ମୁମ୍ଵାଇ ୦୪।୦୪; ବଲିଉଡର ଭେଟେରାନ ଅଭିନେତା ମନୋଜ କୁମାର। ତାଙ୍କ ବିୟୋଗରେ ସିନେମା ଜଗତରୁ ରାଜନୈତିକ ଜଗତ ଯାଏଁ ଶୋକର ଛାୟା ଖେଳିଯାଇଛି। ତାଙ୍କ ଦେହାନ୍ତରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହଙ୍କ ସମେତ ଅନେକ ନେତା ଗଭୀର ଶୋକ ପ୍ରକାଶ କରିଛନ୍ତି। ମନୋଜ କୁମାର ୮୭ ବର୍ଷ ବୟସରେ ମୁମ୍ବାଇର କୋକିଲାବେନ ଧୀରୁବାଇ ଅମ୍ବାନୀ ହସ୍ପିଟାଲରେ ଶେଷ ନିଶ୍ଵାସ ତ୍ୟାଗ କରିଥିଲେ। ପଦ୍ମଶ୍ରୀ ଏବଂ ଦାଦା ସାହେବ ଫାଲକେ ପୁରସ୍କାର ବିଜେତା ମନୋଜ କୁମାରଙ୍କ ଦେହାନ୍ତରେ ଭାରତୀୟ ସିନେମାକୁ ଏକ ବଡ଼ ଝଟକା ଲାଗିଛି।
Deeply saddened by the passing of legendary actor and filmmaker Shri Manoj Kumar Ji. He was an icon of Indian cinema, who was particularly remembered for his patriotic zeal, which was also reflected in his films. Manoj Ji's works ignited a spirit of national pride and will… pic.twitter.com/f8pYqOxol3
— Narendra Modi (@narendramodi) April 4, 2025
ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ତାଙ୍କ ପୋଷ୍ଟରେ ମନୋଜ କୁମାରଙ୍କ ସହ ଉଠାଇଥିବା ପୁରୁଣା ଫଟୋ ମଧ୍ୟ ସେୟାର କରିଛନ୍ତି। ସୋସିଆଲ ମିଡିଆରେ ଏକ ପୋଷ୍ଟରେ ଲେଖିଛନ୍ତି: ମହାନ ଅଭିନେତା ଏବଂ ଚଳଚ୍ଚିତ୍ର ନିର୍ମାତା ମନୋଜ କୁମାର ଜୀଙ୍କ ବିୟୋଗରେ ଗଭୀର ମର୍ମାହତ। ସେ ଭାରତୀୟ ସିନେମାର ଜଣେ ପ୍ରତୀକ ଥିଲେ। ତାଙ୍କର ଦେଶପ୍ରେମ ଉତ୍ସାହ ପାଇଁ ତାଙ୍କୁ ବିଶେଷ ଭାବରେ ମନେ ରଖାଯାଇଥିଲା। ତାଙ୍କ ଚଳଚ୍ଚିତ୍ରଗୁଡ଼ିକରେ ମଧ୍ୟ ଦେଶପ୍ରେମ ପ୍ରତିଫଳିତ ହେଉଥିଲା। ମନୋଜ ଜୀଙ୍କ କାର୍ଯ୍ୟ ଜାତୀୟ ଗର୍ବର ଭାବନା ଜାଗ୍ରତ କରିଛି। ଯାହା ପିଢ଼ି ପରେ ପିଢ଼ିକୁ ପ୍ରେରଣା ଦେବ। ଏହି ଦୁଃଖଦ ମୁହୂର୍ତ୍ତରେ ତାଙ୍କ ପରିବାରକୁ ମୋ ସମବେଦନା। ଓମ୍ ଶାନ୍ତି।
Shri Manoj Kumar ji was a versatile actor, who would always be remembered for making films full of patriotism. Popularly known as ‘Bharat Kumar’ his unforgettable performances in films like ‘Upkaar’, ‘Purab and Paschim’ have enriched our culture and have endeared him to people…
— Rajnath Singh (@rajnathsingh) April 4, 2025
ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ ମଧ୍ୟ ମନୋଜ କୁମାରଙ୍କ ବିୟୋଗରେ ଗଭୀର ଶୋକ ପ୍ରକାଶ କରିଛନ୍ତି। ସେ ସୋସିଆଲ ମିଡିଆରେ ଏକ ପୋଷ୍ଟରେ ଲେଖିଛନ୍ତି - ମନୋଜ କୁମାର ଜୀ ଜଣେ ବହୁମୁଖୀ ଅଭିନେତା ଥିଲେ । ଯିଏ ଦେଶପ୍ରେମପୂର୍ଣ୍ଣ ଚଳଚ୍ଚିତ୍ର ନିର୍ମାଣ ପାଇଁ ସର୍ବଦା ମନେ ରହିବେ। 'ଭାରତ କୁମାର' ଭାବରେ ପରିଚିତ, 'ଉପକାର', 'ପୂରବ ଔର ପଶ୍ଚିମ' ଭଳି ଚଳଚ୍ଚିତ୍ରରେ ତାଙ୍କର ଅବିସ୍ମରଣୀୟ ଅଭିନୟ ଆମ ସଂସ୍କୃତିକୁ ସମୃଦ୍ଧ କରିଛି । ତାଙ୍କର ସିନେମା ଐତିହ୍ୟ ତାଙ୍କ କାର୍ଯ୍ୟ ମାଧ୍ୟମରେ ବଞ୍ଚି ରହିବ। ତାଙ୍କ ପରିବାର ଏବଂ ପ୍ରଶଂସକମାନଙ୍କୁ ସମବେଦନା। ଓମ୍ ଶାନ୍ତି।
