ଭଦ୍ରକ ୪।୪: ଐତିହାସିକ ଶ୍ରୀରାମ ନବମୀ ପାଇଁ ଆସିଲା ଆଜ୍ଞାମାଳ । ଐତିହାସିକ ଶ୍ରୀରାମ ନବମୀ ପାଇଁ ଆସିଲା ଆଜ୍ଞାମାଳ । ଭଦ୍ରକ ଜିଲ୍ଲାରେ ୩୫ତମ ଶ୍ରୀରାମ ନବମୀ ଉତ୍ସବ ପାଳିତ ହେଉଛି । ଏହି ଅବସରରେ ଗାନ୍ଧୀ ପଡିଆରେ ଆୟୋଜିତ ଯଜ୍ଞସ୍ଥଳୀକୁ ଆସିଛି ଆଜ୍ଞାମାଳ । ଅଯୋଧ୍ୟା ସ୍ଥିତ ସର୍ଜୁ ନଦୀର ଜଳ ସହ ରାମ ମନ୍ଦିରରୁ ଆଜ୍ଞାମାଳକୁ ବିରାଟ ପଟୁଆରରେ ଅଣାଯାଇଛି । ସମାନ ଭାବେ ବାବା ଆଖଣ୍ଡଳମଣୀ, ମା’ ବିରଜା ଓ ମା’ ଭଦ୍ରକାଳୀଙ୍କ ପୀଠରୁ ମଧ୍ୟ ଆଜ୍ଞାମାଳ ଆସିଛି ।
ସେପଟେ ଐତିହାସିକ ଶ୍ରୀରାମ ନବମୀ ପୂର୍ବରୁ ବିଶାଳ କଳସ ଶୋଭାଯାତ୍ର ଆୟୋଜିତ ହୋଇଛି । ହଜାର ହଜାର ସଂଖ୍ୟାରେ ମହିଳା ମାନେ କଳସ ଶୋଭାଯାତ୍ରାରେ ସାମିଲ ହୋଇଛନ୍ତି । ଭଦ୍ରକ ସହରର ଗାନ୍ଧୀ ପଡିଆ ସ୍ଥିତ ଯଜ୍ଞ ମଣ୍ଡପ ନିକଟରୁ ଶ୍ରୀରାମ ମହାଯଜ୍ଞ ସମିତି ତରଫରୁ ଏହି ବିଶାଳ କଳସ ଶୋଭାଯାତ୍ରା ଅନୁଷ୍ଠିତ ହୋଇଛି । ୫ ହଜାର ୧ କଳସ ନେଇ ମହିଳା ଶ୍ରଦ୍ଧାଳୁ ମାନେ ଯଜ୍ଞସ୍ଥଳୀରୁ କଳସ ନେଇ ଶୋଭାଯାତ୍ରାରେ ବାହାରି ପବିତ୍ର ସାଳନ୍ଦୀ ନଦୀର ସାହାପୁର ଘାଟରୁ ଜଳ ଉଠାଇଥିଲେ । କଳସ ନେଇ ବନ୍ତ ଛକ ଦେଇ ସହର ପରିକ୍ରମା କରି ଭବ୍ୟ ଶୋଭାଯାତ୍ରାରେ ଗାନ୍ଧୀ ପଡିଆକୁ ଫେରିଛନ୍ତି ।
କଳସ ଆସିବା ପରେ ଶ୍ରୀରାମ ମହାଯଜ୍ଞ ଆରମ୍ଭ ହେବ । ଏହି ଶୋଭାଯାତ୍ରରେ ପୋଲିସ ତରଫରୁ ବ୍ୟାପକ ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଛି । ନଦୀଘାଟ ନିକଟରେ ଓଡ୍ରାଫ ଟିମ୍ ମୁତୟନ ହୋଇଛନ୍ତି । ରାଜ୍ୟ ବିଜେପି ସଭାପତିଙ୍କ ସହ ହଜାର ହଜାର ସଂଖ୍ୟକ ଶ୍ରଦ୍ଧାଳୁ ଯୋଗ ଦେଇଛନ୍ତି ।
You Can Read:
ଗଣତନ୍ତ୍ରର ମନ୍ଦିରରେ ବିରୋଧୀ ଓ ଶାସକ ଦଳର ସଦସ୍ୟ ସହଯୋଗ କଲେ ଓଡ଼ିଶା ଆଗକୁ ଯିବ : ମୁକେଶ ମହାଲିଙ୍ଗ
