଗଡ଼ା, କୋରାପୁଟ, ମାଲକାନଗିରି, ଗଜପତି ଓ ବାଲେଶ୍ଵର । 

ସେହିପରି ଶୁକ୍ରବାର ମଧ୍ୟ କାଳବୈଶାଖୀ ବର୍ଷା ହେବାର ସମ୍ଭାବନା ରହିଛି । ବିଶେଷ ଭାବେ ବାଲେଶ୍ବର, ଭଦ୍ରକ, ଯାଜପୁର, କେନ୍ଦ୍ରାପଡ଼ା, କଟକ, ଜଗତସିଂହପୁର, ପୁରୀ, ଖୋର୍ଦ୍ଧା, ନୟାଗଡ଼, ଗଞ୍ଜାମ, ଗଜପତି, ମାଲକାନଗିରି, କୋରାପୁଟ, ରାୟଗଡ଼ା, କନ୍ଧମାଳ, ବୌଦ୍ଧ, ଅନୁଗୁଳ, କେନ୍ଦୁଝର, ମୟୂରଭଞ୍ଜ, ସୁନ୍ଦରଗଡ଼, ଢେ଼ଙ୍କାନାଳ ଜିଲ୍ଲା ପ୍ରଭାବିତ ହେବ । ଏଭଳି ପାଗ ଆସନ୍ତା ୫ ତାରିଖ ଯାଏଁ ରହିବ । 

ସେପଟେ ପାଣିପାଗ ବିଶେଷଜ୍ଞ କହିଛନ୍ତି ଆସୁଛି ଘୂର୍ଣ୍ଣିବଳୟ । ୮ରୁ ବର୍ଷା ସମ୍ଭାବନା ରହିଛି । ଉପକୂଳରେ ବର୍ଷା ସମ୍ଭାବନା ରହିଛି । ରାଜ୍ୟ ଉପରେ ନାହିଁ ଅଧିକ ଜଳୀୟବାଷ୍ପ, ଫଳରେ ଗତକାଲି ଆକଳନ ଅନୁସାରେ ଅଧିକ ସ୍ଥାନରେ କାଳବୈଶାଖୀ ବର୍ଷା ବିଶେଷ ହୋଇନାହିଁ । କିନ୍ତୁ ଗୁରୁବାର ଉପକୂଳରେ ବର୍ଷା ହେବ । 

You Can Read:

ବିଜେପି ସରକାରକୁ ବଦନାମ୍ କରିବାକୁ କଂଗ୍ରେସ ଭାବିଥିଲା, କିନ୍ତୁ ସେମାନେ ନିଜେ ବଦନାମ୍ ହେଲେ : ଲକ୍ଷ୍ମଣ ବାଗ୍