ନୂଆଦିଲ୍ଲୀ: ନେପାଳରେ ଭୂମିକମ୍ପ । ୫.୦ ତୀବ୍ରତାରେ ଥରିଲା ପଡୋଶୀ ଦେଶ । ନେପାଳ ସହିତ ଉତ୍ତର ପ୍ରଦେଶ ଓ ଉତ୍ତରାଖଣ୍ଡରେ ମଧ୍ୟ ଭୂକମ୍ପ ଝଟକା ଅନୁଭୂତ ହୋଇଛି । ନ୍ୟାଶନାଲ ସେଣ୍ଟର ଫର୍ ସିସ୍ମୋଲଜି ଅନୁଯାୟୀ, ଶୁକ୍ରବାର ସନ୍ଧ୍ୟା ପ୍ରାୟ ୭.୫୨ ମିନିଟରେ ଭୂମିକମ୍ପ ଝଟକା ଲାଗିଥିଲା । ଏହାର କେନ୍ଦ୍ରସ୍ଥଳି ନେପାଳ ଭୂପୃଷ୍ଠରୁ ୨୦ କିଲୋମିଟର ଗଭୀରତାରେ ରହିଛି ।
ସୂଚନା ମୁତାବକ, ଉତ୍ତରାଖଣ୍ଡର ପିଥୋରାଗଡ଼ରେ ୭.୫୨ ମିନିଟରେ ଭୂକମ୍ପ ଅନୁଭୂତ ହୋଇଥିଲା । ରିକ୍ଟର ସ୍କେଲରେ ଏହାର ତୀବ୍ରତା ୫.୦ ରେକର୍ଡ ହୋଇଛି । ଏହାର କେନ୍ଦ୍ର ଟାଲେଗାଉ ନିକଟରେ ରହିଛି । ତେବେ ଭୂମିକମ୍ପରେ ବର୍ତ୍ତମାନ ସୁଦ୍ଧା କୌଣସି ପ୍ରକାର କ୍ଷୟକ୍ଷତିର ସୂଚନା ମିଳିନାହିଁ । ହେଲେ ଭୂକମ୍ପ ପରେ ଭୟଭୀତ ହୋଇଯାଇଛନ୍ତି ସ୍ଥାନୀୟ ଲୋକେ । ଏହା ପୂର୍ବରୁ ଗୁରୁବାର ମହାରାଷ୍ଟ୍ର ସୋଲାପୁର ଜିଲ୍ଲାରେ ମୃଦୁ ଭୂମିକମ୍ପ ଅନୁଭୂତ ହୋଇଥିଲା । ରିକ୍ଟର ସ୍କେଲରେ ଏହାର ତୀବ୍ରତା ୨.୬ ରେକର୍ଡ କରାଯାଇଥିଲା ।
EQ of M: 5.0, On: 04/04/2025 19:52:53 IST, Lat: 28.83 N, Long: 82.06 E, Depth: 20 Km, Location: Nepal.
— National Center for Seismology (@NCS_Earthquake) April 4, 2025
For more information Download the BhooKamp App https://t.co/5gCOtjcVGs @DrJitendraSingh @OfficeOfDrJS @Ravi_MoES @Dr_Mishra1966 @ndmaindia pic.twitter.com/DxUFnxRvc7
ଏପଟେ ମିଆଁମାର ଓ ଥାଇଲାଣ୍ଡରେ ଆସିଥିବା ଛାତିଥରା ଭୂମିକମ୍ପରେ ଏବେ ସୁଦ୍ଧା ୩ ହଜାରରୁ ଅଧିକ ପ୍ରାଣ ହରାଇଲେଣି । ସେହିପରି ୪,୭୧୫ଜଣ ଆହତ ହୋଇଥିବା ବେଳେ ୩୪୧ଜଣ ନିଖୋଜ ରହିଛନ୍ତି । ମିଆଁମାର ସେନା ସରକାର ନିଖୋଜଙ୍କୁ ଉଦ୍ଧାର କରିବାରେ ଲାଗିପଡ଼ିଛନ୍ତି । ଭୂମିକମ୍ପ ଏତେ ଭୟଙ୍କର ଥିଲା ଯେ ମାଟି ସମାଧି ନେଇଛି ବଡ଼ ବଡ଼ ଅଟ୍ଟାଳିକା । କୋଟି କୋଟି ଟଙ୍କାର ସମ୍ପତ୍ତି ଛାରଖାର ହୋଇଛି ।...
