ଭୁବନେଶ୍ବର ୪।୪: ଓଡ଼ିଶା ବିଧାନସଭାରେ ନୂଆ ସରକାର ଏକ ଐତିହାସିକ ମୁହୂର୍ତ୍ତ ସୃଷ୍ଟି କରିଛନ୍ତି ବୋଲି ସଂସଦୀୟ ବ୍ୟାପାର ମନ୍ତ୍ରୀ ମୁକେଶ ମହାଲିଙ୍ଗ କହିଛନ୍ତି । ବିଗତ ସରକାରରେ ଗୃହକୁ ମର୍ଯ୍ୟାଦା ନ ଦେଇ ବିଧାନସଭାକୁ ବନ୍ଦ କରାଯାଉଥିଲା । ବିଧାନସଭାର ବିଭିନ୍ନ ସମୟରେ ଯେତିକି ସମୟ ଧାର୍ଯ୍ୟ ହେଉଥିଲା ସେଥିରୁ କମ୍ ସମୟ ଚାଲୁଥିଲା । ଏଥର କିନ୍ତୁ ୧୭ତମ ବିଧାନସଭାର ତୃତୀୟ ସେସନରେ ୨୮ ଦିନରୁ ୨୫ ଦିନ ଚାଲିଥିଲା । ଓଡ଼ିଶା ବିଶ୍ୱବିଦ୍ୟାଳୟ ସଂଶୋଧନ ବିଲ୍ ୨୦୨୪ ଓ ରାଜ୍ୟ ରାଜପଥ ଅଥରିଟି ବିଲ୍ ୨୦୨୫ ପାରିତ ହେଲା । ବିଶ୍ୱବିଦ୍ୟାଳୟ ସଂଶୋଧନ ବିଲ୍ ୧୨ ଘଣ୍ଟା ୩୦ ମିନିଟ୍ ଆଲୋଚନା ପରେ ପାରିତ ହୋଇଥିଲା । ଓଡ଼ିଶାବାସୀଙ୍କ ସ୍ୱାର୍ଥରେ ଏହି ବିଲ୍ ପାସ୍ ହୋଇଥିଲା । ମୁଖ୍ୟମନ୍ତ୍ରୀ ରାତି ତମାମ ଉପସ୍ଥିତ ଥିଲେ । ଏହି ବିଲ୍ ଦ୍ୱାରା ବିଶ୍ୱବିଦ୍ୟାଳୟକୁ ଅଧିକ ସ୍ଵାଧିନତା ଦିଆଯାଇଛି । ସିନେଟ୍ ବ୍ୟବସ୍ଥା ପୁଣି ଫେରିଛି । ଏ ବିଲ୍ ପ୍ରୋଗ୍ରେସିଭ ଓ ସର୍ବସ୍ପର୍ଶୀ ବିଲ୍ ହୋଇ ରହିବ ।
ବିଗତ ତିନି ବର୍ଷ ଧରି ବିଶ୍ୱବିଦ୍ୟାଳୟରେ ନିଯୁକ୍ତି ନେଇ ଯେଉଁ ଦ୍ବନ୍ଦ୍ୱ ରହିଥିଲା ତାହା ଦୂର ହେବ । ବିଜେଡିର ସଦସ୍ୟ କହିଲେ ବିଲ୍କୁ ଚଞ୍ଚକତା କରି ପାସ୍ ହୋଇଛି । କିନ୍ତୁ ଏହା କ୍ଲଜୱାଇଜ ଆଲୋଚନା ହୋଇ ପାସ୍ ହୋଇଛି । ଗଣତନ୍ତ୍ରର ମନ୍ଦିରରେ ବିରୋଧୀ ଓ ଶାସକ ଦଳର ସଦସ୍ୟ ସହଯୋଗ କଲେ ଓଡ଼ିଶା ଆଗକୁ ଯିବ । ରାଜ୍ୟ ହାଇଓ୍ବେ ଅଥରିଟି ବିଲ୍ ଦ୍ୱାରା ଉତ୍କର୍ଷ ଓଡ଼ିଶାର ମୂଳଦୁଆ ପଡିବ ।
ଓଡ଼ିଶା ବିଧାନସଭା ସମସ୍ତଙ୍କ ପାଇଁ । ସମସ୍ତେ ବିଶ୍ୱବିଦ୍ୟାଳୟ ସଂଶୋଧନ ବିଲ୍ ଆଲୋଚନାରେ ସାମିଲ ହେବାରୁ ଧନ୍ୟବାଦ ଦେଲେ ମନ୍ତ୍ରୀ । ବିଧାନସଭା ଏକ ରଣକ୍ଷେତ୍ର ନୁହେଁ । ବିଧାନସଭାରେ ଯେଉଁମାନେ ବିଶୃଙ୍ଖଳା କରିବା ଯୋଗୁ ଯେଉଁ ପରିସ୍ଥିତି ହୋଇଛି ସେଥିପାଇଁ ସେମାନେ ଦାୟୀ ।
You Can Read:
ରାଜା ଚକ୍ରଙ୍କ ଓକିଲଙ୍କ ଅଭିଯୋଗକୁ ଖଣ୍ଡନ କଲା ବିଜେପି, କ୍ଷମା ପ୍ରାର୍ଥନା କରିବାକୁ ଦାବି
