ମୁମ୍ଵାଇ ୧୬।୦୪: ବଲିଉଡ ଅଭିନେତା ସଲମାନ ଖାନ। ତାଙ୍କ ବାସଭବନରେ ଗୁଳି ଚଳାଇବା ମାମଲାରେ ମୁମ୍ବାଇ କ୍ରାଇମ ବ୍ରାଞ୍ଚ ହାତରେ ବଡ ସଫଳତା ମିଳିଛି। ଏହି ଘଟଣାରେ ସମ୍ପୃକ୍ତ ଦୁଇ ଅଭିଯୁକ୍ତଙ୍କୁ ସୋମବାର ଗୁଜୁରାଟରରୁ ପୋଲିସ ଗିରଫ କରିଛି। ଅଭିଯୁକ୍ତମାନେ ବିହାରର ପଶ୍ଚିମ ଚମ୍ପରନ ଜିଲ୍ଲାର ମସିହିର ବିକି ସାହେବ ଗୁପ୍ତା (୨୪) ଏବଂ ସାଗର ଶ୍ରୀଜୋଗେନ୍ଦ୍ର ପାଲ (୨୧) ବୋଲି ଜଣାପଡିଛି।

ସୂଚନାନୁସାରେ, ରବିବାର ଦିନ ମୁମ୍ବାଇର ବାନ୍ଦ୍ରାସ୍ଥିତ ସଲମାନଙ୍କ ଘର ବାହାରେ ହୋଇଥିବା ଗୁଳି ବିନିମୟରେ ଅଭିଯୁକ୍ତଙ୍କୁ ଗୁଜୁରାଟରୁ ପୋଲିସ ଗିରଫ କରିଛି । ଆଜି ସେମାନଙ୍କୁ ମୁମ୍ବାଇ ଅଣାଯାଇ ପଚରାଉଚରା କରାଯିବ। ଗତକାଲି ସୂଚନା ମିଳିଥିଲା ଯେ ଅଭିଯୁକ୍ତମାନେ ବସଇ ହାଇୱେ ଅର୍ଥାତ୍ ମୁମ୍ବାଇ ଅହମ୍ମଦାବାଦ ରାଜପଥ ଆଡକୁ ପଳାଇଥିଲେ। 

ଗିରଫ କିପରି ହେଲା?

ମୁମ୍ବାଇ କ୍ରାଇମ ବ୍ରାଞ୍ଚ ସିସିଟିଭି ଫୁଟେଜ ଜରିଆରେ ଅଭିଯୁକ୍ତଙ୍କୁ କ୍ରମାଗତ ଭାବେ ଅନୁସନ୍ଧାନ କରୁଥିଲା । ଏହା ବ୍ୟତୀତ ସାଇବର ଟିମରୁ ଡମ୍ପ ଡାଟା ମଧ୍ୟ ବାହାର କରାଯାଇଥିଲା। କ୍ରାଇମ ବ୍ରାଞ୍ଚ ଅଧିକାରୀ ନିଶ୍ଚିତ କରିଛନ୍ତି ଯେ ଭୁଜରେ ଉଭୟ ଅଭିଯୁକ୍ତଙ୍କ ଉପସ୍ଥିତି ବିଷୟରେ ନିର୍ଦ୍ଦିଷ୍ଟ ସୂଚନା ଗ୍ରହଣ କରାଯାଇଛି। ଅଭିଯୁକ୍ତମାନେ ପେସାଦାର ଅପରାଧୀ ତେଣୁ ପୋଲିସ ସତର୍କତା ଅବଲମ୍ବନ କରି ସ୍ଥାନୀୟ ପୋଲିସ ଦଳକୁ ନେଇ ଯାଇଥିଲା। କ୍ରାଇମ ବ୍ରାଞ୍ଚ ଇନ୍ସପେକ୍ଟରଙ୍କ ନେତୃତ୍ୱରେ ଏକ ଟିମ୍ ଭୁଜରେ ପହଞ୍ଚିଥିଲା। 

ମନ୍ଦିର ପରିସରରୁ ଗିରଫ

ପୋଲିସ ଟିମ୍ ଅଭିଯୁକ୍ତଙ୍କୁ ଏକ ମନ୍ଦିର କମ୍ପ୍ଲେକ୍ସରୁ ଗିରଫ କରିଛି। କ୍ରାଇମ ବ୍ରାଞ୍ଚର ବରିଷ୍ଠ ଅଧିକାରୀ ଏହା ନିଶ୍ଚିତ କରିଛନ୍ତି। ସେମାନେ କିପରି ଏବଂ କାହିଁକି ମନ୍ଦିରକୁ ଯାଇଥିଲେ ତାହା ପ୍ରକାଶ କରାଯାଇ । ଅଭିଯୁକ୍ତଙ୍କୁ ଆଜି ସକାଳ ୯ ଟା ପରେ ମୁମ୍ବାଇକୁ ଅଣାଯାଇପାରିବ। 

ଗାଲାକ୍ସି ଆପାର୍ଟମେଣ୍ଟ ବାହାରେ ଗୁଳି ଚଳାଇବା 

ରବିବାର ସକାଳ ପ୍ରାୟ ୫ଟା ସମୟରେ ବାଇକ୍ ଯାଉଥିବା ଦୁଇଜଣ ବ୍ୟକ୍ତି ବାନ୍ଦ୍ରା ଗାଲାକ୍ସି ଆପାର୍ଟମେଣ୍ଟ ବାହାରେ ତିନି ରାଉଣ୍ଡ ଗୁଳି ଚଳାଇ ଘଟଣାସ୍ଥଳରୁ ପଳାଇ ଯାଇଥିଲେ। ଗୁଳି ବିନିମୟ ବେଳେ ସଲମାନ ଖାନ ତାଙ୍କ ଘରେ ଉପସ୍ଥିତ ଥିବା ପୋଲିସ କହିଛି। ଏହି ଘଟଣାରେ କେହି ଆହତ ହୋଇ ନାହାଁନ୍ତି।

ସଲମାନ ଖାନଙ୍କୁ ହତ୍ୟା କରିବା ପାଇଁ ଘୋଷଣା

ଜେଲରେ ଥିବା ଗ୍ୟାଙ୍ଗଷ୍ଟର ଲରେନ୍ସ ବିଷ୍ନୋଇ ଏବଂ  ଗୋଲଡି ବରାର ସଲମାନ ଖାନଙ୍କୁ ହତ୍ୟା କରିବା ପାଇଁ ଅନେକ ଥର ଘୋଷଣା କରିଛନ୍ତି। ସୂଚନାନୁସାରେ, ବିଷ୍ଣୋଇ ଏବଂ ବରାର ଏହି ଅଭିନେତାଙ୍କୁ ହତ୍ୟା କରିବା ପାଇଁ ମୁମ୍ବାଇକୁ ପଠାଇଥିଲେ। ୧୯୯୮ ମସିହାରେ କଳା ହରିଣ ମାମଲାରେ ଲରେନ୍ସ ବିଷ୍ଣୋଇଙ୍କ ଗ୍ୟାଙ୍ଗ ସଲମାନ ଖାନଙ୍କୁ ଟାର୍ଗେଟ କରିଥିବା ଜଣାଯାଇଛି।