ନୂଆଦିଲ୍ଲୀ: ସଂସଦରେ ପାରିତ ହୋଉଛି ଓ୍ବାକଫ୍ ସଂଶୋଧନ ବିଧେୟକ । ଉଭୟ ଗୃହରେ ଚର୍ଚ୍ଚା ପରେ ଏହା ଭୋଟିଂ ଆଧାରରେ ପାସ୍ ହୋଇଛି । ଲୋକସଭାରେ ବିଲ୍ ସପକ୍ଷରେ ୨୮୮ ଖଣ୍ଡ ଭୋଟ୍ ପଡ଼ିଥିବା ବେଳେ ରାଜ୍ୟସଭାରେ ୧୨୮ ସହସ୍ୟ ବିଲ୍ ସପକ୍ଷରେ ଭୋଟ୍ ଦେଇଥିଲେ । ଏହି ବିଲ୍ ଆଇନରେ ପରିଣତ ହେବାକୁ ଆଉ ଗୋଟିଏ ମାତ୍ର ଗୋଟିଏ ପାଦ ବାକି ରହିଛି । ରାଷ୍ଟ୍ରପତିଙ୍କ ହସ୍ତାକ୍ଷର ପରେ ଏହା ଆଇନ ହୋଇଛି । ସେପଟେ ସଂସଦରୁ ବିଧେୟକଙ୍କୁ ଗ୍ରୀନ ସୀଗନାଲ୍ ମିଳିବା ପରେ ଦେଶ ଭିତରେ ବିରୋଧ ପ୍ରଦର୍ଶନ ଆରମ୍ଭ ହୋଇଛି । ମୁସଲିମ୍ ସଂପ୍ରଦାୟ ବିଲ୍କୁ ବିରୋଧ କରି ବିଭିନ୍ନ ସ୍ଥାନରେ ବିକ୍ଷୋଭ ପ୍ରଦର୍ଶନ କରିଛନ୍ତି ।
ଗୁଜରାଟରେ ଅଲ୍ ଇଣ୍ଡିଆ ମଜଲିସ୍-ଇ-ଇତେହାଦୁଲ ମୁସ୍ଲିମିନ୍ ୟୁନିଟର ସଦସ୍ୟମାନେ ବିକ୍ଷୋଭ କରିଛନ୍ତି । ସେମାନେ କେନ୍ଦ୍ର ସରକାରଙ୍କ ବିରୋଧରେ ନରାବାଜି କରିଛନ୍ତି । ତେବେ ବୋଲି ମଜଲିସ୍-ଇ-ଇତେହାଦୁଲ ୪୦ଜଣ ସଦସ୍ୟକୁ ଅଟକ ରଖିଛି । ସେହିପରି କୋଲକାତାରେ ମଧ୍ୟରେ ଓ୍ବାକଫ୍ ବିଧେୟକ ୨୦୨୫କୁ ବିରୋଧ କରିଛନ୍ତି ସଂଖ୍ୟା ଲଘୁ ମୁସଲିମ୍ ସଂପ୍ରଦାୟ । ତାମିଲନାଡୁର ଚେନ୍ନାଇ, କୋଏମ୍ବାଟୁରରେ ବିକ୍ଷୋଭ ପ୍ରଦର୍ଶନ କରିଛନ୍ତି । ବେଙ୍ଗାଲୁରୁରେ ମଧ୍ୟ ମୁସଲିମ୍ ଅର୍ଗାନାଇଜେନ ବିରୋଧ କରିଛି ।
ସେପଟେ ସଂସଦରେ ପାରିତ ହୋଇଥିବା ଓ୍ବାକଫ ବିଧେୟକ ୨୦୨୫କୁ ବିରୋଧ କରି ସୁପ୍ରିମକୋର୍ଟଙ୍କ ଦ୍ବାରସ୍ଥ ହୋଇଛନ୍ତି ଏଆଇଏମଆଇଏମର ପ୍ରମୁଖ ଅସଦୁଦ୍ଦିନ ଓଓ୍ବେସି । ସେ ନିଜ ଆବେଦନରେ ଓ୍ବାକଫ୍ ସଂଶୋଧନ ବିଲ୍ର ସମ୍ବିଧାନିକ ବୈଧତାକୁ ଚ୍ୟାଲେଞ୍ଜ କରିଛନ୍ତି । ସଂସଦରେ ମଧ୍ୟ ଓ୍ବକଫ୍ ବିଲ୍କୁ ବିରୋଧ କରିଥିଲେ ଏବଂ ଏହାର ଏକ ପ୍ରତିକାତ୍ମକ କପିକୁ ଚିରି ଦେଇଥିଲେ । ଏଆଇଏମଆଇଏମ ପ୍ରମୁଖଙ୍କ ଏହି ଚ୍ୟାଲେଞ୍ଜ ଅବେଦନକୁ ଆଇନଜୀବୀ ଲଜଫିଲ୍ ଅହମ୍ମଦଙ୍କ ଦ୍ବାରା ସର୍ବୋଚ୍ଚ ଅଦାଲତରେ ଦାୟର କରାଯାଇଛି ।
